1 Jan 5:12 - Di Jamiekan Nyuu Testiment

¹² Enibadi we kluos wid Gad pikni av laif. Bot enibadi we no kluos wid Gad pikni no av laif.

1 Jan 5:12 ပူးပေါင်းရင်းမြစ်များ

Jan 3:36

Di sumadi we chos iina im Bwai Pikni a-go liv fi eva, bot di wan we no waahn fi av notn fi du wid im naa go liv, an Gad eva a-go ponish im.”

Jan 5:24

“Mi de tel unu fi chuu chuu, enibadi we ier we mi se an chos iina di wan we sen mi, a-go liv fi eva. Dem naa go get sen fi ded. Nuo! Dem get muuv uova fram we paat dem wuda ded, an gaan uova tu we paat dem gweehn liv.

Jan 3:15

so aal a dem we chos iina im kyan liv fi eva.

Jan 1:12

Bot az fi aal a dem we welkom im — dat fi se, dem we chos iina im an im niem, im gi dem di rait fi ton Gad pikni.

1 Korintiyan 1:30

A Gad kaaz unu fi kluos wid Jiizas Krais. An a Jiizas mek wi kyan nuo Gad an kyan andastan sortn tingz — Gad mek wi waiz wen wi kluos wid Jiizas. An chuu wi kluos wid Jiizas, Gad tek we aal a wi sin an mek tingz rait bitwiin wi an im. An so wi a im pikni nou.

Maak 16:16

Ef nobadi biliiv an get baptaiz, a dem a-go get siev, bot di wan dem wa no biliiv, jojment fi dem!

2 Jan 1:9

Ef nobadi ton we fram di sitn dem wa Krais Jiizas tiich, im no av Gad iina im. Bot di sumadi we uol aan tait tu di sitn dem bout Krais Jiizas, da sumadi de av Faada Gad an im Bwai Pikni a liv iina im.

Iibruu 3:14

Kaaz wi an Krais Jiizas, wi staat wok tugeda ef wi gwaan uol aan an chos iina im no mata wa, laik ou wi yuus tu du wen wi did fos staat biliiv iina im.

Gyalieshan 2:20

An a no mi a liv no muor bot a Krais Jiizas a liv iina mi. Nou mi liv kaaz mi chos iina Gad Bwai Pikni — di wan we lov mi an we ded fi mi.