1 Jan 4:7 - Di Jamiekan Nyuu Testiment

⁷ Mi fren, mek wi lov wan aneda, kaaz lov kom fram Gad, an enibadi we shuo lov a Gad pikni an dem nuo Gad.

1 Jan 4:7 ပူးပေါင်းရင်းမြစ်များ

Jan 13:34

“Mi a tel unu fi du sopm nyuu — lov unu wan aneda. Sed wie mi lov unu, a so unu fi lov unu wan aneda.

Jan 17:3

Fi liv fi eva miin se dem nuo yu, di onggl wan we a riili Gad, an dat dem nuo Jiizas Krais, di wan yu sen kom.

1 Korintiyan 8:3

Bot ef sumadi lov Gad, Gad nuo dem.

2 Korintiyan 4:6

Di Gad we se, “Mek di lait shain iina di daak,” a im siem wan mek im lait shain iina wi aat so dat wi kyan andastan umoch im lov wi an ou powaful im bi. An wi onggl get fi andastan dem sitn de wen wi biliiv iina Krais Jiizas.

Gyalieshan 4:9

Bot nou unu an Gad kluos — mi riili shuda se nou Gad mek it so unu an im kyan kluos — ou unu kyan ton unu bak pan im an a go bak go fala di wiik spirit dem we a ruul di worl an we naa no powa? Unu waahn go bak go ton dem sliev agen?

Gyalieshan 5:22

Bot Gad Spirit kaaz fi im piipl fi lov evribadi an aalwiez api no mata wa. It kaaz dem fi liv gud wid piipl, no fi lov fait an fi aalwiez tek taim wid ada piipl. Di Spirit mek dem kain an mek dem eva a du gud fi piipl. It kaaz dem fi bi sumadi we piipl kyan chos.

2 Timoti 1:7

Kaaz di spirit we Gad gi wi, neva mek wi friedi-friedi. Gad Spirit gi wi powa, lov an mek wi kyan kanchuol wiself.

1 Piita 1:22

Nou dat unu kliin op unu suol kaaz unu fala di riil mesij we dem tiich bout Krais Jiizas, unu kyan riili lov unu wan aneda. Unu mos aalwiez riili lov unu wan aneda wid aal a unu aat.

1 Jan 2:10

Bot enibadi we lov dem breda an sista a liv iina di lait an no av notn iina dem laif fi mek nobadi sin.

1 Jan 2:29

Unu nuo se Krais Jiizas du we rait aal di taim, an dat evribadi we du rait a Gad pikni.

1 Jan 2:3

Wen wi du we Gad se wi fi du, a so wi nuo se wi riili riili nuo Gad.

1 Jan 2:4

Bot ef sumadi se dem nuo Gad an no du we im se dem fi du, dem a laiyad an di chuut no iina dem aat.

1 Jan 2:7

Mi gud gud fren, a no riili wan nyuu laa mi a rait gi unu yu no. Wa mi a rait a di siem mesij we unu did ier fram lang taim.

1 Jan 3:9

Nobadi we a Gad pikni kyaahn jos a sin a galang so, kaaz Gad laif de iina dem. Dem kyaahn jos gwaan iina sin so, kaaz dem a Gad pikni.

1 Jan 4:11

Mi fren, ef Gad lov wi so, den a siem wie wi fi lov wan aneda.

1 Jan 4:12

Nobadi neva si Gad yet, bot ef wi lov wi wan aneda dat shuo se Gad riili iina wi an wi a lov ou im waahn wi fi lov.

1 Jan 4:16

Gad a lov. Wi nuo an wi biliiv se Gad lov wi. Enibadi we aalwiez kip kluos tu Gad an shuo lov tu ada piipl, Gad kluos wid dem, an im elp dem fi lov piipl di wie ou im waahn dem fi lov dem.

1 Jan 4:20

Ef sumadi se dem lov Gad, an iet dem breda an sista dem, dem a laiyad, kaaz sumadi kyaahn lov Gad we dem kyaahn si, an no lov dem breda an sista we dem kyan si.

1 Jan 4:8

Nobadi we no lov no nuo Gad kaaz Gad a lov.

1 Jan 5:1

Enibadi we biliiv se Jiizas a riili di Krais, dem a Gad pikni. An evribadi we lov di Faada lov im pikni tu.

2 Jan 1:5

Mi a beg yu mam, mek aal a wi lov wi wan aneda. Wa mi a rait yu a no wan nyuu laa, a di siem laa wa wi did get fram di staat.