1 Jan 4:6 - Di Jamiekan Nyuu Testiment

⁶ Wi a Gad pikni. Enibadi we nuo Gad lisn tu wi, bot aal uu no nuo Gad no waahn ier wa wi av fi se. Dis a ou wi nuo di chuu Spirit fram di laiyad spirit.

1 Jan 4:6 ပူးပေါင်းရင်းမြစ်များ

Luuk 10:22

“Mi Faada gi mi evriting. A onggl di Faada wan riili nuo di Bwai Pikni. An nobadi no riili nuo di Faada, onggl di Bwai Pikni wan an enibadi els we di pikni waahn fi mek nuo di Faada.”

Jan 10:16

Mi av ada shiip we no iina da shiip pen ya. Mi afi kyari dem iina di pen tu. Dem a-go lisn tu mi vais tu, so den, yu a-go av onggl wan gruup a shiip an onggl wan shepad.

Jan 10:27

Fi mi shiip dem lisn tu we mi se. Mi nuo dem, an dem fala baka mi.

Jan 10:3

Di wan we wach uova di shiip giet uopm di giet fi di shepad, an di shiip dem ier di shepad vais. Di shepad kaal fi'im uona shiip dem bai dem niem an im liid dem out.

Jan 13:20

Fi chuu chuu mi a tel unu se, enibadi we tek iin di sumadi mi sen tek mi iin tu, an enibadi we tek mi iin tek iin di wan we sen mi kom.”

Jan 14:17

Da sumadi de a di Spirit we shuo piipl di chuu sitn dem bout Gad. Di worliyan dem kyaahn tek im iin an mek im kanchuol dem laif, kaa dem no si im an dem no nuo im. Bot unu nuo im, kaaz im liv wid unu an a-go de insaida unu.

Jan 15:26

“Mi a-go sen di Elpa fram di Faada tu unu. Im a di Spirit we shuo piipl di chuu sitn dem bout Gad, an im a di wan we kom fram di Faada. Wen im kom, im gweehn tel piipl bout mi.

Jan 16:13

Bot wen di Spirit we shuo di chuu sitn dem bout Gad kom, im gweehn mek unu nuo aal a di sitn dem we chuu. Im naa go taak aafa im uon. Im onggl a-go taak wa im ier mi Faada se, an im a-go tel unu wa a-go apm.

Jan 18:37

“So yu a king, den?!”, Pailat aks im. Jiizas ansa im an se, “ ‘King,’ a di wod yu yuuz. A dis mi did baan fa; a dis ya mek mi kom iina di worl: fi taak tu piipl bout di sitn dem we riili chuu. Evribadi we lov di chuut lisn we mi se.”

Jan 20:21

So Jiizas se tu dem wan neks taim se, “Piis! Siem laka ou di Faada sen mi iina di worl, a siem wie so mi a sen unu iin de.”

Jan 8:19

“So den, we paat yu Faada de?” di Farisii dem aks im. “Unu no nuo mi ar mi Faada,” Jiizas se tu dem. “Ef unu did nuo mi, unu wuda nuo mi Faada tu.”

Jan 8:23

Bot Jiizas gwaan taak an im se tu dem se, “Unu kom fram dong a batam ya; mi kom fram evn op a tap. Unu kom fram da worl ya; mi no kom fram ya.

Ruoman 1:1

Da leta ya a kom fram mi, Paal, wan sliev fi Krais Jiizas. Gad pik mi fi bi wan a Jiizas Krais apasl an a im gi mi di wok fi priich im Gud Nyuuz.

Ruoman 11:8

A siem so it rait iina Gad wod se, “Gad mek it so dat dem kyaahn fiil ar andastan notn; dem av yai we kyaahn si an iez we kyaahn ier, an tu da die ya, a so dem tan.”

1 Korintiyan 14:37

Ef enibadi se dem a wan a di piipl we kyari mesij chriet fram Gad ar dat dem av wan a di gif dem we di Uoli Spirit gi, dem fi si se wa mi a rait iina da leta ya, a di siem ting we Gad se wi fi du.

2 Korintiyan 10:7

Unu onggl luk pan wa de pan di outsaid. Ef enibadi fiil shuor se dem bilang tu Krais Jiizas, mek dem tingk bout dis, siem laik ou unu bilang tu Jiizas, a siem so wi bilang tu im tu.

2 Tesaluoniyan 1:8

wid wan faiya we a bliez. Im a-go bring dong jojment pan aal a uu no nuo Gad an dem de we no fala di Gud Nyuuz bout wi Laad Jiizas.

1 Timoti 4:1

Di Uoli Spirit tel wi plien plien se iina dem laas die ya, nof piipl a-go ton dem bak pan di chuut bout Jiizas an go biliiv iina wa di wikid laiyad spirit tel di faalz tiicha dem fi priich.

2 Piita 3:2

Mi waahn unu fi memba we Gad prafit dem did se iina di paas. An mi waahn unu memba di sitn dem we Gad se wi fi du tu, we Jiizas Krais gi im apasl dem we de iina fi unu ieriya fi gi unu.

1 Jan 4:1

Mi fren, no biliiv iina evri spirit we se dem kom fram Gad. Wa yu fi du a tes di spirit dem fi si ef dem kom fram Gad fi chuu, kaaz a nof nof faalz prafit gaan out aal uova di worl.

1 Jan 4:4

Mi pikni we mi lov — unu a Gad pikni, an unu si di wan dem we go gens Gad, unu win dem aredi, kaaz di wan we iina unu muo powaful dan di wan we iina di worl.

1 Jan 4:8

Nobadi we no lov no nuo Gad kaaz Gad a lov.

1 Jan 5:19

Wi nuo se wi bilang tu Gad an dat di devl kanchuol di uol worl.

Juud 1:17

Mi fren, unu fi memba wa wi Laad Jiizas Krais apasl dem did tel unu.