1 Jan 4:18 - Di Jamiekan Nyuu Testiment

¹⁸ Riil lov no fried a notn. Piipl we fried se Gad a-go ponish dem no av Gad lov iina dem aat, a dat mek dem fried kaaz dem no riili nuo Gad.

1 Jan 4:18 ပူးပေါင်းရင်းမြစ်များ

Matyu 9:34

Bot di Farisii dem se, “A di liida fi diiman gi im powa fi ron out diiman.”

Ruoman 8:15

Kaaz Gad neva gi unu wan Spirit we ton unu iina sliev an kaaz unu fi fried. Di Spirit we Gad gi wi, mek wi im pikni an a da Spirit de mek wi kyan taak tu Gad an kaal im “Faada, fi mi Faada.”

2 Timoti 1:7

Kaaz di spirit we Gad gi wi, neva mek wi friedi-friedi. Gad Spirit gi wi powa, lov an mek wi kyan kanchuol wiself.

Iibruu 12:28

So laik ou Gad a gi wi di rait fi ruul wid im, an dat a sitn we kyaahn shiek op, mek wi gi Gad tangks an yuuz dis an worship im iina wan wie we wi mek im api. Mek wi rispek im big taim.

Jiemz 2:19

Yu biliiv se a onggl wan Gad de — gud! Aal di diiman dem biliiv dat an chrimbl.

1 Jan 4:12

Nobadi neva si Gad yet, bot ef wi lov wi wan aneda dat shuo se Gad riili iina wi an wi a lov ou im waahn wi fi lov.