1 Jan 4:15 - Di Jamiekan Nyuu Testiment

¹⁵ Ef nobadi se Jiizas a Gad pikni, Gad liv iina im an im liv iina Gad.

1 Jan 4:15 ပူးပေါင်းရင်းမြစ်များ

1 Jan 5:5

So a uu av di powa fi no gi iin tu di wikid sitn dem iina di worl? No onggl di wan dem we biliiv se Jiizas a Gad Bwai Pikni?

Ruoman 10:9

Kaaz ef yu se wid yu uona mout infronta piipl dat “Jiizas a Laad” an ef yu biliiv iina yu aat se Gad mek im kom bak alaiv, yu wi get siev.

Matyu 10:32

“So den, enibadi we piipl nuo a mi falara, mi wi se dem a fi mi pikni infronta fi mi Faada we iina evn.

1 Jan 4:2

Dis a ou unu fi fain out ef dem riili av Gad Spirit. No spirit we se Jiizas Krais did kom iina di worl laik wan man, kom fram Gad.

1 Jan 3:24

Aal uu du we Gad se dem fi du dem kluos wid Gad an Gad kluos wid dem. An a di Spirit we Gad gi wi mek wi nuo fi shuor se Gad kluos wid wi.

Filipiyan 2:11

an so dat evribadi wi afi go taak wid dem uona mout mek piipl ier, se, “Jiizas Krais a fi dem Laad.” An wen dem se dat, Faada Gad wi get big op an nof rispek.

1 Jan 4:12

Nobadi neva si Gad yet, bot ef wi lov wi wan aneda dat shuo se Gad riili iina wi an wi a lov ou im waahn wi fi lov.

1 Jan 5:1

Enibadi we biliiv se Jiizas a riili di Krais, dem a Gad pikni. An evribadi we lov di Faada lov im pikni tu.

Luuk 12:8

“Mi a tel unu se enibadi we mek piipl nuo se dem a fi mi falara, di Man we Gad Pik wi tel Gad ienjel dem se dem a fi'im.

2 Jan 1:7

Nof laiyad tiicha de iina di worl ya nou. Dem laiyad tiicha ya a taak buot se Jiizas Krais neva kom a ort wid wan badi laik wan man. Dem piipl de a laiyad. Dem a go gens Krais Jiizas.

Jan 6:56

Enibadi we nyam mi badi an we jringk mi blod kluos tu mi, an mi kluos tu dem.

1 Jan 2:23

Ef piipl ton dem bak pan di Bwai Pikni, dem no kluos tu di Faada. Bot ef piipl rispek an fala di Bwai Pikni, dem kluos wid di Faada tu.

1 Jan 2:24

Eng aan pan di chuu mesij we unu get fram di staat. Ef unu du dat, unu wi stie kluos tu di Bwai Pikni an im Faada tu.

1 Jan 3:23

Dis a wa Gad se wi fi du, wi fi biliiv iina Jiizas Krais, im Bwai Pikni, an wi fi lov wi wan aneda tu.