1 Jan 4:12 - Di Jamiekan Nyuu Testiment

¹² Nobadi neva si Gad yet, bot ef wi lov wi wan aneda dat shuo se Gad riili iina wi an wi a lov ou im waahn wi fi lov.

1 Jan 4:12 ပူးပေါင်းရင်းမြစ်များ

Jan 1:18

Nobadi neva eva si Gad yet. Di onggl sumadi we eva si im a di wan dege-dege Bwai Pikni, we a Gad imself. Im wel kluos tu di Faada, an a im mek wi nuo wa di Faada komiin laik.

1 Korintiyan 13:13

So nou a chrii tingz lef we wi fi gwaan du: chos iina Gad, gwaan biliiv se im a-go gi wi wa im se im a-go gi wi an fi lov wi wan aneda. Outa aal a dem di muos impuotant wan a lov.

1 Timoti 1:17

So rispek an priez tu di King we a-go bi king fi eva, di onggl Gad, di wan we kyan neva ded an we wi kyaahn si wid wi yai dem, priez tu im fi eva an eva, Iemen!

1 Timoti 6:16

A Gad wan kyan liv fi eva an no ded. Im liv iina wan brait brait lait, it so brait no man kyaahn luk pan im ar kom nier im. A dat mek nobadi neva si im ar kyan si im. Ana an powa tu Gad fi eva! Iemen!

Iibruu 11:27

Siek-a ou im chos iina Gad, im lef Iijip an neehn fried se di king mait-a beks. An im neehn ton bak. Im uol aan pan di Gad we nobadi kyaahn si, laik se im kuda si im.

1 Jan 2:5

Wen enibadi du we Gad se dem fi du, da sumadi de shuo se dem riili lov Gad di wie im waahn dem fi lov im. A so wi nuo se wi a fi im uon.

1 Jan 3:24

Aal uu du we Gad se dem fi du dem kluos wid Gad an Gad kluos wid dem. An a di Spirit we Gad gi wi mek wi nuo fi shuor se Gad kluos wid wi.

1 Jan 4:16

Gad a lov. Wi nuo an wi biliiv se Gad lov wi. Enibadi we aalwiez kip kluos tu Gad an shuo lov tu ada piipl, Gad kluos wid dem, an im elp dem fi lov piipl di wie ou im waahn dem fi lov dem.

1 Jan 4:20

Ef sumadi se dem lov Gad, an iet dem breda an sista dem, dem a laiyad, kaaz sumadi kyaahn lov Gad we dem kyaahn si, an no lov dem breda an sista we dem kyan si.

1 Jan 4:6

Wi a Gad pikni. Enibadi we nuo Gad lisn tu wi, bot aal uu no nuo Gad no waahn ier wa wi av fi se. Dis a ou wi nuo di chuu Spirit fram di laiyad spirit.