1 Jan 4:1 - Di Jamiekan Nyuu Testiment

¹ Mi fren, no biliiv iina evri spirit we se dem kom fram Gad. Wa yu fi du a tes di spirit dem fi si ef dem kom fram Gad fi chuu, kaaz a nof nof faalz prafit gaan out aal uova di worl.

1 Jan 4:1 ပူးပေါင်းရင်းမြစ်များ

1 Tesaluoniyan 5:21

bot tes evriting. Eng aan pan wa gud,

2 Piita 2:1

Yu did av faalz prafit we yuus tu kom tu di piipl dem iina di paas, a siem so nou faalz tiicha wi kom tu unu. Widout unu iivn si wa a gwaan, dem wi siniik iin di faalz sitn we dem tiich fi mek unu chrie. An dem aal a se Jiizas Krais, di Laad an Maasta, a no fi dem Laad, wen a im siem wan did pie fi mek dem go frii, so dat sin no av no powa uova dem. Bot bifuo dem kyan iivn bat dem yai, a el an powda ous dem a bring dong pan demself.

1 Timoti 4:1

Di Uoli Spirit tel wi plien plien se iina dem laas die ya, nof piipl a-go ton dem bak pan di chuut bout Jiizas an go biliiv iina wa di wikid laiyad spirit tel di faalz tiicha dem fi priich.

2 Jan 1:7

Nof laiyad tiicha de iina di worl ya nou. Dem laiyad tiicha ya a taak buot se Jiizas Krais neva kom a ort wid wan badi laik wan man. Dem piipl de a laiyad. Dem a go gens Krais Jiizas.

1 Korintiyan 14:29

Wen unu a kip choch, unu fi mek tuu ar chrii a di piipl dem we kyari mesij fram Gad taak. An di res a piipl iina di choch fi lisn an tingk bout we dem se, an joj fi demself ef wa dem a ier a chuu sopm.

1 Jan 2:18

Breda an sista di worl suun don. Unu did ier se di wan we go gens Krais Jiizas a-go kom. Wel nof piipl we go gens Krais Jiizas de ya aredi. A so wi nuo se di worl suun don.

Luuk 12:57

“Wa mek unu no joj fi unuself wa rait?

Luuk 21:8

Jiizas se tu dem se, “Wach out, no mek nobadi fuul unu op. Kaaz uol iip a piipl a-go kom yuuz op yuuz op mi niem, an a se, ‘Mi a Krais, a mi Gad sen fi siev piipl’ an, ‘di taim fi Jiizas kom bak de nier.’ No fala dem.

2 Timoti 3:13

Bot di wikid piipl dem an di fraad dem a-go get fram bad tu wos. Dem a-go gwaan chrik piipl an lou demself fi get chrik tu.

Revilieshan 2:2

Mi nuo evriting bout unu. Mi nuo aal wa unu go chuu kaaz unu biliiv iina mi, an ou unu tan op chrang an no gi op wen chobl tek unu. Mi nuo se unu kyaahn tek di wikid piipl dem. Unu tes di wan dem we taak bout se dem a apasl wen dem a no no apasl, an fain out se dem a uol laiyad.

1 Korintiyan 12:10

Som piipl, Gad Spirit mek dem kyan wok mirikl. Wan neda set a piipl, di Spirit mek dem kyan priich Gad mesij. Ada piipl di Spirit gi dem di powa fi nuo ef a Gad Spirit a mek som piipl kyan du sortn tingz ar ef a som ada spirit a mek dem du it. Di Spirit aal mek som piipl kyan taak iina tongz an a di siem Spirit kaaz ada piipl fi andastan dem.

Aks 20:29

Mi nuo se afta mi lef som man a-go kom mongks unu we komiin laik som torbl wail animal an dem a-go kom mash op di choch.

Maak 13:21

So ef sumadi se tu yu, ‘Luk, si Krais ya!’ ar ‘Luk, si im de!’ No biliiv im.

Aks 17:11

Di Juu dem we de a Tesalonaika did lak op dem main gens Gad mesij. Bot di wan dem we de a Beriya, dem lisn gud kaaz dem did wel waahn ier di mesij. So evridie dem luk aad aad iina Gad wod fi si ef wa Paal did a se mach op wid wa rait dong iina Gad wod.

1 Tesaluoniyan 5:20

No se di mesij we piipl kliem se dem get fram Gad a fuulinish,

2 Tesaluoniyan 2:2

no bada mek nobadi twis op unu ed an fraitn unu so dat unu kyaahn iivn tingk chriet. Nobadi! No mek no mesij we nobadi kliem se dem get fram di spirit an no faam a leta we kliem se it kom fram wi we a tel unu bout se: di die wen di Laad fi kom bak de ya aredi. No mek non a dat twis op unu ed. No biliiv non a dat!

1 Jan 2:7

Mi gud gud fren, a no riili wan nyuu laa mi a rait gi unu yu no. Wa mi a rait a di siem mesij we unu did ier fram lang taim.

3 Jan 1:11

Mi breda, no fala bad kompni. Enibadi we du wa rait kom fram Gad. Enibadi we lov du we rang no nuo Gad.