1 Jan 3:6 - Di Jamiekan Nyuu Testiment

⁶ Nobadi we chos iina Jiizas no liv iina sin. Enibadi we jos a sin a gwaan so neva si im an dem no nuo im niida.

1 Jan 3:6 ပူးပေါင်းရင်းမြစ်များ

2 Korintiyan 3:18

An so aal a wi we bilang tu Jiizas, fi wi fies no kova op an wi kyan luk pan di Laad brait brait lait. An di Uoli Spirit we a di Laad kaaz wi fi shain brait brait tu. An muor an muor im a mek wi laik imself, til wan die wi a-go luk jos laik im.

2 Korintiyan 4:6

Di Gad we se, “Mek di lait shain iina di daak,” a im siem wan mek im lait shain iina wi aat so dat wi kyan andastan umoch im lov wi an ou powaful im bi. An wi onggl get fi andastan dem sitn de wen wi biliiv iina Krais Jiizas.

1 Jan 2:28

Breda an sista, tan iina Krais Jiizas so dat wen im kom bak wi no afi fried an ron go aid iina shiem.

1 Jan 2:3

Wen wi du we Gad se wi fi du, a so wi nuo se wi riili riili nuo Gad.

1 Jan 2:4

Bot ef sumadi se dem nuo Gad an no du we im se dem fi du, dem a laiyad an di chuut no iina dem aat.

1 Jan 3:2

Mi fren, wi a Gad pikni nou an wi no nuo evriting bout ou wi laif gweehn tan lieta, bot wi nuo se wen Krais Jiizas kom bak, wi gweehn tan siem laik im, kaaz wi a-go si im jos laik ou im tan.

1 Jan 3:9

Nobadi we a Gad pikni kyaahn jos a sin a galang so, kaaz Gad laif de iina dem. Dem kyaahn jos gwaan iina sin so, kaaz dem a Gad pikni.

1 Jan 4:8

Nobadi we no lov no nuo Gad kaaz Gad a lov.

1 Jan 5:18

Wi nuo se nobadi we baan Gad pikni no jos kip aan a sin so. Gad Bwai Pikni kip dem sief, so di devl kyaahn toch dem.

3 Jan 1:11

Mi breda, no fala bad kompni. Enibadi we du wa rait kom fram Gad. Enibadi we lov du we rang no nuo Gad.