1 Jan 3:4 - Di Jamiekan Nyuu Testiment

⁴ Evribadi we sin brok Gad Laa, kaaz sin a di siem sitn laik wen sumadi brok Gad Laa.

1 Jan 3:4 ပူးပေါင်းရင်းမြစ်များ

1 Jan 5:17

Evriting wa rang a sin, bot a no evri sin sen piipl go ded.

Ruoman 3:20

Evribadi a-go get ponish, kaaz Gad naa go mek tingz rait bitwiin yu an im jos chuu yu a fala di Laa. Di Laa kyaahn du dat, wa di Laa du a mek wi nuo se wi a sina.

2 Korintiyan 12:21

Mi fried se wen mi kom de, Gad we mi sorv, a-go mek mi fiil shiem agen an mi a-go baal fi di wan dem we a sin, an we naa chienj dem wiez an beg Gad fi paadn dem. Dem naa beg Gad fi paadn dem fi di doti laif we dem a liv an fi ou wail dem a gwaan. Dem naa beg Gad fi paadn dem fi aal a di seks sin dem we dem a du.

Ruoman 4:15

Kaaz Gad beks wen piipl brok im Laa, an kaaz a di Laa im a-go joj dem piipl de. Bot ef no laa no de de, nobadi kyan brok it, kaaz notn wudn de de fi brok.

Jiemz 5:15

An wen di choch liida dem prie tu di Laad an biliiv se im ier dem, dem prieya a-go mek di sik sumadi get beta. Di Laad a-go mek dem get beta, an ef dem did sin, im a-go paadn dem.

Matyu 5:19

So ier mi nou, enibadi we brok dong tu di liklis Laa, an go tiich piipl se di Laa no mata an mek dem brok it tu, outa aal di piipl dem we Gad ruul uova, da sumadi de naa go mata so moch iina Gad yai. Bot enibadi we lisn di Laa an du wa it se, an tiich piipl fi du dat tu, dem a-go get tap-a-tap pozishan iina Gad kindom.

Aks 23:3

Den Paal se tu im se, “Gad a-go chraik yu dong, yu wait wash waal yu! Yu sidong de laik wan joj we a du wa di Laa se, bot yu brok di Laa an aada dem fi baks mi?”