1 Jan 3:21 - Di Jamiekan Nyuu Testiment

²¹ So mi fren, ef wi fiil iina wi aat se Gad no rait wi aaf, den wi kyan tan op infronta Gad an wi kanchens naa go bada wi,

1 Jan 3:21 ပူးပေါင်းရင်းမြစ်များ

1 Jan 2:28

Breda an sista, tan iina Krais Jiizas so dat wen im kom bak wi no afi fried an ron go aid iina shiem.

Iibruu 4:16

So mek wi go tu di wan we shuo wi lov iivn duo wi no dizorv it, an no bada if-an-bot an galang laik wi fried, so im we gud an kain, wi kain tu wi an shuo wi lov iivn duo wi no dizorv it an elp wi enitaim wi niid di elp.

2 Korintiyan 1:12

Nou dis a wa wi av we wi kyan buos bout: fi wi kanchens naa bada wi kaaz wi nuo se wi liv gud wid evribadi. Aal unu, muor dan di res a piipl dem, wi chriit gud. Wi neva aid notn fram unu an wi aalwiez liv laik ou piipl we se dem bilang tu Gad fi liv. An wi naa liv so kaaz wi sumaat ar wi av sens, bot kaaz Gad gud tu wi an a im mek wi kyan liv so.

1 Jan 5:14

Wi shuor se Gad wi ier wi prieya wen wi aks im fi di sitn dem we im waahn wi fi aks fa.

1 Jan 4:17

Wen jojment die kom wi wi kyan tan op infronta Gad an no fried, kaaz im lov iina wi aat, an wi a liv iina di worl jos laik ou Jiizas did liv.

Iibruu 10:22

So siek-a aal a dem sitn de, kom mek wi jraa kluos tu Gad an no fried. Bot mek wi go tu im an riili chos im wid aal a wi aat. Kaaz Jiizas blod don kliin wi aat so wi kanchens frii, an wi badi don wash iina kliin waata tu.

1 Korintiyan 4:4

Az faar az mi nuo, mi no du notn rang, bot dat no pruuv se wa mi a du rait. Bot a no unu a-go joj mi, a di Laad a-go joj mi.

1 Timoti 2:8

So mi aks dat wen unu kom tugeda fi worship Gad, dat aal a di man dem wi lif op dem an, an prie. Dem man ya laif mos kliin an wen dem a prie dem no fi av op nobadi iina dem aat ar a kwaril wid dem wan aneda.

Ruoman 14:22

So den wen it kom tu dem sitn ya, kip wa yu biliiv bitwiin yu an Gad. Di piipl we kyan du wa dem biliiv rait an no wanda at aal ef wa dem a du rang ar fiil gilti bout we dem a du, a dem riili api.

Ifiijan 3:12

Siek-a Jiizas an kaaz wi chos iina im, im mek wi kyan kom tu Gad frii an no fried a notn.

1 Jan 2:7

Mi gud gud fren, a no riili wan nyuu laa mi a rait gi unu yu no. Wa mi a rait a di siem mesij we unu did ier fram lang taim.

1 Jan 3:2

Mi fren, wi a Gad pikni nou an wi no nuo evriting bout ou wi laif gweehn tan lieta, bot wi nuo se wen Krais Jiizas kom bak, wi gweehn tan siem laik im, kaaz wi a-go si im jos laik ou im tan.

1 Jan 3:20

Iivn ef wi aat mek wi fiil laik se Gad rait wi aaf an no waahn av notn fi du wid wi, wi nuo se Gad biga dan wi aat, an im nuo evriting.