1 Jan 3:20 - Di Jamiekan Nyuu Testiment

²⁰ Iivn ef wi aat mek wi fiil laik se Gad rait wi aaf an no waahn av notn fi du wid wi, wi nuo se Gad biga dan wi aat, an im nuo evriting.

1 Jan 3:20 ပူးပေါင်းရင်းမြစ်များ

Jan 21:17

Fi di tord taim Jiizas aks im se, “Saiman, Jan bwai pikni, yu lov mi?” Piita did fiil a wie, kaaz a chrii taim nou Jiizas aks se, “Yu lov mi?” So im se, “Laad, yu nuo evriting. Yu nuo se mi lov yu.” Den Jiizas se tu im se, “Fiid mi shiip dem.

Jan 8:9

Wen dem ier we Jiizas se, dem lef go we wan afta di ada. Di uolis wan dem go we fos, an dem gwaan lef til a Jiizas wan did tan op de wid di uman.

Aks 5:33

Wen di Juu liida dem ier dem sitn de, dem get beks til dem blod staat bwail an dem redi fi kil di apasl dem.

Ruoman 8:34

So den uu kyan joj di piipl we Gad pik an se dat dem gilti? Nobadi! Nobadi kyaahn du dat! Jiizas Krais we did ded an kom bak alaiv an uu sidong a Gad rait an, a taak tu Gad an a beg fi wi.

1 Korintiyan 4:4

Az faar az mi nuo, mi no du notn rang, bot dat no pruuv se wa mi a du rait. Bot a no unu a-go joj mi, a di Laad a-go joj mi.

Taitos 3:11

Kaaz yu nuo se da man de ed mes op an im ful-a sin; a im bring dong jojment pan imself.

Iibruu 4:13

No iivn wan sitn kyan aid fram Gad! Bot evriting uopm op an im kyan si di uol a dem, an a im wi afi go ansa tu bout evriting we wi du.

Iibruu 6:13

Nou wen Gad did mek Iebriyam di pramis, sins nobadi no de we biga dan Gad an muo powaful dan im, im swier pan imself.

1 Jan 3:19

Siek-a ou wi lov wi breda an sista, a so wi nuo fi shuor se wi av di riil mesij, so wi kyan tan op infronta Gad an wi kanchens no bada wi.

1 Jan 3:21

So mi fren, ef wi fiil iina wi aat se Gad no rait wi aaf, den wi kyan tan op infronta Gad an wi kanchens naa go bada wi,

1 Jan 4:4

Mi pikni we mi lov — unu a Gad pikni, an unu si di wan dem we go gens Gad, unu win dem aredi, kaaz di wan we iina unu muo powaful dan di wan we iina di worl.

Revilieshan 2:23

Mi a-go kil aaf ar falara dem. Den aal a di choch dem wi fain out se a mi a di wan we sorch out evribadi main an aat. An fi aal we unu a du, mi a-go pie unu bak wa unu fi get.