1 Jan 3:2 - Di Jamiekan Nyuu Testiment

² Mi fren, wi a Gad pikni nou an wi no nuo evriting bout ou wi laif gweehn tan lieta, bot wi nuo se wen Krais Jiizas kom bak, wi gweehn tan siem laik im, kaaz wi a-go si im jos laik ou im tan.

1 Jan 3:2 ပူးပေါင်းရင်းမြစ်များ

Filipiyan 3:21

Im a-go yuuz im powa an kanchuol evriting. An im a-go yuuz da siem powa de an chienj wi wiik badi dem, an mek dem komiin laik fi im powaful badi.

Koloshan 3:4

A Krais Jiizas mek unu riili liv. Wen im kom bak piipl a-go si an nuo ou big an powaful im bi. Dem a-go si an nuo uu unu bi tu, kaa unu a-go de de wid im.

2 Korintiyan 3:18

An so aal a wi we bilang tu Jiizas, fi wi fies no kova op an wi kyan luk pan di Laad brait brait lait. An di Uoli Spirit we a di Laad kaaz wi fi shain brait brait tu. An muor an muor im a mek wi laik imself, til wan die wi a-go luk jos laik im.

1 Korintiyan 13:12

Kaaz jos laik ou wen wi luk pan wiself iina wan shain piis a metal, wi kyaahn mek out evriting, a siem so wi tan nou. Wi nuo som tingz bot wi no nuo evriting. Bot wan die wi a-go si Gad fies tu fies an den wi wi nuo an andastan evriting we de de fi nuo bout Gad. Jos laik ou Gad nuo evriting bout wi.

Ruoman 8:29

Kaaz di piipl we Gad pik iivn bifuo im mek di worl, im maak dem. Im maak dem fi ton laik im Bwai Pikni, so dat im Bwai Pikni wuda bi di fos outa aal a im pikni dem.

1 Korintiyan 15:49

An jos laik ou wi did av wan badi laik di man we mek outa dot, a siem so wan die wi a-go av wan badi laik di man we kom fram evn.

Revilieshan 22:4

Dem a-go si Gad fies tu fies, an im niem a-go rait pan dem farid.

2 Piita 1:4

Siek-a dem sitn ya im gi wi di big an preshos preshos gif we im did pramis wi. So, wi kyan komiin muo an muo laik Gad, an aal shier iina uu im bi. An da wie de wi kyan ron we fram di wikidnis we iina da worl ya, we set fi kil aaf piipl. Di wikidnis we kom bout siek-a ou dem wel waahn fi sin.

1 Korintiyan 2:9

Bot it rait dong se: “No yai no si, no iez no ier, aal a di sitn dem we Gad pudong fi di piipl we lov im. Nobadi kudn iivn tingk dem op.”

1 Jan 3:1

Luk umoch di Faada lov wi. Im kaal wi im uona pikni, an wi a riili fi im pikni fi chuu. Di piipl dem iina di worl no nuo wi, jos laik ou dem neva nuo Gad niida.

Gyalieshan 4:6

An kaaz di uol a wi a nou im pikni, Gad sen im Bwai Pikni Spirit fi kom liv iina wi aat. An a da Spirit de we kaaz wi fi baal out, “Faada, mi Faada.”

Ruoman 8:18

Aal di sofa wi a sofa nou, mi shuor se notn wi go chuu kyan mach op tu aal a wa Gad a-go gi wi lieta.

Gyalieshan 3:26

Nou aal a unu a Gad pikni kaaz unu biliiv an chos iina Jiizas Krais.

Jan 17:24

“Faada, mi waahn di piipl dem we yu gi mi fi de eniwe mi de, so dat dem kyan si di uol iip a rispek we yu gi mi, kaa yu lov mi fram bifuo di worl did mek.

Matyu 5:8

Aal a uu onggl waahn fi du di sitn dem we mek Gad api, Gad bles unu, kaaz wan die, wan die, unu a-go get fi si Gad.

1 Jan 2:28

Breda an sista, tan iina Krais Jiizas so dat wen im kom bak wi no afi fried an ron go aid iina shiem.

Iibruu 9:28

wel a siem so, Krais Jiizas sakrifais imself onggl wan taim fi paadn uol iip a piipl sin. Bot wen im kom bak, a no kom im a kom fi tek we sin bot fi siev di piipl dem we a wiet fi im.

2 Korintiyan 4:17

Di likl chobl an di sofarieshan we wi a go chuu nou, naa go laas fi eva an dem a no notn wen yu tingk bout di nais nais sitn dem we Gad a-go gi wi, wen wi riich a evn.

1 Jan 5:1

Enibadi we biliiv se Jiizas a riili di Krais, dem a Gad pikni. An evribadi we lov di Faada lov im pikni tu.

Luuk 17:30

“A siem so it a-go apm pan di die di Man we Gad Pik kom bak.

Luuk 20:36

An dem naa go kyan ded agen, kaaz dem komiin laik ienjel an dem a Gad pikni. Dem a Gad pikni kaaz Gad mek dem kom bak alaiv.

Jan 1:12

Bot az fi aal a dem we welkom im — dat fi se, dem we chos iina im an im niem, im gi dem di rait fi ton Gad pikni.

Jan 11:52

Bot no fi dem wan, bot fi mek aal a Gad pikni dem we skyata skyata aal uova di plies kom tugeda iina wan.)

Ruoman 8:16

Gad Spirit an fi wi Spirit jain op tugeda an se dat wi a Gad pikni.

Ruoman 8:19

Az a matarafak, evriting we Gad mek, a did fi Gad shuo dem a uu im pikni dem bi.

1 Jan 2:7

Mi gud gud fren, a no riili wan nyuu laa mi a rait gi unu yu no. Wa mi a rait a di siem mesij we unu did ier fram lang taim.

1 Jan 3:10

Wi kyan nuo uu a Gad pikni fram uu a di Devl pikni. Enibadi we no du wa rait iina Gad yai, an we no lov dem breda an sista, dem a no Gad pikni.

1 Jan 3:21

So mi fren, ef wi fiil iina wi aat se Gad no rait wi aaf, den wi kyan tan op infronta Gad an wi kanchens naa go bada wi,

Revilieshan 2:28

An siem laik ou mi get di rait fi ruul fram mi Faada, mi a-go gi dem powa fi ruul. Mi a-go gi dem di staar we shain brait wen die a lait fi shuo se dem a wina.