1 Jan 3:14 - Di Jamiekan Nyuu Testiment

¹⁴ Wi nuo se wi no ded no muor, a liv wi staat liv ya nou. Wi nuo dis kaaz wi lov ada piipl. Aal a uu no lov dem breda an sista, dem ded siem wie.

1 Jan 3:14 ပူးပေါင်းရင်းမြစ်များ

1 Jan 5:2

Dis a ou wi a-go nuo se wi lov Gad pikni dem, wen wi lov Gad an du wa im tel wi fi du.

Jan 13:35

Wen unu lov unu wan aneda, a so piipl gweehn nuo se unu a fi mi falara.”

1 Tesaluoniyan 4:9

Nou fi taak bout ou unu fi lov unu breda an sista dem we biliiv iina Jiizas, mi no niid fi rait an tel unu bout dat, kaaz Gad imself don tiich unu ou fi lov unu wan aneda.

Jan 5:24

“Mi de tel unu fi chuu chuu, enibadi we ier we mi se an chos iina di wan we sen mi, a-go liv fi eva. Dem naa go get sen fi ded. Nuo! Dem get muuv uova fram we paat dem wuda ded, an gaan uova tu we paat dem gweehn liv.

1 Piita 1:22

Nou dat unu kliin op unu suol kaaz unu fala di riil mesij we dem tiich bout Krais Jiizas, unu kyan riili lov unu wan aneda. Unu mos aalwiez riili lov unu wan aneda wid aal a unu aat.

Matyu 25:40

“An di king a-go ansa bak, ‘Mi tel unu dis, an a chuu mi a taak, di taim dem wen unu weehn du dem sitn de fi wan a mi breda an sista dem we piipl se no wot notn, a laik se a mi unu did dwi'it fa.’

Iibruu 13:1

Unu mos gwaan lov di breda an sista dem we biliiv iina Gad jos laik unu.

Jan 15:12

“Dis ya a wa mi waahn unu fi du: lov unu wan aneda siem laka ou mi lov unu.

1 Jan 4:12

Nobadi neva si Gad yet, bot ef wi lov wi wan aneda dat shuo se Gad riili iina wi an wi a lov ou im waahn wi fi lov.

1 Jan 3:23

Dis a wa Gad se wi fi du, wi fi biliiv iina Jiizas Krais, im Bwai Pikni, an wi fi lov wi wan aneda tu.

1 Piita 3:8

Dis a di laas ting mi a se ya-so. Di uol a unu fi kom tugeda laik se unu a wan sumadi an chrai fi andastan wa unu wan aneda a go chuu. Unu fi lov unu wan aneda laik ou breda an sista lov dem wan aneda. Unu mos kip unu wan aneda neks tu unu aat an shuo umoch unu kier fi dem. An unu mos ombl unuself mongks unu wan aneda tu.

Koloshan 1:4

Wi tangk im kaaz wi ier se unu chos iina Krais Jiizas, an wi ier ou unu lov aal a Gad piipl dem.

Ifiijan 1:15

So nou, siek-a aal a dem sitn ya, fram di fos taim mi ier se unu chos iina di Laad Jiizas an dat unu lov Gad piipl,

1 Jan 5:13

Mi rait unu we biliiv iina Gad Bwai Pikni so dat unu wi nuo se unu a-go liv fi eva an eva.

Jan 15:17

A da sopm ya mi a tel unu fi du: lov unu wan aneda.

1 Jan 2:3

Wen wi du we Gad se wi fi du, a so wi nuo se wi riili riili nuo Gad.

2 Piita 1:7

An no jos dat, bot unu fi lov an kier bout unu wan aneda tu. An pan tap a aal a dat unu fi lov evribadi fram di batam a unu aat.

Ifiijan 2:5

aal wen wi spirit did ded siek-a wi sin dem, Gad mek wi kom bak alaiv siem taim Jiizas did kom bak alaiv. (A kaaz Gad lov unu iivn duo wi no dizorv it mek im siev unu.)

2 Korintiyan 5:1

Wi nuo se wi badi a laik di ous dem we wi liv iina, dem naa go laas fi eva. An wi nuo se wen da badi ya mash op, Gad wi gi wi wan nyuu wan we im bil imself. Da badi de wi wi get wen wi riich a evn an it a-go laas fi eva.

Ifiijan 2:1

Wan taim unu spirit did ded kaaz unu did a brok Gad laa an unu did a liv iina sin.

Gyalieshan 5:22

Bot Gad Spirit kaaz fi im piipl fi lov evribadi an aalwiez api no mata wa. It kaaz dem fi liv gud wid piipl, no fi lov fait an fi aalwiez tek taim wid ada piipl. Di Spirit mek dem kain an mek dem eva a du gud fi piipl. It kaaz dem fi bi sumadi we piipl kyan chos.

Luuk 15:32

Bot wi did so glad wi did afi daans an praans, kaaz yu breda we did ded an kom bak alaiv, kom bak uom. Im did laas bot wi get im bak.’ ”

Luuk 15:24

Mi pikni did ded bot im kom bak alaiv. Im did laas bot mi get im bak.’ So dem staat fi daans an praans.

Luuk 7:5

Kaaz im lov wi piipl an a im bil wan choch fi wi.”