1 Jan 2:6 - Di Jamiekan Nyuu Testiment

⁶ Ef sumadi se Gad liv iina dem, dem fi liv di wie Krais Jiizas liv.

1 Jan 2:6 ပူးပေါင်းရင်းမြစ်များ

Matyu 11:29

Jos laka ou di kou tek di wudn yuok pan dem shuolda, a so unu fi tek op di sitn dem we mi tel unu fi du, an tek iin wa mi a tiich, kaa mi wi tek taim wid unu, an mi riili ombl, an unu wi get fi res unu suol.

Jan 13:15

Mi a set egzampl fi unu fala. Wa mi du fu'unu, unu fi du fu'unu wan aneda.

Jan 15:10

Ef unu du wa mi tel unu fi du den unu naa go ton we fram di lov mi av fi unu, siem laka ou mi du wa mi Faada tel mi fi du an no ton we fram di lov we im av fi mi.

1 Korintiyan 11:1

Unu mos fala mi, an du wa mi du. Jos laik ou mi fala Krais Jiizas, an du we im du.

Ifiijan 5:2

Lov unu wan aneda, jos laik ou Krais Jiizas lov unu. Im gi op im laif fi wi laik wan swiit sakrifais we dem bon pan alta gi Gad.

1 Piita 2:21

A dis Gad kaal unu fi du yu no. Krais Jiizas imself sofa fi unu, an shuo unu ou fi bier di sofarieshan. Unu fi du laik im; fala iina im fut step dem.

1 Jan 2:28

Breda an sista, tan iina Krais Jiizas so dat wen im kom bak wi no afi fried an ron go aid iina shiem.

1 Jan 2:4

Bot ef sumadi se dem nuo Gad an no du we im se dem fi du, dem a laiyad an di chuut no iina dem aat.

1 Jan 3:24

Aal uu du we Gad se dem fi du dem kluos wid Gad an Gad kluos wid dem. An a di Spirit we Gad gi wi mek wi nuo fi shuor se Gad kluos wid wi.

1 Jan 3:6

Nobadi we chos iina Jiizas no liv iina sin. Enibadi we jos a sin a gwaan so neva si im an dem no nuo im niida.

1 Jan 4:17

Wen jojment die kom wi wi kyan tan op infronta Gad an no fried, kaaz im lov iina wi aat, an wi a liv iina di worl jos laik ou Jiizas did liv.