1 Jan 2:5 - Di Jamiekan Nyuu Testiment

⁵ Wen enibadi du we Gad se dem fi du, da sumadi de shuo se dem riili lov Gad di wie im waahn dem fi lov im. A so wi nuo se wi a fi im uon.

1 Jan 2:5 ပူးပေါင်းရင်းမြစ်များ

Luuk 11:28

Jiizas ansa ar an se, “Di piipl dem we ier Gad wod an du we it se, a dem riili bles.”

Jan 14:21

Di sumadi we nuo an du wa mi se, a dem lov mi. Mi Faada a-go lov di sumadi we lov mi. Mi a-go lov dem tu, an mi gweehn shuo dem a uu mi bi.”

Jan 14:23

Jiizas se tu im se, “Ef sumadi lov mi den da sumadi de a-go du wa mi se dem fi du. Mi Faada a-go lov dem, an di tuu a wi a-go liv wid dem.

Jan 15:5

“Mi a di chrii; unu a di lim dem. Evri lim we a paat a mi — an we mi a paat a — dem bier nof fruut. Unu kyaahn du wan ting widout mi.

Jan 6:56

Enibadi we nyam mi badi an we jringk mi blod kluos tu mi, an mi kluos tu dem.

Ruoman 8:1

So nou, di piipl we biliiv iina Krais Jiizas an we ton wan wid im, Gad naa go luk pan dem an se dem gilti an mos get ponish.

1 Korintiyan 1:30

A Gad kaaz unu fi kluos wid Jiizas Krais. An a Jiizas mek wi kyan nuo Gad an kyan andastan sortn tingz — Gad mek wi waiz wen wi kluos wid Jiizas. An chuu wi kluos wid Jiizas, Gad tek we aal a wi sin an mek tingz rait bitwiin wi an im. An so wi a im pikni nou.

2 Korintiyan 5:17

Wen sumadi biliiv iina Krais Jiizas, dem ton wan nyuu sumadi. Dem tap liv di wie dem yuus tu liv bifuo dem biliiv an staat liv difrant.

2 Korintiyan 5:21

Jiizas neva sin yet bot Gad put fi wi sin pan im, so dat wi kuda get kliin. Da wie de wen wi biliiv iina Jiizas, tingz wuda rait bitwiin wi an Gad.

Jiemz 2:22

So unu si se wa Iebriyam du shuo se im riili biliiv Gad.

1 Jan 3:24

Aal uu du we Gad se dem fi du dem kluos wid Gad an Gad kluos wid dem. An a di Spirit we Gad gi wi mek wi nuo fi shuor se Gad kluos wid wi.

1 Jan 4:17

Wen jojment die kom wi wi kyan tan op infronta Gad an no fried, kaaz im lov iina wi aat, an wi a liv iina di worl jos laik ou Jiizas did liv.

1 Jan 4:18

Riil lov no fried a notn. Piipl we fried se Gad a-go ponish dem no av Gad lov iina dem aat, a dat mek dem fried kaaz dem no riili nuo Gad.

1 Jan 5:2

Dis a ou wi a-go nuo se wi lov Gad pikni dem, wen wi lov Gad an du wa im tel wi fi du.

1 Jan 5:20

Wi nuo se Jiizas Krais, Gad Bwai Pikni kom an shuo wi di riil Gad. Siek-a Jiizas, wi bilang tu Gad nou — di riil Gad we mek piipl liv fi eva an eva.

2 Jan 1:6

Wen wi du wa Gad tel wi fi du, dat a lov, an fram lang lang taim im did tel wi fi lov wan aneda.

Revilieshan 12:17

Den di jragan get beks wid di uman — beks til im tempa a bwail uova. So im go we fi go mek waar gens ar ada pikni dem — di wan dem we du we Gad se dem fi du, an we biliiv evriting bout Jiizas.

Revilieshan 14:12

So Gad piipl we du we im se afi tan op chrang an gwaan chos Jiizas.”