1 Jan 2:19 - Di Jamiekan Nyuu Testiment

¹⁹ Dem piipl de lef fram mongks unu, bot dem a neva did riili paat a unu at aal. Ef dem a did paat a unu dem wuda tan wid unu. Bot wen dem lef, dat shuo se dem a neva paat a unu choch at aal at aal.

1 Jan 2:19 ပူးပေါင်းရင်းမြစ်များ

Matyu 24:24

Kaaz piipl a-go kom kom se dem a di wan we Gad sen fi siev piipl, wen notn no go so. An som faalz prafit a-go shuo op tu. Dem piipl de a-go wok aal kain-a mirikl an shuo aal kain-a sain fi chrik op piipl, dong tu aal di piipl dem we Gad pik, di faalz prafit dem wi chrik op tu ef dem get di chaans.

Maak 13:22

Kaaz piipl a-go kom kom se dem a di wan we Gad sen fi siev piipl, wen notn no go so. An som faalz prafit a-go shuo op tu. Dem piipl de a-go wok aal kain-a mirikl an shuo aal kain-a sain fi chrik op piipl, dong tu aal di piipl dem we Gad pik dem wi chrik op ef dem get di chaans.

Luuk 8:13

Di siid dem we jrap pan di grong we bier rakstuon de, a piipl we glad fi Gad wod, biliiv Gad wod fi likl bit, bot siem laik di plaant dem uufa ruut no go dong diip iina di grong, dem no mek Gad wod go diip iina dem aat. Dem biliiv fi likl bit, bot wen taim kom fi dem get tes, dem ton bak — siem laik ou di plaant jrai op an ded.

Jan 15:2

Im brok aaf aafa mi aal a di lim dem we no bier fruut. An im chrim op di lim dem we bier fruut so dat dem kyan bier muo.

Jan 4:14

bot enibadi we jringk di waata we mi gi'im naa go torsti agen. Yu si, di kain-a waata we mi a-go gi'im gweehn ton wan spring iina im, wan we no tap ron, an we kaaz im fi liv fi eva.”

Aks 15:24

Wi ier se som man fram wi gruup kom a mek chobl fi unu an a chrai fi mes op unu ed wid di sitn dem we dem a tiich, bot wi neva sen dem, ar wi neva gi dem no rait fi du wa dem a du.

Aks 20:30

An di taim a-go kom wen iivn som a unu uona piipl a-go tiich som torbl sitn we go gens di chuut fi get som a unu fi fala dem.

Ruoman 9:6

Mi naa se Gad brok im pramis dem — Gad du evriting we im pramis fi du, bot a no evribadi we baan iina Izrel a riili Gad piipl.

1 Korintiyan 11:19

Mi no fraitn fi ier se unu plit op iina gruup kaaz a so wi a-go nuo uu Gad riili api wid.

2 Timoti 2:10

An sins di mesij no iina prizn mi wi gwaan sofa fi di piipl dem we Gad pik. So dat Jiizas Krais wi siev dem an so dem kyan liv fi eva wid Gad.

2 Timoti 2:19

Bot Gad foundieshan salid an chrang, it a tan op siem wie. An it av dis rait pan it: “Di Laad nuo di piipl dem we a fi im uon,” an “Enibadi we se Jiizas a ‘Laad’ mos tap du wikid sitn.”

2 Timoti 3:9

Bot dem naa go get faar kaaz jos laik Janis an Jambres, piipl a-go si se dem a taak fuulinish.

Iibruu 10:39

Bot wi a no non a dem piipl de we ton bak an en op get laas, mash op an dem sitn de. Nuo sa! Wi a wan a dem piipl de we chos iina Gad an so im a siev wi suol.

2 Jan 1:7

Nof laiyad tiicha de iina di worl ya nou. Dem laiyad tiicha ya a taak buot se Jiizas Krais neva kom a ort wid wan badi laik wan man. Dem piipl de a laiyad. Dem a go gens Krais Jiizas.

Juud 1:1

Da leta ya a kom fram mi, Juud. Mi a wan a Jiizas Krais sliev an Jiemz breda. Mi a rait aal a unu we Faada Gad pik fi bi fi im uon, we im lov, an we Jiizas Krais kip sief.

Juud 1:19

Dem piipl ya onggl kaaz choch piipl fi aagyu wid wan aneda an plit op di choch. Dem mek di wikid sitn we dem waahn kanchuol dem, an Gad Spirit no iina dem.