1 Jan 2:16 - Di Jamiekan Nyuu Testiment

¹⁶ Aal a di sitn dem iina di worl: di wie unu waahn fi du aal kain-a rang sitn, di sitn dem we unu red yai fa, an ou unu lov fi buos bout wa unu av — dem no kom fram di faada, dem sitn de kom fram di worl.

1 Jan 2:16 ပူးပေါင်းရင်းမြစ်များ

Matyu 4:8

Den di devl kyari im go wan taal taal mountn an shuo im aal a di konchri dem iina di worl an shuo im ou dem luk gud an ting.

Matyu 5:28

Bot ier wa mi a tel unu se, unu jos waahn luk pan wan uman we unu no marid tu an waahn ar badi, an a sliip unu don sliip wid ar aredi iina unu aat.

Luuk 4:5

Di devl kyari Jiizas op a wan taal taal plies an bifuo im kuda kwint so, im shuo im aal di konchri dem iina di worl.

Ruoman 13:14

Insted-a aal a dat, unu fi mek Jiizas Krais ruul uova unu an tap tingk bout di wikid sitn dem we unu badi waahn fi du an ou unu kyan get dem sitn de.

1 Korintiyan 10:6

Nou aal dem sitn de apm so dat wi kuda si dem an lorn fram dem. Dem a waan wi fi no tan laik dem piipl de an waahn fi du bier wikid sitn.

Gyalieshan 5:17

Kaaz di rang sitn dem we di badi waahn fi du, di Spirit no waahn dat. An di sitn dem we di Spirit waahn fi du, di badi no waahn dat. Di tuu a dem eva a fait wid dem wan aneda, a so mek unu kyaahn aalwiez du wa unu waahn fi du.

Gyalieshan 5:24

Di piipl dem we bilang tu Jiizas Krais no mek dem badi ruul dem. Dem no du di wikid sitn dem we dem badi wel waahn du, dem tap dem sitn de. It komiin laik se dem niel dem op pan di kraas an kil dem.

Ifiijan 2:3

Matarafak, aal a wi yuus fi liv laka dat wan taim. Wi did a liv onggl fi wa wi badi waahn an fi di rang sitn dem wa wi main tel wi fi du. Wi did komiin jos laik evribadi els we fi get joj an ponish fi dem sin.

Taitos 2:12

Di gud we im du fi wi, tiich wi ou fi ton we fram wikidnis an fi no lov di sitn dem we di worliyan dem waahn.

Taitos 3:3

Kaaz wan taim wi yuus tu fuul-fuul tu, wi neva waahn fala notn we nobadi se an wi a did sliev tu aal a di wikid sitn dem we wi waahn. Evridie wi beks wid wi wan aneda an wi eva waahn wa sumadi els av. Aal wi du a iet: wi iet evribadi an evribadi iet wi.

Jiemz 3:15

Wa dem de piipl de kaal waiz no kom fram evn. Wa dem kaal waiz kom fram di worl, an no av notn fi du wid di Spirit — it kom fram di devl.

Jiemz 4:16

Bot unu a buos an a brag bout fi unu plan dem, an fi a buos dem wie de no gud — a wikidnis dat.

1 Piita 1:14

Laik som nais likl pikni we a fala Gad, no bada gi iin tu di bad sitn dem we unu yuus fi lang fa wen unu neehn nuo no beta, an go bak go du dem.

1 Piita 2:11

Mi fren, mi a beg unu du, laik ou unu a farina pan ort, we a-go de ya fi nou mongks chrienja, no bada du wa di badi waahn — di badi a waar wid di suol.

2 Piita 2:10

An aal di wan dem we eva gi iin tu wa dem badi waahn an iet nobadi we ruul uova dem, a dem im a-go ponish wikid wikid. Dem faalz tiicha ya, so brait an out-a-aada an tingk se dem nuo muo dan evribadi els, so dem mosn lisn wa nobadi se. An dem no fried fi bad mout di spirit dem we av powa fi ruul uova piipl.

2 Piita 2:18

Dem mek big chat we no wot notn an chrai fi jraa we di piipl dem we jos bieli ton we fram di piipl dem we naa liv rait. Kaaz dem piipl ya bieli muuv we fram dem sitn de, an wi stil wel waahn av seks iivn duo dem no marid an dabl-dabl iina aal kain-a sin, di faalz tiicha dem yuuz dis an jraa dem we.