1 Jan 2:15 - Di Jamiekan Nyuu Testiment

¹⁵ No lov di worl ar di sitn dem we iina di worl. Ef nobadi lov di worl, di Faada lov no iina im.

1 Jan 2:15 ပူးပေါင်းရင်းမြစ်များ

Matyu 4:8

Den di devl kyari im go wan taal taal mountn an shuo im aal a di konchri dem iina di worl an shuo im ou dem luk gud an ting.

Matyu 6:24

“Nobadi kyaahn sorv tuu maasta. Yu wi iet wan an lov di ada wan, ar yu wi ron go du eniting we wan waahn, bot no tuu bizniz wid di ada wan. Unu kyaahn sorv Gad an moni.

Luuk 16:13

“No sorvant kyaahn sorv tuu maasta. Yu wi iet wan an lov di ada wan, ar yu wi ron go du eniting we wan waahn bot no tuu bizniz wid di ada wan. Unu kyaahn sorv Gad an moni.”

Jan 15:19

Ef unu did komiin laka di piipl dem iina di worl, dem wuda lov unu laka ou dem lov dem uona piipl. Bot unu no komiin laka di piipl iina di worl, kaa mi pik unu out fram mongks dem. A it mek dem iet unu.

Ruoman 12:2

No mek di piipl we de iina di worl tel unu ou fi liv. Insted-a dat mek Gad chienj di wie ou unu tingk so dat im kyan chienj di wie ou unu a liv. Da wie de unu wi nuo aal a wa Gad waahn unu fi du — unu wi nuo we rait, unu wi nuo wa mek Gad api an unu wi nuo ou im waahn unu fi liv.

Gyalieshan 1:10

Nou, wen mi taak so, a uu unu tingk mi a chrai fi win uova, Gad ar man? A uu unu tingk mi a chrai fi mek api? Ef mi did stil a chrai fi mek piipl api wid mi, mi wudn bi wan sliev fi Krais Jiizas.

Ifiijan 2:2

Dem taim de unu yuus tu du di wikid sitn dem we di worliyan dem du. Unu yuus tu fala di wan we ruul an av powa iina di skai, di spirit we a wok iina di piipl dem we ton we fram wa Gad waahn dem fi du.

1 Timoti 6:10

Kaaz di lov fi moni a di ruut fi aal kain-a wikidnis. Som piipl waahn moni so bad dat dem ton dem bak pan Gad an bring dong nof kraasiz pan demself.

Jiemz 1:27

Di kain-a wok we gud an kliin iina Faada Gad yai a dis: elp di pikni dem uufa faada an mada dem ded an we a sofa, an di uman dem we ozban ded an we a sofa tu, an kip we fram di wikid sitn dem we iina di worl.

Jiemz 4:4

Unu komiin laik piipl we sliip wid ada piipl waif an ozban! Unu no nuo se piipl we lov di worl iet Gad? So enibadi we mek di worl dem fren mek Gad dem enimi.

1 Jan 3:17

Ef nobadi si im breda ar sista riili shaat a sopm an no elp dem iivn duo im kuda elp dem, ou da sumadi de a-go se Gad lov iina im aat?

1 Jan 4:5

Dem a worliyan, an dem taak laik worliyan, an di worl lisn dem.

1 Jan 5:10

Enibadi we biliiv iina Gad pikni nuo iina dem aat se wa Gad se a chuu. Bot enibadi we no biliiv Gad, tek im fi wan laiyad, kaaz dem no biliiv we Gad se bout im pikni.