1 Jan 2:14 - Di Jamiekan Nyuu Testiment

¹⁴ Likl pikni, mi did rait unu, kaaz unu nuo di Faada. Mi did rait unu uolda piipl, kaaz unu nuo di wan we de bout fram wie bak wen. Yong piipl mi did rait unu, kaaz unu chrang. Gad mesij de iina unu aat, kaaz unu biit di Wikid wan aredi.

1 Jan 2:14 ပူးပေါင်းရင်းမြစ်များ

Jan 15:7

Ef unu tan pan mi an ef wa mi se tan iina unu, aks fi eniting unu waahn, an unu wi get it.

Jan 5:38

An unu no tek iin wa im se bout mi iina unu aat, kaaz unu no chos iina di wan we im sen kom.

Jan 8:31

Jiizas se tu di Juu dem we kom fram Jeruusilem an we chos iina im se, “Ef unu gwaan du di sitn dem we mi tiich, unu a mi falara dem fi chuu.

Jan 8:37

Mi nuo se unu a Iebriyam pikni. Bot iivn duo unu a Iebriyam pikni, unu stil waahn fi kil mi, kaa wa mi a tiich unu se no toch unu aat.

Ifiijan 6:10

Dis a di laas sitn we mi a se: unu an di Laad kluos, so mek im powa mek unu chrang.

Filipiyan 4:13

Mi kyan du eniting, kaaz Krais Jiizas gi mi di powa fi du it.

Koloshan 1:11

An wi prie se Gad wi tek fi im powa an mek unu wel chrang, so unu kyan uol aan no mata wa, an no grombl grombl, bot a sing sang iina unu aat

Koloshan 3:16

An unu fi gwaan mek di mesij bout Krais Jiizas liv iina unu aat an bles unu iina evri wie. So tiich an waan unu wan aneda. Du it laik unu av sens, an du it wid Saamz, di im dem an di sang dem we Gad Spirit gi unu fi sing. Sing tu Faada Gad wid aal a unu aat an gi im tangks.

2 Timoti 2:1

So yu, Timoti, we komiin laik mi pikni, mek di lov we Krais Jiizas gi iivn duo wi no dizorv it, kip yu chrang.

Iibruu 8:10

Bot nou, afta dem die de, dis a di nyuu pramis we mi a mek wid di Izrel piipl dem, di Laad se. Mi a-go put mi laa dem iina dem ed an mi a-go rait dem dong pan dem aat. Mi a-go bi fi dem Gad, an dem a-go bi fi mi piipl dem.

1 Jan 1:1

Di wan we niem di Wod we did de bout fram wie bak wen kom dong a ort tu wi. Wi did ier di Wod wid wi uona iez, si it wid wi uona yai dem, an toch it wid wi uon tuu an dem. A da siem Wod ya wi a tel unu bout.

1 Jan 1:10

Ef wi se wi no av no sin, wi a kaal Gad laiyad, an dat shuo se im Wod no iina wi aat at aal at aal.

1 Jan 2:13

Aal unu uolda piipl, mi a rait tu unu, kaaz unu nuo di wan we de bout fram wie bak wen. Yong piipl mi a rait tu unu, kaaz unu don biit di wikid wan aredi.

2 Jan 1:2

kaaz wi av di chuut iina wi an it a-go tan iina wi fi eva.

3 Jan 1:3

Mi did riili api wen som a di breda an sista dem kom luk fi mi an tel mi ou yu tan op chrang fi di chuut.

Revilieshan 2:3

Unu tan op chrang an no gi op wen chobl tek unu, an unu go chuu nof sofarieshan siek-a ou unu biliiv iina mi. An unu aalwiez fala mi, unu neva get taiyad an gi op.

Revilieshan 2:7

Aal uu kyan ier beta lisn we di Uoli Spirit a se tu di choch dem. Enibadi we biit di devl an no gi iin tu di sitn dem we im waahn dem fi du, mi a-go gi dem di rait fi iit fram di chrii we gi laif, we iina Gad gyaadn we de a evn.