1 Jan 1:7 - Di Jamiekan Nyuu Testiment

⁷ Bot ef wi liv iina di lait siem laik Gad, wi a liv iina piis wid wan aneda. Da wie de Gad wash we aal a wi sin dem wid im Bwai Pikni blod.

1 Jan 1:7 ပူးပေါင်းရင်းမြစ်များ

Matyu 6:12

Paadn wi fi aal a di rang we wi du, siem laik ou wi paadn dem we du wi rang.

Jan 1:29

Di neks die, Jan si Jiizas a waak kom wich paat im de. Im si im an se, “Unu luk! Si Gad Biebi Shiip de! A im a di wan we a-go mash op an tek we sin fram outa di worl!

Jan 12:35

Den Jiizas se tu dem se, “Unu a-go av di lait wid unu fi onggl likl bit langga. Waak wen unu av di lait, bifuo daaknis tek unu uova. Sumadi we a waak iina daaknis no nuo wich paat im a go.

Ruoman 13:12

Wi taim pan da ort ya suun don, it komiin laik wen nait a don an die a lait. So mek wi tap du di wikid sitn dem we piipl du iina di daak an insted-a dat tek op di wepan dem wa wi yuuz fi fait iina di die taim.

1 Korintiyan 6:11

An a dem de kain-a piipl som a unu yuus tu bi. Bot Gad did wash unu an mek unu kliin. Im sen im Uoli Spirit fi taak tu unu aat so dat unu an wi Laad Jiizas Krais kuda ton wan. An wen unu ton wan, im tek we unu sin.

Ifiijan 1:7

Jiizas gi op im laif pan di kraas an fi im blod mek wan wie fi frii wi an paadn wi fram wi sin dem. A chuu Gad gud an kain mek dem sopm ya kyan apm.

Ifiijan 5:8

Wan taim, unu did a liv iina di daak laik piipl we no nuo Gad. Bot nou dat unu ton di Laad pikni, unu no iina daaknis agen, unu iina lait. So nou, unu mos liv laik piipl we de iina di lait,

1 Timoti 6:16

A Gad wan kyan liv fi eva an no ded. Im liv iina wan brait brait lait, it so brait no man kyaahn luk pan im ar kom nier im. A dat mek nobadi neva si im ar kyan si im. Ana an powa tu Gad fi eva! Iemen!

Taitos 2:14

Im a di wan we gi op im laif fi siev wi fram aal kain-a wikidnis an mek wi kliin so wi kuda bi im piipl; piipl we eva a chrai fi du gud.

Iibruu 9:14

den tingk bout umoch muo Krais Jiizas blod a-go du fi wi! Siek-a di Spirit we liv fi eva, im kuda gi op imself, an im naa no sin at aal. So fi im blod frii wi kanchens fram di sitn dem we wi du uova an uova fi worship, bot we riili naa no yuus an we boun fi kil wi aaf. Im blod frii wi kanchens fram dem de an mek wi kyan riili sorv di Gad we liv fi eva!

Jiemz 1:17

Evri gud sitn — di sitn dem we no av notn bad bout dem — kom fram Faada Gad we mek aal a di lait dem we iina di skai. Bot im no tan laik di lait dem we im mek. Dem eva a chienj, bot im no chienj op chienj op.

1 Piita 1:19

Bot Gad siev unu wid Krais Jiizas preshos blod, preshos laik wan biebi shiip we neva du notn rang at aal at aal; wan biebi shiip we naa no maak ar no kot ar notn laka dat.

1 Jan 1:3

Wa wi did si an ier a dat wi a tel unu tu. Wi a tel unu so dat unu kyan muuv kluos wid wi, an wi a muuv kluos wid di Faada an wid im Bwai Pikni Jiizas Krais.

1 Jan 1:5

Wi a tel unu di siem mesij we wi ier fram Jiizas Krais. Im tel wi se Gad eva du wa rait kaaz Gad a lait. Gad kyaahn du notn rang kaaz notn no iina im we kuda mek im du rang. Dat miin se no daaknis no iina im.

1 Jan 5:6

Jiizas Krais a di wan we did kom iina di worl fram evn. Wen im kom im did get baptaiz an den im ded pan di kraas. Im neva onggl get baptaiz, bot im ded pan di kraas tu. Di Spirit taak bout im, an di Spirit onggl taak di chuut.

1 Jan 5:8

di Spirit, di waata, an di blod, an di chrii a dem se di siem ting.

2 Jan 1:4

Mi wel api kaaz mi fain out se som a yu pikni dem a liv azkaadn tu di chuut jos laik ou Faada Gad se wi fi liv.

3 Jan 1:4

Notn no mek mi api so laik wen mi ier se mi pikni dem a liv ou di Laad se dem fi liv — azkaadn tu di chuut.

Revilieshan 1:5

An mi prie se Jiizas Krais, di wan we aalwiez taak di chuut bout Gad, wi gud an kain tu unu an gi unu piis iina unu aat. Im a di fos wan fi ded an kom bak alaiv, an a im ruul uova aal a di king dem we de pan ort. Jiizas a di wan we lov wi an a im frii wi fram wi sin dem wid im blod wen im ded pan di kraas.

Revilieshan 12:11

Gad piipl biit di devl an no gi iin tu di sitn dem we im waahn dem fi du, kaaz dem neva tap biliiv iina Jiizas we did gi op im laif pan di kraas fi dem. An dem neva tap pred di Gud Nyuuz bout Jiizas. An dem neva lov dem laif so moch dat dem wuda fried fi ded.

Revilieshan 7:14

Mi ansa im se, “Sa, yu nuo di ansa.” Den im se, “Yu si dem piipl ya, dem a di wan dem we go chuu di torbl torbl sofarieshan. Dem wash dem kluoz wait wait iina di Biebi Shiip blod.