1 Jan 1:10 - Di Jamiekan Nyuu Testiment

¹⁰ Ef wi se wi no av no sin, wi a kaal Gad laiyad, an dat shuo se im Wod no iina wi aat at aal at aal.

1 Jan 1:10 ပူးပေါင်းရင်းမြစ်များ

Jan 3:33

Di sumadi we tek iin an fala wa im se shuo klier klier se wa Gad se a chuu sitn.

Koloshan 3:16

An unu fi gwaan mek di mesij bout Krais Jiizas liv iina unu aat an bles unu iina evri wie. So tiich an waan unu wan aneda. Du it laik unu av sens, an du it wid Saamz, di im dem an di sang dem we Gad Spirit gi unu fi sing. Sing tu Faada Gad wid aal a unu aat an gi im tangks.

1 Jan 1:8

Ef wi taak se wi neva sin wi onggl a fuul wiself an no chuut no iina wi.

1 Jan 2:14

Likl pikni, mi did rait unu, kaaz unu nuo di Faada. Mi did rait unu uolda piipl, kaaz unu nuo di wan we de bout fram wie bak wen. Yong piipl mi did rait unu, kaaz unu chrang. Gad mesij de iina unu aat, kaaz unu biit di Wikid wan aredi.

1 Jan 2:4

Bot ef sumadi se dem nuo Gad an no du we im se dem fi du, dem a laiyad an di chuut no iina dem aat.

1 Jan 4:4

Mi pikni we mi lov — unu a Gad pikni, an unu si di wan dem we go gens Gad, unu win dem aredi, kaaz di wan we iina unu muo powaful dan di wan we iina di worl.

1 Jan 5:10

Enibadi we biliiv iina Gad pikni nuo iina dem aat se wa Gad se a chuu. Bot enibadi we no biliiv Gad, tek im fi wan laiyad, kaaz dem no biliiv we Gad se bout im pikni.

2 Jan 1:2

kaaz wi av di chuut iina wi an it a-go tan iina wi fi eva.