San Marcos 6:41 - San Marcos Mixteco de Coicoyán de las Flores

⁴¹ Ta ti̱in‑Ña̱ u̱ꞌu̱n xi̱tá va̱ꞌa xíꞌin u̱vi̱ tia̱ka, ta nta̱niꞌi‑Ña̱ nu̱ú‑Ña̱ chí ntiví, ta nta̱kua̱ꞌa‑Ña̱ tixa̱ꞌvi Ntióxi̱, ta nta̱ta̱ꞌví‑Ña̱ míí xi̱tá va̱ꞌa ikán, ta ta̱xi‑Ña̱‑ña̱ ntaꞌá na̱ sákuaꞌa nu̱ú‑Ña̱ ná ntata̱ꞌví‑na̱‑ña̱ xíꞌin na̱ yuví. Ta nta̱ta̱ꞌví‑Ña̱ u̱vi̱ tia̱ka xíꞌin ntikuíi‑na̱.

San Marcos 6:41 ပူးပေါင်းရင်းမြစ်များ

San Marcos 14:22

Nani xíxi‑na̱, ti̱in Jesús xi̱tá va̱ꞌa, ta nta̱kua̱ꞌa‑Ña̱ tixa̱ꞌvi Ntióxi̱, tá nti̱ꞌi nta̱ta̱ꞌví‑Ña̱‑ña̱, ra ta̱xi‑Ña̱‑ña̱ ntaꞌá‑na̱, ta káchi‑Ña̱ saá: ―Tiin‑ntó xi̱tá va̱ꞌa yóꞌo; ña̱ yóꞌo kúú ikí ku̱ñu̱‑i̱.

San Marcos 6:40

Ta nta̱kuntee tá tiáꞌntia tá tiáꞌntia‑na̱, tá siénto‑na̱ xíꞌin tá u̱vi̱ xiko u̱xi̱‑na̱.

San Marcos 6:42

Ta xi̱xi ntiꞌi‑na̱ nta̱a̱ chi̱tú ti̱xin‑na̱.

San Marcos 7:34

Ta nta̱kutoꞌni‑Ña̱ chí ntiví, ta nta̱kiꞌin‑Ña̱ ini‑Ña̱, ra ka̱chi‑Ña̱ saá: ―¡Efatá! (Ña̱ kúni̱ kachi: ¡Ntanu̱ná!)

San Marcos 8:19

Tá nta̱ta̱ꞌví‑i̱ u̱ꞌu̱n xi̱tá va̱ꞌa xíꞌin u̱ꞌu̱n míl na̱ yuví, ¿na̱xa to̱ká chítú xíꞌin xi̱tá va̱ꞌa ni̱nto̱o nta̱kiꞌin‑ntó? Ta nta̱kuiin‑na̱, káchi‑na̱ saá: ―U̱xi̱ u̱vi̱ to̱ká.