San Marcos 13:9 - San Marcos Mixteco de Coicoyán de las Flores

⁹ ’Suu, ntóꞌo̱, kuntiaa‑ntó mií‑ntó; saá chi xa̱ꞌá mií‑i̱ tiin na̱ yuví ntóꞌo̱, ta ku̱ꞌu̱n‑ntó xíꞌin‑na̱ nu̱ú na̱ kíxa ntúví kua̱chi ñuu mií‑ntó, ra kani‑na̱ ntóꞌo̱ ini veꞌe ñu̱ꞌu, ta ku̱ꞌu̱n ntúxá‑ntó xíꞌin‑na̱ nu̱ú na̱ réy xíꞌin na̱ xáꞌntia chiñu iinka ñuu, ta ntakani‑ntó xa̱ꞌá mií‑i̱ nu̱ú‑na̱.

San Marcos 13:9 ပူးပေါင်းရင်းမြစ်များ

San Marcos 1:44

―¡Kuáꞌan! Ra nii iin‑na̱ ntätúꞌun xíꞌin, suu kuáꞌan ta sána̱ꞌa̱‑ún mií‑ún nu̱ú su̱tu̱, ra so̱kó‑ún tá ku̱va xa̱ꞌntia Moisés xa̱ꞌá ña̱ xi̱kutiaꞌa kue̱ꞌe̱ iín‑ún, ná kuni‑na̱ ña̱ köo ka kue̱ꞌe̱ ntóꞌo‑ún.

San Marcos 13:5

Ta ki̱xáá Jesús káꞌa̱n‑Ña̱ xíꞌin‑na̱: ―Kuénta koo‑ntó. Täxi‑ntó nta̱a̱ nii iin míí túꞌun‑na̱ ná säntáꞌvi ntóꞌo̱,

San Marcos 13:8

Chi kani táꞌan na̱ ñuu náꞌnu xíꞌin iinka na̱ ñuu náꞌnu, ra kani táꞌan na̱ xáꞌntia chiñu nu̱ú iin ñuu xíꞌin na̱ xáꞌntia chiñu nu̱ú iinka ñuu; ra kua̱ꞌá nu̱ú ta̱an, ta koo sǒko. Suu ña̱ yóꞌo sa̱kán ña̱ kíxáá va kúú‑ña̱ ña̱ ntoꞌo ini‑ntó.

San Marcos 6:11

Átu ntáa ñuu ná ntäkiꞌin‑na̱ ntóꞌo̱, ra ná küni so̱ꞌo‑na̱ ña̱ káꞌa̱n‑ntó, kana‑ntó ikán, ra sákisi‑ntó yáká xa̱ꞌá‑ntó, tá ku̱va ná kunta̱a̱ ini‑na̱ ña̱ väꞌa kíxa‑na̱. [Ña̱ nta̱a̱ ná ka̱ꞌa̱n‑i̱ xíꞌin‑ntó: ki̱í ná ntoꞌo ini‑na̱ xa̱ꞌá kua̱chi‑na̱, ra, loꞌo va nto̱ꞌo ini na̱ Sodoma xíꞌin na̱ Gomorra nu̱ú ka na̱ ñuu ikán.]