San Marcos 10:14 - San Marcos Mixteco de Coicoyán de las Flores

¹⁴ Ra tá xi̱ni Jesús ña̱ ki̱xa‑na̱ saá, ntu̱kue̱ꞌe̱‑Ña̱ xíꞌin‑na̱, ra ka̱chi‑Ña̱ saá: ―Taxi‑ntó ná kixi na̱ válí nu̱ú‑i̱. Käsi‑ntó nu̱ú‑na̱, chi na̱ xáꞌntia Ntióxi̱ chiñu nu̱ú kúú‑na̱ tá ku̱va na̱ válí yóꞌo.

San Marcos 10:14 ပူးပေါင်းရင်းမြစ်များ

San Marcos 3:5

Saá ra, nta̱kue̱ꞌe̱ ini Jesús xi̱toꞌni‑Ña̱ nu̱ú ntiꞌi na̱ ntée ikán, ta ku̱suchí ini‑Ña̱ xa̱ꞌá ña̱ ntakú ini‑na̱, ta ka̱chi‑Ña̱ saá xíꞌin míí ra̱ tia̱a kúꞌvi̱ ntaꞌá ikán: ―Sántaka̱a̱ ntaꞌá‑ún. Sa̱ntaka̱a̱‑ra̱ ntaꞌá‑ra̱, ra ntu̱va̱ꞌa‑ña̱.

San Marcos 8:33

Suu Jesús nti̱kó ko̱o‑Ña̱ nu̱ú ntikuíi na̱ sákuaꞌa nu̱ú‑Ña̱, ta sa̱na̱ni‑Ña̱ Pedro, káchi‑Ña̱ saá: ―¡Kuxiyo nu̱ú‑i̱, ti̱miáꞌá! Chi yóꞌo̱ köntákani ini‑ún ku̱va ntákani ini Ntióxi̱, chi tá ntákani ini na̱ yuví, ku̱va saá ntákani ini‑ún.