San Marcos 1:27 - San Marcos Mixteco de Coicoyán de las Flores

²⁷ Ta ntikuíi na̱ yuví ni̱yǔꞌvi‑na̱, ra ntikuíi‑na̱ ni̱nta̱ka̱túꞌun táꞌan‑na̱, káchi‑na̱ saá: ―¿Na‑ña̱ kúú‑ña̱ yóꞌo? ¿Á tu̱ꞌun xaá kúú‑ña̱? ¡Tia̱a yóꞌo ntíso‑ra̱ chiñu ña̱ ná kuvi kaꞌntia‑ra̱ chiñu nu̱ú ta̱chí u̱ꞌvi̱, ra kántíxa‑ña̱‑ra̱!

San Marcos 1:27 ပူးပေါင်းရင်းမြစ်များ

San Marcos 1:26

Ta míí ta̱chí u̱ꞌvi̱ ikán nteé nta̱kisi‑ña̱ míí ra̱ tia̱a ikán, ra nteé ni̱nta̱ꞌyu̱‑ña̱ ka̱na‑ña̱ ini‑ra̱.

San Marcos 1:28

Ta kama ku̱nta̱a̱ ini ntiꞌi na̱ yuví ntée Galilea xa̱ꞌá Jesús.

San Marcos 10:24

Na̱ sákuaꞌa nu̱ú‑Ña̱ nta̱kutúꞌun ini‑na̱ xíꞌin tu̱ꞌun ni̱ka̱ꞌa̱n‑Ña̱. Suu Jesús nta̱kuiin tuku‑Ña̱, káchi‑Ña̱ saá xíꞌin‑na̱: ―Se̱ꞌe mií‑i̱, ¡na̱xa ví u̱ꞌvi̱ káa ña̱ ná ntakiꞌin na̱ kúntéé ini xǔꞌun Ntióxi̱ ña̱ ná kaꞌntia‑Ña̱ chiñu nu̱ú‑na̱!

San Marcos 10:32

Ta kua̱ntaa‑na̱ kua̱ꞌa̱n‑na̱ Jerusalén, ta Jesús ínúú‑Ña̱ nu̱ú‑na̱. Ta na̱ u̱xi̱ u̱vi̱ sákuaꞌa nu̱ú‑Ña̱ nta̱kutúꞌun ini‑na̱, ra iinka na̱ ntíku̱n chí sa̱tá ni̱yǔꞌvi‑na̱. Suu ta̱vá síín‑Ña̱ míí na̱ u̱xi̱ u̱vi̱, ra ki̱xáá‑Ña̱ káꞌa̱n‑Ña̱ xíꞌin‑na̱ na‑ña̱ kúú‑ña̱ ntoꞌo‑Ña̱,

San Marcos 16:5

Tá ni̱ki̱ꞌvi‑ná ini kavá xi̱ni‑ná iin ra̱ tia̱a îtiá íntúꞌú koo‑ra̱ xiyo kuáꞌa, ta ntíxi‑ra̱ iin saꞌmá yaa níi; ta ni̱yǔꞌvi‑ná.

San Marcos 16:6

Suu míí ra̱ tia̱a ikán ka̱chi‑ra̱ saá: ―Küyǔꞌvi‑ntó; xíni̱‑yu̱ ña̱ ntúkún‑ntó Jesús, Ña̱ ñuu Nazaret, Ña̱ xi̱takaa ntaꞌá krûsi̱. Xa̱ nta̱tiaku‑Ña̱; köo ka‑Ña̱ íyo yóꞌo. Kutoꞌni‑ntó nu̱ú nta̱koo‑na̱‑Ña̱.

San Marcos 7:37

Ta nta̱kutúꞌun ini‑na̱, ta káchi‑na̱ saá: ―Va̱ꞌa kíxa‑ra̱ ntiꞌi‑ña̱, chi na̱ sóꞌo ntánu̱ná so̱ꞌo‑na̱, ta na̱ i̱ꞌin ntáka̱ꞌa̱n‑na̱.