Yuuda 1:25 - Indagano Inyaaya mu-Chijita

²⁵ Omwene niwe Nyamuwanga era, niwe Omuchungusi weeswe okutura ku‑Yeesu Kirisito Raatabhugenyi weeswe. Nyamuwanga akusibhwe muno, kwa okubha omwene ari na rikusyo, obhukuru, amanaga na obhuturo, okwambira kara, woori, noorwo akajaanende koone. Jibhe kutyo.

INDAGANO INYA:YA

²⁵ ku Nyamuanga umwi era, niwe Omukisya weswe, rikusyo ribega ku Mwene kubwa Ratabugenyi Yesu Kristo, no bukuru, na managa, no buinga, kuso:ka kari:ja na kari:ja, na ka wori na kukinga kajanende ko:ne. Amina.

Yuuda 1:25 ပူးပေါင်းရင်းမြစ်များ

Matayo 6:13

Waasiga okuchiingisya mu‑maregeejo, nawe uchichungure okusooka ku‑Mubhiibhi urya, [kwa okubha obhukama, amanaga na rikusyo, ni bhyawo akajaanende koone! Jibhe kutyo!]’”

Ruuka 1:47

na omwoyo gwani, ogukondererwa Nyamuwanga, Omuchungusi waani.

Yowana 4:22

Emwe Abhasamaariya omuramya Nyamuwanga unu mutakumenya. Nawe eswe Abhayawudi echiramya Nyamuwanga unu chimenyere, kwa okubha Nyamuwanga arichungura abhaanu okutura ku‑Bhayawudi.

Yowana 5:44

Emwe mwendere okukuuyibhwa na abheejaanyu, nawe mutakwikomeesya okuyenja echibharo chinu echisooka ku‑Nyamuwanga omwene. Woori, omutura kutiki okunyikirisya?

Barumi 11:33

Yee! Niga unu kaatura okusombookerwa kutyo bhuri bhuniibhi, obhwengeeso na okumenya kwa Nyamuwanga? Ebhikira obhusombookerwa bhweswe! Atari‑wo omuunu unu kaatura okusombookerwa kutyo kaaramura, amwi unu kaatura okweresya jinjira jaaye.

Barumi 11:36

Nyamuwanga niwe ꞉aabhumbire ebhiinu bhyone. Okutura ku‑mwene ebhiinu bhyone ebhigenderera okubha‑wo, na ebhiinu bhyone bhiri‑wo inguru ya rikusyo ryaye. Nyamuwanga akusibhwe akajaanende koone! Jibhe kutyo.

Barumi 16:27

Nyamuwanga wenyere niwe owa obhwengeeso bhwone. Omwene niwe akusibhwega akajaanende koone, ku‑njira ya Yeesu Kirisito! Jibhe kutyo.

Baefeso 1:8

꞉Aachisaagirisisiisye obhwitiriranya obhwo, mu‑bhwengeeso bhwone na mu‑kusombookerwa kwone.

Baefeso 3:10

Obhukarariiye bhwa ejo, ni ati, ku‑njira ya rikanisa, obhwengeeso bhwafu bhwa bhuri mbaga bhwa Nyamuwanga kutyo bhuri, bhumenyekane ku‑bhutungi na ku‑bhuturo mu‑chaaro chinyatarorwa.

Baefeso 3:21

Yee, akusibhwe kw‑ikusyo ryaye rinu eribhonekana mw‑ikanisa na ku‑Kirisito Yeesu noorwo ku‑mayimbo goone, akajaanende koone. Jibhe kutyo.

1 Timoteo 1:17

Nyamuwanga niwe omukama unu atari na obhuteero, atakufwa na atakubhonekana, atari‑wo owundi rwa omwene. Omwene ayaanwe echibharo na rikusyo akajaanende koone. Jibhe kutyo.

1 Timoteo 2:3

Omusango ogwo ni gwa ekisi, ka wone gukondeeye Nyamuwanga Omuchungusi weeswe.

Tiito 2:10

Noorwo bhasige okubheebhira, tari bheeresye obhwiyikanyibhwa bhwone, korereki ku‑misango joone bhareete jikuma ja ekisi ku‑meeyigisyo ga Nyamuwanga Omuchungusi weeswe.

Tiito 2:13

Eswe, echirindirira chiiyikanyisye inguru ya orusuku rwa okuruguusya runu Yeesu Kirisito arisubha ari mw‑ikusyo ryaye. Omwene niwe Nyamuwanga omukuru na Omuchungusi weeswe.

Tiito 3:4

Nawe Nyamuwanga Omuchungusi weeswe, ꞉eeresiisye bhwa ekisi na eryenda ryaye ku‑bhaanu na okuchichungura.

Baeburania 13:8

Yeesu Kirisito atakuyinduka. Omwene ni wuryawurya, rigoro, reero, na kajaanende koone.

1 Petero 4:11

Omuunu woonewoone unu kaaraasya, araasye rwa omuunu unu kaaraasya emisango ja Nyamuwanga chimari. Unu kaasakira abhaanu abhandi, abhasakire ku‑bhuturo bhunu Nyamuwanga amuyaaye, korereki Nyamuwanga akusibhwe ku‑misango joone, okutura ku‑Yeesu Kirisito. Omwene oyo, ayaanwe rikusyo na obhuturo akajaanende koone. Jibhe kutyo.

2 Petero 1:1

Inyarubha inu niikaamire anye Simooni Peetero, omukosi na itumwa ya Yeesu Kirisito. Enikaamira emwe bhanu muyaaywe eriikirisya riryarirya rya obhurambu rinu eswe wone chibhwene, okutura rirenga rya Nyamuwanga na Omuchungusi weeswe Yeesu Kirisito.

2 Petero 3:18

Tari mugenderere okukura mu‑bhwitiriranya bhwa Raatabhugenyi na Omuchungusi weeswe Yeesu Kirisito, na mu‑kumumenya. Omwene akusibhwe, woori na akajaanende koone. Jibhe kutyo.

Obhusweruro 1:6

Achikorere okubha obhukama bhwa abhagabhisi korereki chikorere emirimu Nyamuwanga, Esemwene. Omwene ayaanwe rikusyo na obhuturo akajaanende koone! Jibhe kutyo.