Yuuda 1:24 - Indagano Inyaaya mu-Chijita

²⁴ Nyamuwanga niwe owa obhuturo bhwa okubhaangarira, korereki mwasiga okwikuujura. Ka wone, kaatura okubheemereegusyu mw‑ikusyo ryaye, nimusandabhaga muno, mutaabha‑ko esoro.

INDAGANO INYA:YA

²⁴ Nawe ku Oyo katura okubarinda obute:ku:jura, no kube:meregusyu mutariko esoro imbere ya rikusyo ryae mu kusandaba,

Yuuda 1:24 ပူးပေါင်းရင်းမြစ်များ

Matayo 16:27

Okubha anye Omwana wa Omuunu, niriija aamwi na bhamaraayika bhaani mw‑ikusyo rya Raata waani. Niwo niririya bhuri muunu okuruubhana na ebhikorwa bhyaye.

Matayo 19:28

Yeesu ˆnaabhasubhya ati, “Ni chimari enibhabhwira ati, anye Omwana wa Omuunu niriinyanja rwa omukama ku‑chitebhe chaani cha rikusyo mu‑chaaro echiyaaya. Niwo emwe wone bhanu munduubhire, muriinyanja ku‑bhitebhe bhya obhutungi ekumi na bhibhiri, okuramura jingʼanda ekumi na ebhiri ja Abhayisirayeeri.

Matayo 25:31

Yeesu ˆnaagenderera okwayika na abheeyigisibhwa bhaaye, ˆnaabhabhwira ati, “Omwanya gunu anye Omwana wa Omuunu niriija mw‑ikusyo ryani, aamwi na bhamaraayika abheeru bhoone, niwo niriinyanja rwa omukama ku‑chitebhe chaani cha rikusyo.

Matayo 5:12

Mwichuke ati, nikwo kutyo abhaanu bhaanyaasyaga wone abharagi bhanu bhaariga bhari‑wo kara. Mukondererwega na okusandabha muno, kwa okubha Nyamuwanga abhabhiikiiye echiyaanwa echinene mu‑rwire.”

Ruuka 9:26

“Omuunu woonewoone unu arindorera jiswaro anye, na emisango jaani, anye Omwana wa Omuunu wone nirimurorera jiswaro, omwanya gunu nirisubha ku‑chaaro anu, niri mw‑ikusyo ryani, na erya Raata na erya bhamaraayika abheeru.

Barumi 14:4

Awe utari na obhuturo bhwonebhwone bhwa okuramura omukosi wa omuunu owundi. Omwami waaye niwe kaamenya araabha omukosi waaye akayire amwi atakayire. Mbe omukosi waaye arikora rwa kutyo jeenderwe, kwa okubha Raatabhugenyi Yeesu ari na obhuturo bhwa okumwimereegusyu abhega ˆnaakora kutyo.

Barumi 8:31

Mbe, chaayike ki woori inguru ya emisango ejo? Araabha Nyamuwanga ari rubhaara rweswe, niga unu kaatura okuchiyiga?

2 Bakorinto 11:2

Anye enibhafuyira, rifuwa rinu erisooka ku‑Nyamuwanga, kwa okubha muri rwa omuyarajuma, unu ꞉naasandiiye obhuko omurume umwi, omurume oyo niwe Kirisito.

2 Bakorinto 4:14

Chimenyere ati Nyamuwanga unu ꞉aasuuruuye Raatabhugenyi Yeesu, arichisuurura eswe wone rwa kutyo ꞉aasuuruuye Yeesu. Nyamuwanga arichireeta eswe na emwe imbere yaaye omwene.

2 Bakorinto 4:17

Enaayika kutyo, kwa okubha ebhinyaasyo bhyeswe ni bhyangu na ni bhya kasinjeeke era. Ka wone, ebhichireetera rikusyo rya akajaanende koone. Rikusyo eryo ni ryafu muno, okukira ebhinyaasyo bhyone.

Baefeso 3:20

Mbe Nyamuwanga akusibhwe, kwa okubha omwene ari na obhuturo bhwa okukora emisango myafu muno okukira ebhiinu bhyone bhinu echisabhwa amwi bhinu echiiganirisya. Omwene kaakora ejo, ku‑njira ya obhuturo bhwaye bhunu obhukora emirimu mu‑myoyo jeeswe.

Baefeso 5:27

Isonga iri ati, eebhonere rikanisa erya rikusyo, rinu ritari‑ko esoro, noorwo ifunyo amwi echiinu choonechoone chinu echisusana rwa ebhyo. Tari ribhe ryeru rinyamburwa obhujabhi bhwonebhwone.

Bakolosai 1:22

ku‑njira ya orufu rwa Kirisito. ꞉Aakorere kutyo, korereki abhareete imbere yaaye muri bheeru, bhanyataayikwa kubhiibhi noorwo mutari na esoro.

Bakolosai 1:28

Kirisito niwe echiraasya omwanya gunu echikengya na okwiyigisya abhaanu bhoone mu‑bhwengeeso bhwone. Echimuraasya, korereki chireete abhaanu bhoone imbere ya Nyamuwanga bharumateene echinyamwoyo okuruubhana na okubha na obhumwi na Kirisito.

Bakolosai 3:4

Mbe, obhurame obhwo obhuruubhana na Kirisito. Omwanya gunu aribhuurika, niwo emwe wone muribhuurika aamwi nage na okusangira aamwi rikusyo ryaye.

2 Timoteo 4:18

Enimenya ati arigenderera okumonʼya okusooka mu‑bhibhiibhi bhyone na okunyangarira, okukingira aankingye mu‑bhukama bhwaye mu‑rwire. Raatabhugenyi Yeesu akusibhwe akajaanende koone. Jibhe kutyo.

Yakobo 2:10

Omuunu woonewoone, akagayuka ebhiraagiro bhyone, nawe ˆnaanyamura echiraagiro chimwi, oyo kaabharwa ati, anyamuuwe bhyone.

1 Petero 4:13

Nawe mukondererwe ati omunyaaka rwa kutyo Kirisito ꞉aanyaakire. Mukonderwe woori, korereki mubhe na risandabha ryone, omwanya gunu arisubha na rikusyo ryaye niriswerurwa abhwerubhweru.

2 Petero 1:10

Mbe, abhayiri bhaani, mwikomeesye muno okweresya chimari ati Nyamuwanga abhabhirikiiye na okubhasora. Araabha muramire ku‑njira eyo, mtariikuujura wuri.

Yuuda 1:21

Kwa okukora kutyo, mwiyangarirega mu‑ryenda rya Nyamuwanga, nimugenderera okurindirira obhuwanga bhwa akajaanende koone, bhunu muriyaanwa na Raatabhugenyi weeswe Yeesu Kirisito ku‑chigongo chaaye.

Obhusweruro 14:5

Bhaariga bhachaari wone okwayika orubheeyi, noorwo bhaariga bhatari‑ko esoro ryoneryone.