Yuuda 1:21 - Indagano Inyaaya mu-Chijita

²¹ Kwa okukora kutyo, mwiyangarirega mu‑ryenda rya Nyamuwanga, nimugenderera okurindirira obhuwanga bhwa akajaanende koone, bhunu muriyaanwa na Raatabhugenyi weeswe Yeesu Kirisito ku‑chigongo chaaye.

INDAGANO INYA:YA

²¹ Mwirindega mu kwenda kwa Nyamuanga, nimurindirira ecigongo ca Ratabugenyi Yesu Kristo kukinga mu buanga bwa kajanende.

Yuuda 1:21 ပူးပေါင်းရင်းမြစ်များ

Yowana 1:17

Okubha, Nyamuwanga ꞉aasoosiisye ebhiraagiro bhyaye okutura ku‑Muusa, na woori asoosiisye obhwitiriranya bhwaye na echimari chaaye okutura ku‑Yeesu Kirisito.

Yowana 14:21

Omuunu woonewoone unu kaamenya na okugwata ebhiraagiro bhyani, oyo niwe aanyendere. Na omuunu unu aanyendere, Raata waani arimwenda. Na anye nirimwenda na okwiyeresya ku‑mwene.”

Ebikorwa 11:23

Bharinaabha ejire aakinga eyo, ˆnaarora kutyo Nyamuwanga ꞉aayaaye abhaanu abho obhwitiriranya bhwaye. ˆNaakondererwa muno, ˆnaabhakomeeresya ati bhagenderere okugayuka Raatabhugenyi Yeesu mu‑myoyo jeebhwe.

Barumi 5:21

Mbe, echibhiibhi chaariga chiri na amanaga ga okutunga abhaanu na okubhareetera orufu. Kutyokutyo, obhwitiriranya bhwa Nyamuwanga wone obhutunga abhaanu, kwa okubhabhara ati ni bharengeresi. Obhwitiriranya obhwo, obhubhayaana obhuwanga bhwa akajaanende koone, okutura ku‑Raatabhugenyi weeswe Yeesu Kirisito.

Barumi 5:5

Obhwiyikanyo obhwo, bhutakutura okuchiswasya, kwa okubha Nyamuwanga eeturuuye eryenda ryaye ryafu mu‑myoyo jeeswe, okutura Mwoyo waaye Mweru unu achiyaaye.

Barumi 6:23

Omuunu woonewoone unu ari mugaya wa echibhiibhi, omuyeero gwaye ni rufu rwa akajaanende koone. Nawe eswe, Nyamuwanga kaachiyaana obhuwanga bhwa akajaanende koone. Obhuwanga obhwo bhutari muyeero, tari ni chiyaanwa chinu echiramira okutura ku‑Kirisito Yeesu, Raatabhugenyi weeswe.

2 Batesalonika 3:5

Raatabhugenyi atangasye emyoyo jeemwe mu‑ryenda rinu erisooka ku‑Nyamuwanga na okwigumiirisya kunu okusooka ku‑Kirisito.

1 Timoteo 1:2

Enikukaamira awe Timoteewo, omwana waani wa echimari mu‑riikirisya. Obhwitiriranya, echigongo na omurembe okusooka ku‑Raata Nyamuwanga na ku‑Kirisito Yeesu Raatabhugenyi weeswe, bhibhe aamwi na awe.

2 Timoteo 1:16

Enisabhwa Raatabhugenyi afwire echigongo abhaanu bha iika wa Onesifooro, kwa okubha kwiya kaafu aariga ˆnaakondisya omwoyo gwani. Ka wone, ꞉ateeswarire okuuja okundora, bhunu naariga nibhoyerwe amaseega.

2 Timoteo 1:18

Awe wone owumenya kisi, emyafu jinu ꞉aankoreeye mu‑musi gwa Yefeeso eyo. Raatabhugenyi amufwire echigongo ku‑rusuku rwa indamu.

2 Timoteo 1:2

Enikukaamira awe Timoteewo, omwana waani omwendwa. Obhwitiriranya, echigongo na omurembe okusooka ku‑Raata Nyamuwanga na ku‑Kirisito Yeesu Raatabhugenyi weeswe, bhibhe aamwi na awe.

2 Timoteo 4:8

Woori nirindirira era okuyaanwa orutengya rwa okurama kwa obhurengeresi. Raatabhugenyi Yeesu, omuramusi wa rirenga, arinaana orusuku runu arisubha. Orutengya orwo nitariyaanwa anye era, tari na abhandi bhoone bhanu abharindirira kwa obhwiro okusubha kwaye.

Baeburania 9:28

Nyabhuriko Kirisito ꞉aasoosiibhwe okubha echoogo rumwi era, korereki asoosye‑wo ebhibhiibhi bhya abhaanu bhaafu. Kirisito ariija rwa kabhiri, nawe omwanya ogwo atariija okusoosya‑wo ebhibhiibhi. Tari ariija okuchungura abhaanu bhanu abhamurindirira mu‑bhwikomeesya.

2 Petero 3:12

nimurindiriraga orusuku rurya rwa Nyamuwanga na okuyenja ati ruuje bhwangu. Ku‑songa ya orusuku orwo, orutumba ruryochibhwa kwa omuriro na okusingaarika na ebhiinu bhinu bhiri‑mo bhirigera kwa ribhirabhira riruru muno.

1 Yoana 4:16

Woori, eswe echimenya na echiikirisya ati Nyamuwanga kaacheenda. Nyamuwanga ni ryenda. Omuunu woonewoone unu ari na eryenda, niwe ari na obhumwi na Nyamuwanga, Nyamuwanga wone ari na obhumwi nage.

1 Yoana 5:18

Echimenya ati omwana woonewoone wa Nyamuwanga, atakugenderera okukora ebhibhiibhi, kwa okubha Omwana wa Nyamuwanga kaamurinda, Omubhiibhi urya atakutura okumukuunʼya‑ko.

1 Yoana 5:21

Abhaana bhaani mu‑riikirisya, mwiyangarire mwasiga okuramya amasusano.

Yuuda 1:1

Inyarubha inu, niikaamire anye Yuuda. Anye, niri mukosi wa Yeesu Kirisito, ka wone, niri mumura waabho Yakobho. Enikaamira emwe abhaanu bhanu mubhirikiiywe na Raata Nyamuwanga. Omwene kaabheenda, na kaabhaangarira kisi okukingira anu Yeesu Kirisito ariijira.

Yuuda 1:22

Mufwire echigongo abhaanu abhandi bhanu abheetimaata.

Yuuda 1:24

Nyamuwanga niwe owa obhuturo bhwa okubhaangarira, korereki mwasiga okwikuujura. Ka wone, kaatura okubheemereegusyu mw‑ikusyo ryaye, nimusandabhaga muno, mutaabha‑ko esoro.

Obhusweruro 12:11

Woori abheekirisya abheejaasu bhaayigire Syetaani ku‑sagama ya Omwana wa Inaama na ku‑bhubhambaasi bhunu bhasoosiisye. Okubha ꞉bhateeganire obhurame bhwebhwe, bhaariga bhatengeejere noorwo okufwa.