Yowana 9:4 - Indagano Inyaaya mu-Chijita

⁴ Chikenerwe okukora emirimu ja Nyamuwanga unu ꞉aantumire, kuchaari mu‑mwisi. Okubha ingeta eyiija, na chitakuja okutura okukora emirimu ejo.

INDAGANO INYA:YA

⁴ Eswe kuci:ire okukora emirimu ja unu antumire, gucari mwisi. Ingeta ei:ja, inu omu:nu atakutura kukoreramo emirimu.

Yowana 9:4 ပူးပေါင်းရင်းမြစ်များ

Matayo 20:7

Abheene nibhamusubhya ati, ‘Ni kwa okubha atari‑wo omuunu unu achiyaaye emirimu.’ Omwene ˆnaabhabhwira ati, ‘Emwe wone mugende okukora emirimu mw‑isambu ryani rya emijabhiibhu.’

Mariko 3:3

Yeesu ˆnaabhwira omuunu unu aariga afuuwe okubhoko ati, “Iija, wimereeguru agatigati anu.”

Yowana 10:32

Nawe Yeesu ˆnaabhabhwira ati, “Naabheeresya ebhiruguusyo bhyafu bhya ekisi bhinu ꞉naakorere ku‑bhuturo bhwa Raata. Ni chiruguusyo ki mw‑ibhyo chinu echibhakora mwende okumbuma na amabhuyi?”

Yowana 10:37

Araabha nitakukora emirimu jinu Raata waani kaakora, mbe musige okunyikirisya.

Yowana 12:35

Yeesu ˆnaabhabhwira ati, “Obhweru bhuchaari aamwi na emwe kwa omwanya mufuyi era. Mugenderere okuribhata mu‑bhweru bhunu omwanya gunu bhuchaari‑wo, korereki echisuute chaasiga okubhayiga, kwa okubha omuunu unu kaaribhata mu‑chisuute, atakumenya anu kaagenda.

Yowana 17:4

Anye neeresya rikusyo ryawo ku‑bhaanu bhoone ku‑chaaro kunu, kwa okukuumisya emirimu jinu ꞉waantumire okuuja okukora.

Yowana 4:34

Yeesu ˆnaabhasubhya ati, “Ebhiryo bhyani ni kukora okwenda kwa Raata Nyamuwanga unu ꞉aantumire, na okukuumisya emirimu jaaye.

Yowana 5:19

Yeesu ˆnaabhwira abhatangasya abho ati, “Ni chimari enibhabhwira ati, Omwana wa Nyamuwanga atakutura okukora omusango gwonegwone ku‑bhuturo bhwaye. Tari kaakora era jinu kaarora Esemwene ˆnaakora. Joone jinu Esemwene kaakora, nijo Omwana wone kaakora.

Yowana 5:36

Nawe obhubhambaasi bhunu anye niri nabhwo ni bhunene okukira bhwa Yowana bhurya, kwa okubha emirimu jinu Raata ꞉aanaaye okukuumisya, nijo ejeeresya ati, Raata niwe ꞉aantumire.

Yowana 7:33

Niwo Yeesu ˆnaabhwira abhaanu abho ati, “Nichaari aamwi na emwe katungu katooto era. Aribha neeya nirisubha ku‑unu ꞉aantumire.

Ebikorwa 4:20

Okubha eswe chitakutura okusiga okwayika inguru ya emisango jinu ꞉chaarorere na okuungwa!”

Bagalatia 6:10

Mbe, bhuri kutyo echibhona omwanya, chikorerega abhaanu bhoone ja ekisi, nawe munomuno abheekirisya abheejaasu.

Baefeso 5:16

Bhuri mwanya, mukorega ja ekisi, kwa okubha omwanya gunu abhaanu abhakora ebhibhiibhi muno.

Bakolosai 4:5

Mubhe na obhwengeeso mu‑bhungwani bhwemwe na abhaanu bhanu bhachaari okwikirisya Yeesu. Bhuri mwanya, mukorega ja ekisi.