Yowana 9:24 - Indagano Inyaaya mu-Chijita

²⁴ Mbe, abhatangasya bha Abhayawudi nibhabhirikira rindi omuunu unu aariga eebhuuywe ari muwofu, nibhamubhwira ati, “Nuurayire ku‑Nyamuwanga ati, owaayika echimari! Eswe chimenyere ati, omuunu unu ꞉aakuwosiisye, ni mukosi wa ebhibhiibhi.”

INDAGANO INYA:YA

²⁴ Mbe nibabirikira unu ariga:ri muofu orwa kabiri, nibamubwira ati, Nukusye Nyamuanga. Eswe cimenyere ati, omu:nu uyo ni wa bibi:bi.

Yowana 9:24 ပူးပေါင်းရင်းမြစ်များ

Mariko 15:27

꞉Bhaamubhumiiriiye na abhasaakusi bhabhiri ku‑misarabha, owumwi orubhaara rwa ebhuryo rwa omusarabha gwa Yeesu, na owundi orubhaara rwa ebhumoosi. [

Ruuka 15:2

Omusango ogwo nigukora Abhafarisaayo na abheeyigisya bha ebhiraagiro bhya Muusa bhajujuume ati, “Mbawo omuunu unu, kaakuma abhaanu abha ebhibhiibhi! Ka wone kaarya aamwi nabho!”

Ruuka 19:7

Abhaanu bhoone, bhejire bhaarora ejo, nibhaamba okujujuuma ati, “Mbawo aagenda okubha omugenyi wa omuunu owa ebhibhiibhi!”

Ruuka 7:39

Omufarisaayo oyo, ejire aarora ejo, ˆneeganirisya mu‑mwoyo gwaye ati, “Omuunu unu akabheeye ari muragi, akamenyere ati, omugasi unu kaamukuunʼya‑ko ni muunu wa mbaga ki. Akamenyere ati, omwene ni owa ebhibhiibhi!”

Yowana 14:30

Nitakutura okwayika na emwe emisango myafu rindi, kwa okubha Syetaani, omukuru wa echaaro chinu kaaja. Nawe atari na obhuturo inguru yaani.

Yowana 16:2

Abhaanu bharibhakindika mu‑nju ja ameekofyanyo. Oguuja omwanya gunu bhuri muunu unu aribheetaga, ariitogera ati kaakora emirimu ja Nyamuwanga.

Yowana 18:30

Abheene nibhamusubhya ati, “Araabha omuunu unu akabheeye atari na ebhikayo, ꞉chitaakamureetere kw‑awe.”

Yowana 19:6

Abhakuru bha abhagabhisi na abhasirikare bheebhwe bha Riyekaru bhejire bhaarora Yeesu, nibhamwaya nibhaayikaga ati, “Mubhumiirire ku‑musarabha, mubhumiirire ku‑musarabha!” Mbe, Piraato ˆnaabhabhwira ati, “Mumugege, mugende okumubhumiirira emwe abheene ku‑musarabha, kwa okubha anye nitakurora echikayo choonechoone ku‑muunu unu cha okumusitaaka.”

Yowana 5:23

Raata ꞉aakorere kutyo, korereki abhaanu bhoone bhayaane Omwana echibharo rwa kutyo abhayaana Esemwene echibharo. Omuunu woonewoone unu atakuyaana Omwana echibharo, oyo atakuyaana echibharo Raata unu ꞉aamutumire.

Yowana 8:46

Niga mw‑imwe unu kaatura okusoosya obhubhambaasi ati anye niri mukosi wa ebhibhiibhi? Araabha enibhabhwira echimari, kurwa ki mutakunyikirisya?

Yowana 8:49

Yeesu ˆnaabhasubhya ati, “Anye nitari na risambwa, tari niyaana Raata waani echibharo, nawe emwe mutakunaana echibharo.

Yowana 9:16

Niwo Abhafarisaayo abharebhe nibhaayika ati, “Omuunu unu akorere kutyo, atasookere ku‑Nyamuwanga, kwa okubha kaanyamura echiraagiro cha orusuku rwa Isabhaato.” Nawe abhandi nibhaayika ati, “Omukosi wa ebhibhiibhi kaatura kutiki okukora ebhibharikisyo rwa ebhyo?” Kurwa ejo, nibhataasyanya mu‑bhwiganirisya bhwebhwe.

Yowana 9:25

Omwene ˆnaabhasubhya ati, “Anye nitakumenya araabha omuunu oyo ni mukosi wa ebhibhiibhi, nawe nimenyere omusango gumwi era. Naariga niri muwofu, nawe woori enirora.”

Barumi 8:3

Ebhiraagiro bhya Muusa bhyariga bhitari na amanaga ga okuchiyaana obhwitaage, ku‑songa ya obhusimukwa bhweswe bhwa echibhiibhi. Nawe chinu ebhiraagiro ebhyo ꞉bhyataamiibhwe okukora, Nyamuwanga ꞉aachikorere. ꞉Aatumire Omwana waaye omwene, aaje kw‑iswe ku‑chaaro anu ari na omubhiri rwa eswe abha ebhibhiibhi, korereki eesoosye rwa echoogo inguru ya ebhibhiibhi bhyeswe. Kwa okukora kutyo, Nyamuwanga ꞉aayaaye Yeesu ebhitiibha inguru ya ebhibhiibhi bhya abhaanu,

2 Bakorinto 5:21

Kirisito aariga atari na echibhiibhi choonechoone, nawe Nyamuwanga ꞉aamubharire rwa owa ebhibhiibhi inguru yeeswe, korereki eswe chibharwe okubha abharengeresi imbere ya Nyamuwanga okutura ku‑Kirisito.

Obhusweruro 11:13

Omwanya ogwoogwo, rinyamutikima rinene rya echaaro niritura, ribhaara rimwi kw‑ikumi rya omusi nirigwa. Rinyamutikima eryo nirireterera abhaanu bhiwumbi bhitaanu na bhibhiri (7,000) okufwa. Abhaanu bhanu ꞉bhaawonere, nibhoobhaya, nibhakuuya Nyamuwanga wa mu‑rwire.