Yowana 9:22 - Indagano Inyaaya mu-Chijita

²² Abheebhusi bhaaye ꞉bhaayikire kutyo, kwa okubha bhaariga nibhoobhaya. Okubha, abhatangasya bha Abhayawudi abho bhaariga bheekirisyanyiisye ati, omuunu woonewoone unu keekirisya ati Yeesu niwe Kirisito, kaja okukindikwa mu‑nju ja ameekofyanyo geebhwe.

INDAGANO INYA:YA

²² Abe:busi bae cinu caba:ikisye kutyo, kwo kuba bariga nibo:baya Bayaudi, okuba Abayaudi bariga bamarire okuragana ati, omu:nu wo:ne akamutogora okuba Kristo airisibwe mu rikofyanyisyo.

Yowana 9:22 ပူးပေါင်းရင်းမြစ်များ

Ruuka 6:22

Muri na ribhando emwe, araabha abhaanu abhabhasoka na okubhakindika, abhaja okubhafuma na okubhabhwira ati, emwe muri bhajabhi, inguru yaani anye Omwana wa Omuunu.

Yowana 1:19

Rusuku rumwi, abhatangasya bha Abhayawudi ꞉bhaatumire abhagabhisi na Abharaawi okusooka Yerusareemu, okuja ku‑Yowana. Bhejire bhaakinga nibhamubhuusya ati, “Naawe ga?” Yowana ˆnaasoosya obhubhambaasi,

Yowana 16:2

Abhaanu bharibhakindika mu‑nju ja ameekofyanyo. Oguuja omwanya gunu bhuri muunu unu aribheetaga, ariitogera ati kaakora emirimu ja Nyamuwanga.

Yowana 19:38

Ejo jejire jaawa, ˆnaaja omuunu umwi unu aariga ˆnaatogwa Jejefu. Omwene oyo, aariga asookere mu‑ruguuyo rwa Arimataaya. Aariga ari mwiyigisibhwa wa Yeesu, nawe bhumbise, kwa okubha aariga ˆnoobhaya abhatangasya bha Abhayawudi. Mbe, omuunu oyo ˆnaagenda ku‑Piraato, ˆnaamusabhwa ati agege omutumbi gwa Yeesu, agende okugusiika. Piraato ˆnaamwikirisisya. Mbe, Jejefu ˆnaagenda, ˆnaagega omutumbi gwa Yeesu.

Yowana 20:19

Yejire yaakinga keegoro orusuku orwoorwo, abheeyigisibhwa bha Yeesu nibheekumanya mu‑nju imwi. Bhejire bheengira nibheegara jinjigi, isonga iri ati bhoobhayaga abhatangasya bha Abhayawudi. Noorwo kutyo jinjigi jaariga jigaaywe, Yeesu ˆnaabhonekana abhwerubhweru, na okwimereeguru agati yeebhwe, ˆnaabhabhwira ati, “Omurembe gubhe aamwi na emwe!”

Yowana 7:13

Nawe ꞉ataabheeye‑wo omuunu unu ꞉aayikire abhwerubhweru inguru ya Yeesu, kwa okubha ꞉bhoobhayire abhatangasya bha Abhayawudi.

Yowana 9:18

Nawe abhatangasya bha Abhayawudi abho ꞉bhateekirisiisye ati, omuunu unu woori kaarora, ꞉eebhuuywe ari muwofu. Kurwa ejo, nibhabhirikira abheebhusi bhaaye.

Yowana 9:21

Nawe chitakumenya chinu chaakora ˆnaarora, ka wone chitakumenya omuunu unu ꞉aamuwosiisye ameeso. Mumubhuusye omwene, kwa okubha ni muunu mukuru, kaatura okwayika.”

Yowana 9:34

Abheene nibhamusubhya ati, “Awe ꞉weebhuuywe uri owa ebhibhiibhi kata. Woori, uri na obhuturo ki bhwa okuchiiyigisya?” Mbe, nibhamubhirimya asooke mu‑nju ya eriikofyanyo.

Yowana 9:35

Yeesu ejire oongwa ati bhaabhirimya omuunu oyo, ˆnaagenda okumuyenja. Ejire aamubhona, ˆnaamubhuusya ati, “Angu, owikirisya Omwana wa Omuunu?”

Ebikorwa 4:18

Bhejire bheeya abhakuru abho nibhabhirikira Peetero na Yowana, nibhabhagonya kwa obhururu nibhaayikaga ati, “Musige okwiyigisya kw‑isiina rya Yeesu, noorwo okwayika rindi kw‑isiina eryo!”

Ebikorwa 5:13

Abhaanu bhanu bhaariga bhachaari okwikirisya Yeesu, nibhoobhaya okubha aamwi nabho. Noorwo kutyo, bhaariga nibhabhayaana echibharo muno.

Ebikorwa 5:40

Kurwa ejo, ritongera rya Gamaryeri eryo, niriikirisibhwa na abheejaabho abho. Bhejire bhaamara, nibhabhirikira jitumwa mw‑ibharaja eryo, nibhabhabhuma simbo nyafu. Nibheeya nibhabhagaanya ati, bhasige okubhwira abhaanu kw‑isiina rya Yeesu, nibhabhataatira, nibhagenda.

Obhusweruro 21:8

Nawe abhoobha, abhaanu bhanu bhatakwikirisya Nyamuwanga, bhanu abhamufuruurusya, abheeti, abharomesi, abharosi na bhanu abharamya amasusano, aamwi na abhabheeyi, bhoone abho orubhaara rwebhwe ni mu‑nyanja ya omuriro omururu gwa emisimu ja echibhiriiti. Okwo nikwo okufwa kwa kabhiri.”