Yowana 8:44 - Indagano Inyaaya mu-Chijita

⁴⁴ Emwe muri bhaanu bha Syetaani, oyo niwe esomwana! Niyo isonga omwenda okukora jinu esomwana keegomba. Syetaani ni mwiti okusookerera ku‑bhwambiro. Atakwenda echimari kata, kwa okubha echimari echo, chitari‑mo mu‑mwoyo gwaye. Omwene ni mubheeyi, na akatungiiywe kaaye ni kubheeya, ka wone niwe esemwene orubheeyi.

INDAGANO INYA:YA

⁴⁴ Emwe muri ba:na be:somwana niwe Syetani, ka omwenda okukora okurigira kwesomwana. Oyo ni mwiti kuso:ka ku bwambiro, ka atakwikara mu bye cimari, okuba ebye cimari bitamurimo. Wora a:ika ebyo rurimi, ka:ika cinu eciso:ka mu byae, kwo kuba ni wa rurimi, na ka nesemwene orurimi.

Yowana 8:44 ပူးပေါင်းရင်းမြစ်များ

Matayo 12:34

Emwe orwibhuro rwa jinjoka! Omutura kutiki okwayika emisango ja ekisi keenu muri bhabhiibhi? Omuunu kaayika jinu jiijuuye mu‑mwoyo gwaye.

Matayo 13:15

Jiribha kutyo, kwa okubha emyoyo ja abhaanu bhanu jikomeeye, amatwi geebhwe gari na jisibhirira, ameeso geebhwe bhagawongeresiisye. Bhatakwenda ameeso geebhwe garore, noorwo amatwi geebhwe goongwe, amwi ati, emyoyo jeebhwe jisombookerwe, bhaasiga okunyindukira nimbachungura.’”

Matayo 13:38

Risambu ni chaaro, jimbibho ja ekisi ni bhaanu bha obhukama bhwa mu‑rwire, na amagorogoro ni bhaanu bha Omubhiibhi urya Syetaani.

Yowana 6:70

Niwo Yeesu ˆnaabhabhwira ati, “꞉Naasorere emwe ekumi na bhabhiri okubha abheeyigisibhwa bhaani, nawe owumwi weemwe ni wa Syetaani.”

Yowana 7:17

Omuunu woonewoone unu keenda okukora kutyo Nyamuwanga keenda, oyo kaja okusombookerwa ati, ameeyigisyo gaani gasookere ku‑Nyamuwanga. Ka wone kaja okusombookerwa ati, nitakwayika ku‑bhuturo bhwani omwene.

Yowana 8:38

Anye enibhabhwira jinu nirorere okusooka ku‑Raata waani, nawe emwe omukora jinu ꞉mweeyigisiibhwe na esomwana.”

Yowana 8:41

Ebhikorwa bhinu emwe omukora, ebhisooka kw‑isomwana owundi.” Niwo nibhamusubhya ati, “Eswe chitari bhaana bha mu‑masanga. Nyamuwanga eenyere niwe Raata!”

Yowana 8:55

Emwe mutakumenya Nyamuwanga, nawe anye enimusombookerwa. Araabha nikaayikire ati nitakumusombookerwa, mbe naakabheeye omubheeyi rwa emwe. Nawe anye enimusombookerwa, ka wone enigayukaga jinu kaayika.

Ebikorwa 13:10

ˆnaamubhwira ati, “Awe omwana wa Syetaani! Awe uri omusoko wa eja ekisi joone jinu jiri imbere ya Nyamuwanga! Wijuuye orubheeyi era, awe utakwendaga okurora omusango gwa rirenga! Utakusiga okuyindura emisango ja echimari ja Raatabhugenyi okubha ja orubheeyi?

Ebikorwa 24:9

Niwo Abhayawudi bhoone bhanu bhaariga bhari arya, nibheekirisya okweresya ati emisango joone jinu Teerituro aayikaga jaariga jiri ja echimari.

Ebikorwa 5:3

Peetero ˆnaamubhuusya ati, “Awe Ananiiya! Ni kurwa ki Syetaani eengira mu‑mutima gwawo? Waabhwira Mwoyo Mweru orubheeyi na okubhisa‑ko ejindi jinu ꞉waabhwene ku‑bhugusi bhwa risambu ryawo.

2 Bakorinto 11:3

Nawe woori enuubhaya ati, rwa kutyo Aawa ꞉aajigirwe na injoka irya indigendige, na emwe wone mwasiga okujigwa, nimusiga okwenda Kirisito mu‑bhwiyikanyibhwa na omutima omweru.

1 Petero 5:8

Mwiyingirire na okutengeeja, omwanya gwone. Okubha omusoko weemwe, Syetaani, keeyinda enu na erya rwa itare inu eyiruuta, niiyenja omuunu wa okusingaarisya.

2 Petero 2:4

Nikwo kutyo bhamaraayika bhanu ꞉bhaakorere ebhibhiibhi, Nyamuwanga ꞉ataabhasigire, tari ꞉aabheesere nyombe, anu bhabhoyerwe na amaseega. Mu‑chisuute echirafuru cha nyombe eyo, abharindirira orusuku rurya rwa okuramurwa.

1 Yoana 1:8

Araabha echaayika ati eswe chitari na ebhibhiibhi, echiijiga abheene, wone echimari chitari‑mo mu‑myoyo jeeswe.

1 Yoana 2:21

Isonga ya okubhakaamira inyarubha inu, itari ati, mutakumenya echimari, tari kwa okubha muchimenyere. Ka wone ameeyigisyo goonegoone ga orubheeyi gatakusooka mu‑chimari.

1 Yoana 2:4

Omuunu woonewoone unu kaayika ati kaamusombookerwa, nawe atakugayuka ebhiraagiro bhyaye, ni mubheeyi, atakumenya echimari.

1 Yoana 3:12

Chisige okubha rwa omuunu urya kaatogwa ati Kayini unu aariga ari muunu wa Omubhiibhi urya, ka wone ꞉eetire Abheeri, omumura waabho. Ni kurwa ki ꞉aamwitire? Isonga ya okumwita niyo inu, ebhikorwa bhya Kayini bhyariga bhiri bhibhiibhi, nawe ebhya omumura waabho bhyariga bhiri bhya rirenga.

1 Yoana 3:15

Omuunu woonewoone unu kaasoka oweejaabho ni mwiti. Emwe mumenyere ati omwiti woonewoone wa abhaanu atari na obhuwanga bhwa akajaanende koone mu‑mwoyo gwaye.

Yuuda 1:6

Ka wone, mwichuke bhamaraayika bhanu ꞉bhateeyirwe na obhukuru bhwebhwe, nibhasiga obhwikaro bhwebhwe. Nyamuwanga abhateeye mu‑chisuute echirafuru, abhabhoyere na amaseega ga akajaanende. Eyo abharindirira orusuku orukuru rwa okuramurwa.

Obhusweruro 12:9

Riyoka eryo, niryeswa ku‑chaaro anu. Eryo, niyo injoka ya kara irya, inu eyitogwa ati, Mubheeyeresya amwi Syetaani. Eyijiga abhaanu bhoone ku‑chaaro bhakore ebhibhiibhi. Chimari ryeserwe ku‑chaaro anu aamwi na bhamaraayika bhaaryo.

Obhusweruro 13:14

Ku‑bhibharikisyo bhinu ꞉ryayaaywe okukora imbere ya rityanyi rya okwamba rirya, nirijiga abhaanu bha ku‑chaaro anu. Niribhwira abhaanu bhabhaaje risusano rya okuyaana echibharo rityanyi rya okwamba, rinu ꞉ryawutasiibhwe kwa imbanda, nawe niriwora, nirigenderera okwikara.

Obhusweruro 2:10

Musige okuubhaya ebhinyaasyo bhinu bhiribhaaja‑ko. Muringire! Syetaani aribharegeeja kwa okutuura abhandi agati yeemwe mw‑ibhoyero. Emwe murinyaaka siku ekumi. Nawe mubhe abheeyikanyibhwa kw‑anye noorwo okukingira mufwe, anye niribhayaana orutengya rwa obhuwanga bhwa akajaanende koone.

Obhusweruro 21:8

Nawe abhoobha, abhaanu bhanu bhatakwikirisya Nyamuwanga, bhanu abhamufuruurusya, abheeti, abharomesi, abharosi na bhanu abharamya amasusano, aamwi na abhabheeyi, bhoone abho orubhaara rwebhwe ni mu‑nyanja ya omuriro omururu gwa emisimu ja echibhiriiti. Okwo nikwo okufwa kwa kabhiri.”

Obhusweruro 22:15

Nawe, abharosi bhoone, abharomesi, abheeti, abhaanu bhanu abharamya amasusano na abhaanu bhoone bhanu abheenda okwayika orubheeyi, bharibha anja ya omusi ogwo rwa jimbwa.

Obhusweruro 9:11

Jiisige ejo, jaariga jiri na omukama waajo. Omukama oyo aariga ari maraayika omukuru wa mu‑ryobho rinu ritari na obhuteero. Maraayika oyo, mu‑Chiyebhuraniya kaatogwa Abhadooni na mu‑Chiyunaani kaatogwa Aporiyooni. Obhugajuro bhwagwo ni “Omusingaarisi.”