Yowana 8:32 - Indagano Inyaaya mu-Chijita

³² Ka wone omuja okumenya echimari, na echimari echo, echija okubhakora mubhe abheetaage.”

INDAGANO INYA:YA

³² Na murimenya eje cimari, ne je cimari jiribakora be:bure.

Yowana 8:32 ပူးပေါင်းရင်းမြစ်များ

Matayo 11:29

Anye niri mworooro, ka wone niri mwikeeya. Kurwa ejo, mwitwike ingurwema yaani, mwiyigire okusooka kw‑anye, niwo niribhayaana omurembe mu‑myoyo jeemwe.

Yowana 1:14

Mbe, Musango oyo ˆnaabha omuunu, ˆneekara agati yeeswe. Eswe bhoone nichirora rikusyo ryaye, rikusyo rya Omwana eenyere wa Raata Nyamuwanga, eejuuywe obhwitiriranya bhwafu na echimari choone.

Yowana 1:17

Okubha, Nyamuwanga ꞉aasoosiisye ebhiraagiro bhyaye okutura ku‑Muusa, na woori asoosiisye obhwitiriranya bhwaye na echimari chaaye okutura ku‑Yeesu Kirisito.

Yowana 14:6

Yeesu ˆnaamusubhya ati, “Anye naanye injira, echimari, na obhuwanga. Atari‑wo omuunu woonewoone unu kaatura okuuja ku‑Raata araabha ataturire kw‑anye.

Yowana 16:13

Mwoyo wa echimari oyo, aribha aaja kw‑imwe, aribhatangasya okusombookerwa echimari choone. Ataryayika ku‑bhuturo bhwaye omwene, tari aryayika jinu aryungwa na okubhabhwira jinu jirikorekana.

Yowana 17:17

Raata, enikusabhwa ubheesye mu‑chimari chaawo, kwa okubha omusango gwawo nigwo echimari.

Yowana 6:45

Jikaamirwe mu‑Bhikaame Ebhyeru bhya abharagi ati, ‘Abhaanu bhoone bhariyigisibhwa na Nyamuwanga.’ Mbe, omuunu woonewoone unu kaategeresya na okwiyigira okusooka ku‑Raata, kaaja kw‑anye.

Yowana 7:17

Omuunu woonewoone unu keenda okukora kutyo Nyamuwanga keenda, oyo kaja okusombookerwa ati, ameeyigisyo gaani gasookere ku‑Nyamuwanga. Ka wone kaja okusombookerwa ati, nitakwayika ku‑bhuturo bhwani omwene.

Yowana 8:36

Kurwa ejo, araabha anye Omwana wa Nyamuwanga nibhasoosiisye mu‑bhibhiibhi bhyemwe, mutaribha abhagaya rindi, tari muribha abhaanu abheetaage kata.

Barumi 6:22

Woori musuruumuuywe na Nyamuwanga okusooka mu‑bhugaya bhwemwe bhwa echibhiibhi. Ka wone, abhakorere okubha abhakosi bhaaye, na okuruubhana na ejo mubhwene omuriiro. Omuriiro ogwo ni kukorera emirimu Nyamuwanga kwa omwoyo gwone na ku‑bhuteero ni kuramira obhuwanga bhwa akajaanende koone.

Barumi 8:15

Nyamuwanga ꞉ataabhayaaye Mwoyo Mweru, korereki mubhe rindi abhagaya bhanu abhamuubhaya, tari ꞉aabhayaaye Mwoyo Mweru, korereki mubhe abhaana bhaaye. Mwoyo oyo, niwe kaachiyaana obhuturo bhwa okubhirikira Nyamuwanga ati, “Abha,” obhugajuro bhwaryo “Raata!”

Barumi 8:2

Ku‑njira ya okubha na obhumwi na Kirisito Yeesu, amanaga ga Mwoyo Mweru unu kaareeta obhuwanga bhwa akajaanende koone, gankorere nibhe na obhwitaage, korereki nisige okutungwa na amanaga ga ebhibhiibhi na orufu.

1 Bakorinto 7:22

Naayika ati ogwo gwasiga okukunyaasya, kwa okubha omuunu unu aariga ari mugaya omwanya gunu ꞉aabhirikiiywe na Raatabhugenyi, oyo ni mwitaage ku‑Raatabhugenyi. Ka unu aariga ari mwitaage omwanya gunu ꞉aabhirikiiywe, oyo ni mugaya wa Kirisito.

Bagalatia 5:1

Kirisito achiyaaye obhwitaage, korereki chiikare mu‑bhwitaage obhwo. Kurwa ejo, mwimereeguru murumateene, mwasiga okwikirisya okusubha rindi mu‑bhugaya bhwa ebhiraagiro.

Bagalatia 5:13

Abhayiri bhaani, Nyamuwanga abhabhirikiiye, korereki mubhe abhaanu bhanu muri na obhwitaage. Nawe mwasiga okukorera obhwitaage bhwemwe wuti omwanya gwa okuruubha okurigira kwa omubhiri, tari musakirane mu‑ryenda.

2 Timoteo 3:7

Abhagasi abho abheeyigira omwanya gwone, nawe abhataamibhwa chimwi okusombookerwa echimari.

Yakobo 1:25

Nawe omuunu unu kaarora etegeresiisye echiraagiro chinu chikuumiiye na okureeta obhwitaage, ˆnaagenderera okukora ejo okurabhirwa wuri jinu ꞉oonguuwe na okujiruubhirira, oyo niwe aribhona amabhando mu‑kukora kutyo.

Yakobo 2:12

Kutyo mwayikega na okukora nimuruubhaga echiraagiro chinu echibhareetera obhwitaage. Mwichukega ati, Nyamuwanga aribharamurira echiraagiro echo.

1 Petero 2:16

Mwikare rwa abhaanu bhanu bhari na obhwitaage, nawe mu‑bhwitaage obhwo, mwasiga okukora ebhibhiibhi. Mwikare rwa kutyo Nyamuwanga kaakena abhakosi bhaaye bheekare.

2 Yoana 1:1

Anye omukaruka weemwe mu‑riikirisya, enikukaamira awe omusubhaati omwendwa unu usorerwe na Nyamuwanga, aamwi na abhaana bhaawo. Ni chimari nibheendere bhoone. Nitari anye omwene era unu nibheendere, tari na abhaanu bhoone bhanu abhamenya echimari.