Yowana 8:11 - Indagano Inyaaya mu-Chijita

¹¹ Omugasi oyo ˆnaamusubhya ati, “Mwami, atari‑wo noorwo umwi wa okundamura.” Mbe, Yeesu ˆnaamubhwira ati, “Noorwo anye nitakukuramura. Genda, nawe okwambira reero, usige okukora ebhibhiibhi rindi.”]

INDAGANO INYA:YA

¹¹ Omwene na:ika ati, Atariwo mu:nu, Ratabugenyi. Yesu na:ika ati, Anye one nitakukuramura. Genda, okwambira rero utarisuba kukaya rindi.)

Yowana 8:11 ပူးပေါင်းရင်းမြစ်များ

Ruuka 13:3

Enibhabhwira ati, jitari kutyo! Nawe araabha mukarema okuta ebhibhiibhi bhyemwe, nikwo kutyo emwe bhoone murisingaarika.

Ruuka 13:5

Enibhabhwira ati, jitari kutyo! Nawe araabha mukarema okuta ebhibhiibhi bhyemwe, nikwo kutyo emwe bhoone murisingaarika.”

Ruuka 15:10

“Enibhabhwira ati, nikwo kutyo Nyamuwanga kaakonderwa imbere ya bhamaraayika, araabha omuunu umwi owa ebhibhiibhi akata ebhibhiibhi bhyaye na okubhisiga.”

Ruuka 15:32

Nawe omutooto waawo unu, jeenderwe chimukorere obhugenyi, chikonderwe na okusandabha aamwi. Okubha aariga ari wuti afuuwe, woori anu aasuuruka. Aariga abhurire, woori anu, aabhonekana rindi!’”

Ruuka 15:7

“Enibhabhwira ati, nikwo kutyo riribha‑wo risandabha enene mu‑rwire, araabha omuunu umwi akata ebhibhiibhi bhyaye. Risandabha eryo, erikira rya abhaanu makumi gataanu na gana na bhataanu na bhana abharengeresi, bhanu bhatakukena okuta ebhibhiibhi.”

Ruuka 5:32

Anye ꞉niteejire okubhirikira bhanu abheerora wuti ni bharengeresi imbere ya Nyamuwanga. Tari niijire okubhirikira abhakosi bha ebhibhiibhi, korereki bhate ebhibhiibhi.”

Ruuka 9:56

Okubha anye Omwana wa Omuunu ꞉niteejire okusingaarisya abhaanu, tari okubhachungura.” Nibhagenda mu‑ruguuyo orundi.

Yowana 18:36

Yeesu ˆnaamusubhya ati, “Obhukama bhwani bhutari bhwa ku‑chaaro kunu. Araabha bhwakabheeye bhuri bhwa ku‑chaaro kunu, mbe abheeyigisibhwa bhaani bhakandwaniriiye korereki nisige okugwatwa na abhatangasya bha Abhayawudi. Nawe obhukama bhwani bhutari bhwa ku‑chaaro kunu.”

Yowana 3:17

Nyamuwanga ꞉ataatumire Omwana waaye ku‑chaaro kunu, korereki aramure abhaanu, tari ꞉aamutumire korereki abhaanu bhachungurwe okutura ku‑mwene.

Yowana 5:14

Ejo jejire jaawa, Yeesu ˆnaasongʼana omuunu oyo mu‑rubhuga rwa Riyekaru, ˆnaamubhwira ati, “Tegeresya, woori waawora. Waasiga okukora ebhibhiibhi rindi, kwa okubha ukagenderera okukora ebhibhiibhi, owuja okunyaaka okukira kutyo waariga nuunyaaka ku‑bhwambiro.”

Yowana 8:15

Emwe omundamura okuruubhana na obhwiganirisya bhwa echinyamuunu, nawe anye nitakuramura omuunu woonewoone.

Barumi 2:4

Nyamuwanga ni wa kisi muno, kaakufwira echigongo chaafu, na kaakwigumiirisya muno. Nawe awe woori, oweenda okugaya ejo joone? Utakumenya ati kaakweresya bhwa ekisi bhwaye, korereki uture okuta ebhibhiibhi bhyawo?

1 Bakorinto 5:12

Mbe woori, gutari murimu gwani okuramura bhanu bhatari bheekirisya. Abho Nyamuwanga omwene niwe aribharamura. Nawe emwe mwiyire okuramura bhanu bhari mw‑ikanisa, rwa kutyo jikaamirwe mu‑Bhikaame Ebhyeru ati, “Mubhirimye omuunu omubhiibhi asooke mw‑imwe.”

2 Petero 3:15

Mumenye ati, Raatabhugenyi keegumiirisya abhaanu, korereki bhabhone omwanya gwa okuchunguka. Nikwo kutyo omuyiri weeswe Pawuro omwendwa ꞉aabhakaamiiye ku‑bhwengeeso bhunu Nyamuwanga amuyaaye.