Yowana 7:39 - Indagano Inyaaya mu-Chijita

³⁹ Yeesu aariga ˆnaayika emisango ejo inguru ya Mwoyo Mweru, unu abhaanu bhanu abheekirisya Yeesu bhaakayaaywe. Omwanya ogwo, Nyamuwanga aariga achaari okutuma Mwoyo waaye ku‑bhaanu abho, kwa okubha Yeesu aariga achaari okwingʼengibhwa inguru mw‑ikusyo.

INDAGANO INYA:YA

³⁹ Eco aca:ikire ku Mwoyo, unu bariga nibaja okuyabwa banu bamwikirisisye. Okuba Omwoyo ariga acari kugabwa, okuba Yesu ariga acari kukusibwa.

Yowana 7:39 ပူးပေါင်းရင်းမြစ်များ

Matayo 16:14

Nibhamusubhya ati, “Abhandi abhaayika ati awe niwe Yowana Omubhatiija, abhandi abhaayika ati awe niwe Yeeriya na abhandi abhaayika ati awe niwe Yeremiya amwi owumwi wa abharagi bha Nyamuwanga.”

Matayo 21:11

Abhaanu abhandi mu‑chise echo nibhabhasubhya ati, “Unu ni Yeesu! Ni muragi urya wa Najareeti wa mu‑mukoowa gwa Gariraaya!”

Ruuka 24:49

“Woori muringire, enibhareetera Mwoyo Mweru rwa kutyo Raata waani aariga aragire. Nawe mwikare mu‑musi munu, okukingira omwanya gunu muriyaanwa obhuturo okusooka inguru mu‑rwire.”

Ruuka 3:16

Nawe Yowana ˆnaabhasubhya ati, “Chimari anye enibhabhatiija mu‑manji era. Nawe ariija omuunu owundi owa obhuturo okunkira. Anye niteeyire noorwo okusuruumura jingoye ja ebhiraato bhyaye. Omwene aribhabhatiija kwa Mwoyo Mweru na kwa omuriro okwesya emitima jeemwe rwa kutyo omuriro ogwesya ebhyuma.

Ruuka 7:16

Abhaanu abho bhoone, nibharuguura muno, nibhaamba okukusya Nyamuwanga, nibhaayikaga ati, “Omuragi omukuru unu eebhuka okusooka mw‑iswe!” Nibhaayika rindi ati, “Nyamuwanga aaja okusakira eswe abhaanu bhaaye!”

Yowana 1:21

Nibhamubhuusya rindi ati, “Woori naawe ga? Angu, naawe omuragi Yeeriya?” Omwene ˆnaabhasubhya rindi ati, “Wuri, anye nitari muragi Yeeriya.” Abheene nibhamubhuusya rindi ati, “Angu, naawe omuragi unu echirindirira okusooka ku‑Nyamuwanga?” Yowana ˆnaabhasubhya ati, “Wuri, nitari anye.”

Yowana 1:25

Nibhamubhuusya ati, “Araabha awe utari Kirisito, noorwo omuragi Yeeriya, noorwo omuragi unu echirindirira okusooka ku‑Nyamuwanga, ni kurwa ki owubhatiija abhaanu?”

Yowana 1:33

Nawe ꞉nitaamumenyere ati niga, tari Nyamuwanga unu ꞉aantumire okubhatiija abhaanu mu‑manji aariga aambwiriiye ati, ‘Omuunu unu owuja okurora Mwoyo waani ˆneekaga na okugwa inguru yaaye, oyo niwe unu aribhatiija abhaanu kwa Mwoyo Mweru.’”

Yowana 12:16

Omwanya ogwo, abheeyigisibhwa bha Yeesu ꞉bhataasombookeeywe emisango ejo. Nawe Yeesu ejire eengʼengibhwa inguru mw‑ikusyo, niwo nibheechuka ati ejo jaariga jikaamirwe na nikwo kutyo ꞉bhaamukoreeye.

Yowana 12:23

Yeesu ˆnaabhasubhya ati, “Omwanya gwakinga gwa Omwana wa Omuunu okukusibhwa.

Yowana 14:13

Araabha mukasabhwa echiinu choonechoone kw‑isiina ryani, anye enija okubhakorera. Kurwa ejo, rikusyo rya Raata riribhonekana okutura kw‑anye Omwana waaye.

Yowana 14:26

Nawe Omusakisi oyo, Mwoyo Mweru, unu Raata arituma kw‑imwe kw‑isiina ryani, aribheeyigisya na okubheechukya joone jinu naabhabhwira.

Yowana 16:14

Mwoyo oyo aribhaga ˆnaabheeresya rikusyo ryani, kwa okubha aribhabhwira joone jinu aryungwaga okusooka kw‑anye.

Yowana 16:7

“Ni chimari enibhabhwira ati, ni kisi kw‑imwe anye nigende ku‑Raata. Araabha nikaremere okugenda, Omusakisi urya ataakaturire okuuja kw‑imwe. Nawe araabha nikagenda, enija okumutuma kw‑imwe.

Yowana 17:1

Yeesu ejire aamara okwayika ejo joone, ˆnaaragamira ku‑rwire, ˆnaasabhwa ati, “Raata, omwanya gwakinga. Yeeresya abhaanu rikusyo ryani anye Omwana waawo, korereki anye wone nibheeresye rikusyo ryawo kutyo riri.

Yowana 17:5

Raata, enikusabhwa undeete rindi mw‑ikusyo ryawo, rikusyo rinu naariga niri naryo, omwanya gunu naariga niri aamwi na awe, bhunu waariga uchaari kubhumba echaaro.

Yowana 20:22

Ejire aamara okwayika ejo, ˆnaabhafuuyira omwika, ˆnaabhabhwira ati, “Muramire Mwoyo Mweru.

Yowana 6:14

Abhaanu abho bhejire bhaarora echibharikisyo chinu Yeesu ꞉aakorere, nibhaayika ati, “Chimari omuunu unu ni muragi wa Nyamuwanga unu chaariga nichiiyikanya ati ariija ku‑chaaro kunu.”

Yowana 7:12

Abhaanu bhaafu bhaayaajanaga inguru ya Yeesu. Abhandi nibhaayika ati, “Yeesu ni muunu wa kisi,” nawe abhandi nibhaayikaga ati, “Wuri, kaajiga abhaanu.”

Yowana 8:54

Yeesu ˆnaabhasubhya ati, “Araabha eniikumangya anye omwene, okwikumangya kwani kutari na obhugajuro bhwonebhwone. Nawe Raata waani, unu emwe omwayika ati ni Nyamuwanga weemwe, niwe kaankumangya.

Ebikorwa 19:2

ˆnaabhabhuusya ati, “Angu, ꞉mwaramiiye Mwoyo Mweru bhunu ꞉mweekirisiisye Yeesu?” Nibhamusubhya ati, “Wuri, noorwo okuungwara ati ari‑wo Mwoyo Mweru wone chichaariga okuungwa.”

Ebikorwa 2:17

‘Mu‑siku ja obhuteero, niriitururira Mwoyo Mweru waani inguru ya abhaanu bhoone. Abhaana bheemwe, abhamura na abhayarakaji bharisoosya obhuragi, abhasigaji bheemwe bharirora ebhiroro na abhakaruka bheemwe bhariroota ebhirooto.

Ebikorwa 2:33

Nyamuwanga ꞉aamwinamusiisye na okumuriinyya ku‑chibharo cha inguru, woori eenyanjire orubhaara rwaye rwa ebhuryo. Ka wone Raata Nyamuwanga ayaaye Yeesu Mwoyo Mweru rwa kutyo ꞉aamuragire. ꞉Aachiitururiiye Mwoyo Mweru, ebhikorwa bhyaye, nibhyo bhinu omurora na okuungwa.

Ebikorwa 2:38

Peetero ˆnaabhabhwira ati, “Bhuri umwi weemwe ate ebhibhiibhi bhyaye, na abhatiijibhwe kw‑isiina rya Yeesu Kirisito, korereki afwirwe echigongo ebhibhiibhi bhyaye, emwe omuja okuyaanwa echiyaanwa cha Mwoyo Mweru.

Ebikorwa 2:4

Abhaanu abho bhoone nibheejusibhwa na Mwoyo Mweru, nibhaamba okwayika mu‑nyaayika jingenyi, rwa kutyo Mwoyo Mweru aabhatangasyaga okwayika.

Ebikorwa 3:13

Woori Nyamuwanga wa Bhurayimu, Isaaka na Yakobho, niwe Nyamuwanga wa bhasaaja weeswe, aakusya omukosi waaye Yeesu. Yeesu oyo niwe unu emwe ꞉mwateeye mu‑mabhoko ga abhatungi na okumwigaana imbere ya Piraato! Noorwo kutyo Piraato ꞉eendere okumutaatira, emwe ꞉mwaremere.

Ebikorwa 4:31

Bhejire bhaamara okusabhwa Nyamuwanga, inju inu bhaariga bheekofyanyiisye‑mo niitikima. Abho bhoone nibheejusibhwa na Mwoyo Mweru, nibhaamba okwiyigisya abhaanu omusango gwa Nyamuwanga kwa ribhaasi.

Barumi 8:9

Nawe emwe woori, mutakutangasibhwa na obhusimukwa bhwemwe bhwa echibhiibhi, tari mutangasibhwa na Mwoyo wa Nyamuwanga, kwa okubha eekaaye mu‑myoyo jeemwe. Omuunu woonewoone unu atari na Mwoyo wa Kirisito, oyo atari muunu wa Kirisito.

2 Bakorinto 3:8

mbe woori, obhukosi bhwa Mwoyo Mweru bhutaribha na rikusyo okukira eryo?

Baefeso 4:30

Musige okusurumbasya Mwoyo Mweru wa Nyamuwanga, kwa okubha omwene oyo, niwe orunabho rwaye kw‑imwe ati, orusuku oruuja runu muryerurwa chimwi.