Yowana 7:37 - Indagano Inyaaya mu-Chijita

³⁷ Orusuku rwa obhuteero rwa ichikukuru ya ebhiwuuna, rwariga ruri rusuku orukuru muno. Mbe, Yeesu ˆneemereeguru mu‑rubhuga rwa Riyekaru, ˆnaamura obhuraka ˆnaayika ati, “Omuunu akoongwa obhwiro bhwa amanji, aaje kw‑anye, anywe!

INDAGANO INYA:YA

³⁷ Nawe ku rusiku rwa ku bute:ro, nirwo orusiku orukuru rwa marya, Yesu e:mereguyu na:ikirira inguru, na:ika ati, Omu:nu ake:twa obwiro a:je kwanye anywe.

Yowana 7:37 ပူးပေါင်းရင်းမြစ်များ

Matayo 11:28

“Muuje kw‑anye bhoone bhanu omunyaaka na okusitoyerwa na emigugu emisito, anye enija okubhafungʼamya.

Matayo 3:3

Yowana niwe ꞉aayikirwe na omuragi Iisaya ati, “Obhuraka bhwa omuunu unu kaabhirikira mw‑ibhara ati, ‘Muchumachumire Raatabhugenyi injira, mwimye anu kaja okutura.’”

Matayo 5:6

Bhari na ribhando abha omweko na obhwiro bhwa okukora emisango ja obhurengeresi, kwa okubha Nyamuwanga aribheegutya.

Yowana 1:23

Yowana ˆnaabhasubhya okuruubhana na emisango jinu omuragi Iisaya ꞉aayikire ati, “Anye niri ‘muunu urya kaamura obhuraka mw‑ibhara ati, “Mwimye injira anu kaja okutura Raatabhugenyi!”’”

Yowana 14:6

Yeesu ˆnaamusubhya ati, “Anye naanye injira, echimari, na obhuwanga. Atari‑wo omuunu woonewoone unu kaatura okuuja ku‑Raata araabha ataturire kw‑anye.

Yowana 4:10

Yeesu ˆnaamusubhya ati, “Araabha ukabheeye nuumenya echiyaanwa cha Nyamuwanga, na unu kaakusabhwa amanji ga okunywa, waakamusabhirwe, na omwene aakakuyaaye amanji ganu agasoosya obhuwanga.”

Yowana 4:11

Omugasi oyo, ˆnaasubhya Yeesu ati, “Mwami, awe utari na echiinu cha okutayira amanji, ka wone, rijibha rinu ni reera. Woori owuja okubhona aaki amanji ganu agasoosya obhuwanga?

Yowana 4:14

Nawe omuunu unu kaanywa amanji ganu anye enimuyaana, atakuja okuungwa obhwiro noorwo na akatyari kajaanende koone. Amanji ganu enija okumuyaana, agaja okubha rwa omumiro gwa amanji mu‑mwoyo gwaye ganu agabhogomera obhuwanga bhwa akajaanende koone.”

Yowana 5:40

Nawe mutakwenda okuuja kw‑anye, korereki mubhone obhuwanga bhwa kajaanende koone.

Yowana 6:35

Yeesu ˆnaabhasubhya ati, “Anye naanye ebhiryo bhinu ebhiyaana abhaanu obhuwanga bhwa akajaanende koone. Omuunu woonewoone unu kaaja kw‑anye na okunyikirisya, atarirumwa omweko rindi, noorwo okuungwa rindi obhwiro bhwa amanji.

Yowana 6:37

Abhaanu bhoone bhanu Raata kaanaana, bhariija kw‑anye na okunyikirisya. Anye nitakurema noorwo umwi unu kaaja kw‑anye.

Yowana 6:55

Okubha omubhiri gwani nibhyo ebhiryo bhya echimari, na isagama yaani nicho echinywebhwa cha echimari.

Yowana 7:28

Omwanya gunu Yeesu eeyigisyaga mu‑rubhuga rwa Riyekaru, ˆnaamura obhuraka ˆnaayika ati, “Chimari mummenyere, na mumenyere anu nisookere. Anye ꞉niteejire ku‑bhuturo bhwani, tari nitumirwe na Nyamuwanga wa echimari. Oyo, emwe mutakumumenya.

1 Bakorinto 10:21

Mutakutura okunywera omutawo gwa Raatabhugenyi na ogwa amasambwa. Mutakutura okusangira ebhiryo bhya Raatabhugenyi na ebhya amasambwa.

1 Bakorinto 10:4

Ka wone bhoone ꞉bhaanyweye amanji ganu ꞉gaasookere ku‑Nyamuwanga. Amanji ago ꞉gaasookere ku‑rutare runu rwaribhataga aamwi nabho. Orutare orwo rwariga ruri Kirisito.

1 Bakorinto 11:25

Nyabhuriko, bhejire bhaamara okurya, ˆnaagega omutawo gunu gwariga guri‑mo echifuufu, ˆnaayika ati, “Echifuufu chinu mu‑mutawo munu echimereegururu indagano inyaaya inu Nyamuwanga arikora okutura isagama yaani. Bhuri mwanya gunu muranywerega mu‑mutawo ogwo, mubhega nimukora kutyo, mu‑kunyichuka!”

1 Bakorinto 12:13

Enaayika kutyo, kwa okubha eswe bhoone, chibhe Abhayawudi amwi abhaanu bhanu bhatari Bhayawudi, chibhe abhagaya amwi abheetaage, ꞉chaabhatiijiibhwe mu‑Mwoyo umwi na okuyaanwa Mwoyo umwi oyo, korereki chibhe omubhiri gumwi.

Baefeso 5:18

Ka wone musige obhukorwa kwa okubha obhureterera obhunyamuke, tari mwijusibhwe Mwoyo Mweru,

Obhusweruro 21:6

ˆNaambwira rindi ati, “Jakuumiiye! Anye naanye Obhwambiro na Obhuteero, anye naanye unu enaambisya emisango joone na okujikuumisya. Bhuri muunu unu ari na obhwiro bhwa amanji, nirimuyaana amanji ga okunywa okusooka mu‑mimiro ja amanji ganu agasoosya obhuwanga, atagurire wuri.

Obhusweruro 22:1

Neeya maraayika urya ˆnaanyeeresya omusima gwa amanji ganu agasoosya obhuwanga. Omusima ogwo gwariga nigubharangirya rwa rirore na gwariga niguwurura okusooka mw‑ifuufu rya echitebhe cha ingʼoma cha Nyamuwanga na Omwana wa Inaama.

Obhusweruro 22:17

Mwoyo wa Nyamuwanga na omwenga wa Omwana wa Inaama abhabhirikira Raatabhugenyi Yeesu, nibhaayika ati, “Iija!” Abhaanu bhoone wone bhanu bharyungwa emisango ejo bhaayike ati, “Iija!” Woonewoone unu ari na obhwiro, aaje anywe amanji ganu agasoosya obhuwanga, atagurire wuri.