Yowana 7:35 - Indagano Inyaaya mu-Chijita

³⁵ Niwo Abhayawudi nibhabhuusyanya abheene kwa abheene ati, “Angu, omuunu unu arija aaki anu eswe chitarimubhona? Angu, keenda okugenda ku‑Bhayawudi bhanu bhanyarambukiiye mu‑bhyaro ebhindi, na okwiyigisya abhaanu bhanu bhatari Bhayawudi?

INDAGANO INYA:YA

³⁵ Mbe Abayaudi niba:ika abene era ati, ?Unu kenda kuja aaki, eswe cireme okumurora? ?Kenda okuja kwabo banyarambukire mu Bagiriki, e:igisye Abagiriki?

Yowana 7:35 ပူးပေါင်းရင်းမြစ်များ

Matayo 12:21

Ka wone, abhaanu bha amaanga goone, bharimwiyikanya omwene era.”

Ruuka 2:32

Obhuchungusi obhwo, ni bhweru bhwa okweresya injira yaawo, ku‑bhaanu bhanu bhatari Bhayawudi, na okuyaana abhaanu bhaawo Abhayisirayeeri rikusyo.”

Yowana 12:20

Bhaariga bhari‑wo abhaanu bhanu bhaariga bhatari Bhayawudi mu‑bhaanu bhanu ꞉bhaagendere Yerusareemu okuramya Nyamuwanga mu‑chikukuru ya Okwambuka.

Yowana 7:1

Ejo jejire jaawa, Yeesu ˆnaamba okwiyinda mu‑mukoowa gwa Gariraaya. ꞉Ateendere okwiyinda mu‑mukoowa gwa Yuudeya, kwa okubha abhatangasya bha Abhayawudi bhaayenjaga okumwita.

Yowana 8:22

Niwo abhatangasya bha Abhayawudi nibhaamba okubhuusyanya ati, “Angu, kaja okwiyita? Okubha kaayika ati, ‘Anu kaagenda, eswe chitakutura okujaa‑wo?’”

Ebikorwa 11:18

Omwanya gunu Abhayawudi abho ꞉bhoonguuwe ejo, nibhasiga okubhambasyanya nage. Nibhakusya Nyamuwanga nibhaayika ati, “Mbe, Nyamuwanga aayaana abhaanu bhanu bhatari Bhayawudi wone obhuwanga bhwa akajaanende mu‑kuta ebhibhiibhi bhyebhwe!”

Ebikorwa 11:20

Nawe Atiyookiya awo, abheekirisya abharebhe bha kw‑isinga rya Kiipuro na abha mu‑musi gwa Kureene, nibhaamba okwiyigisya Emisango ja Ekisi ja Raatabhugenyi Yeesu, noorwo ku‑bhaanu bhanu bhatari Bhayawudi.

Ebikorwa 14:1

Yikoniya eyo Pawuro na Bharinaabha, nibheengira mu‑nju ya eriikofyanyo rya Abhayawudi, rwa kutyo jitungwa jeebhwe jaariga jiri. Nibheeyigisya abhaanu omwo kwa ribhaasi inguru ya Yeesu, Abhayawudi abhaafu muno aamwi na Abhayunaani abhaafu, nibheekirisya Yeesu.

Ebikorwa 17:4

Jinu Pawuro ꞉aayikire, Abhayawudi abharebhe nibhajiikirisya, aamwi na Abhayunaani abhaafu bhanu bhaaramyaga Nyamuwanga. Nibheekirisya noorwo abhagasi abhaafu bha echibharo. Abho bhoone nibharuubhana na Pawuro na Siira.

Ebikorwa 18:4

Bhuri orusuku rwa Isabhaato, Pawuro aaregeejaga okukongya Abhayawudi aamwi na Abhayunaani mu‑nju ya eriikofyanyo rya Abhayawudi.

Ebikorwa 21:21

Abheene bhabhwiriiywe ati, owiyigisya Abhayawudi bhoone bhanu bheekaaye mu‑bhaanu bha amaanga agandi ati, bhasige okuruubhirira Muusa. Abhaayika ati ꞉waabhagaanyiisye okutenda abhaana bheebhwe, noorwo okuruubha emisiro jeebhwe ja Echiyawudi.

Ebikorwa 22:21

Nawe Raatabhugenyi ˆnaansubhya ati, ‘Genda, kwa okubha enija okukutuma ugende mu‑bhyaro ebhindi bhya kura ku‑bhaanu bhanu bhatari Bhayawudi.’”

Barumi 1:16

Anye nitakwiswara okuraasya Emisango ja Ekisi ejo, kwa okubha nijo obhuturo bhwa Nyamuwanga bhwa okuchungura abhaanu bhoone bhanu abheekirisya Yeesu, okwambira Abhayawudi okukingira abhaanu bhanu bhatari Bhayawudi.

Baefeso 3:8

Anye, niri mutooto okukira omutooto woonewoone ku‑bheeru bhoone bha Nyamuwanga. Noorwo kutyo, naanye ꞉naayaaywe obhwitiriranya bhwa okuraasisya abhaanu bhanu bhatari Bhayawudi obhuniibhi bhwa Kirisito bhunu bhutari na indengo.

Bakolosai 1:27

Nyamuwanga ꞉eendere okubhaswerurira bhwa ekisi bhwa obhutinge bhwa imbisike ya okuruguusya, noorwo inguru ya abhaanu bhanu bhatari Bhayawudi. Obhutinge obhwo ni ati Kirisito ari mu‑myoyo jeemwe, ka wone, omwene niwe kaabhayaana obhwiyikanyo ati murisangira rikusyo rya Nyamuwanga.

1 Timoteo 2:7

Nikwo okukora anye ꞉naateeywe‑wo okubha omuraasya na okubha itumwa. Ka wone ꞉naateeywe‑wo okubha omwiyigisya wa abhaanu bhanu bhatari Bhayawudi, korereki nibhe nindaasya emisango ja eriikirisya na echimari. Enaayika echimari, nitakubheeya wuri.

2 Timoteo 1:11

Anye nisorerwe korereki nibhe omuraasya, itumwa na omwiyigisya wa Emisango ja Ekisi ejo.

Yakobo 1:1

Inyarubha inu niikaamire anye Yakobho, omukosi wa Nyamuwanga na owa Raatabhugenyi Yeesu Kirisito. Enikaamira emwe jingʼanda ekumi na ebhiri, jinu jinyarambukire na okuja okwikara mu‑bhyaro bhyafubhyafu. Enibhakeesya!

1 Petero 1:1

Inyarubha inu niikaamire anye Peetero, itumwa ya Yeesu Kirisito. Enikaamira emwe abhaanu bhanu musorerwe na Nyamuwanga, bhanu munyarageene rwa abhagenyi mu‑mikoowa ja Pooto, Garaatiya, Kapadookiya, Asiya na Bhitiniya.