Yowana 7:17 - Indagano Inyaaya mu-Chijita

¹⁷ Omuunu woonewoone unu keenda okukora kutyo Nyamuwanga keenda, oyo kaja okusombookerwa ati, ameeyigisyo gaani gasookere ku‑Nyamuwanga. Ka wone kaja okusombookerwa ati, nitakwayika ku‑bhuturo bhwani omwene.

INDAGANO INYA:YA

¹⁷ Omu:nu akenda okukora wuriya binu kenda, arimenya okwiigisya kunu araba kwaso:kere ku Nyamuanga, araba ena:ika ebyani era.

Yowana 7:17 ပူးပေါင်းရင်းမြစ်များ

Matayo 6:22

“Ameeso gari rwa idara ku‑mubhiri. Araabha ameeso gaawo agarora kisi, omubhiri gwawo gwone ogubha na obhweru.

Ruuka 8:15

“Jimbibho jinu ꞉jaaguuwe mu‑mayaru ga ekisi, ejisusanyibhwa na abhaanu bhanu abhoongwa omusango gwa Nyamuwanga, nibhagugwata mu‑mwoyo gwa echimari, na mu‑bhwigumiirisya bhwebhwe abhatwasya amatwasyo omwanya gwone.

Yowana 3:21

Nawe abhaanu bhoone bhanu abhakora ebhikorwa bhya obhurengeresi, abhaaja mu‑bhweru obhwo, korereki imenyekane ati, Nyamuwanga niwe kaabhayaana obhuturo bhwa okubhikora.

Yowana 8:43

Kurwa ki mutakusombookerwa jinu enaayika? Mutakutura okujisombookerwa kwa okubha mutakwenda okutegeresya emisango jinu enibhabhwira.

Yowana 8:44

Emwe muri bhaanu bha Syetaani, oyo niwe esomwana! Niyo isonga omwenda okukora jinu esomwana keegomba. Syetaani ni mwiti okusookerera ku‑bhwambiro. Atakwenda echimari kata, kwa okubha echimari echo, chitari‑mo mu‑mwoyo gwaye. Omwene ni mubheeyi, na akatungiiywe kaaye ni kubheeya, ka wone niwe esemwene orubheeyi.

Yowana 8:47

Omuunu woonewoone wa Nyamuwanga, oyo kaategeresya emisango jaaye. Emwe mutakutegeresya jinu Nyamuwanga kaayika, kwa okubha mutari bhaanu bhaaye.”

Ebikorwa 17:11

Abhaanu bha Bherooya awo, bhaariga bhari na obhutinge bhwa kisi okukira abha Tesaroonike. Nibhakora Pawuro, abharaasisye omusango gwa Nyamuwanga, nibhaguramira kwa amanaga goone. Bhaaringiraga mu‑Bhikaame Ebhyeru bhuri rusuku, korereki bhamenye ati ejo aayikaga Pawuro ni ja echimari.