Yowana 6:51 - Indagano Inyaaya mu-Chijita

⁵¹ Anye naanye ebhiryo bhinu bhiikire okusooka mu‑rwire, bhinu ebhiyaana abhaanu obhuwanga bhwa akajaanende koone. Omuunu woonewoone unu kaarya ebhiryo ebhyo, kaabha na obhuwanga bhwa akajaanende koone. Ebhiryo ebhyo ni mubhiri gwani gunu nirisoosya inguru ya abhaanu bhoone bha ku‑chaaro kunu, korereki bhabhe na obhuwanga bhwa akajaanende koone.”

INDAGANO INYA:YA

⁵¹ Nanye ebiryo ebianga binu byaso:kere mu rwire. Omu:nu akarya ku biryo binu ariba muanga kajanende na kajanende. Ebiryo binu ndigaba kurwo buanga bwa i:si, nigwo mubiri gwani.

Yowana 6:51 ပူးပေါင်းရင်းမြစ်များ

Matayo 20:28

Jiri rwa kutyo anye Omwana wa Omuunu, ꞉niteejire okukorerwa emirimu, tari ꞉neejire okukorera emirimu abhaanu na okusoosya obhurame bhwani, korereki neerure abhaanu bhaafu.”

Ruuka 22:19

Neeya ˆnaagega omukaate, ˆnaasiima Nyamuwanga, ˆnaagubheganya, ˆnaayaana abheeyigisibhwa bhaaye, ˆnaabhabhwira ati, [“Gunu nigwo omubhiri gwani gunu oguja okusoosibhwa inguru yeemwe. Mubhega nimukora kutyo, mu‑kunyichuka!”

Yowana 1:14

Mbe, Musango oyo ˆnaabha omuunu, ˆneekara agati yeeswe. Eswe bhoone nichirora rikusyo ryaye, rikusyo rya Omwana eenyere wa Raata Nyamuwanga, eejuuywe obhwitiriranya bhwafu na echimari choone.

Yowana 1:29

Mwejo yende‑ko, Yowana ˆnaarora Yeesu ˆnaamuuja‑ko. ˆNaabhwira abhaanu bhanu bhaariga bhari awo ati, “Ringira, oyo niwe Omwana wa Inaama wa Nyamuwanga, unu kaasoosya‑wo ebhibhiibhi bhya abhaanu bhoone bha echaaro chinu!

Yowana 11:26

Ka wone omuunu woonewoone unu ari muwanga na kaanyikirisya anye, atarifwa wuri noorwo na akatyari. Angu, owikirisya emisango ejo?”

Yowana 3:13

Atari‑wo omuunu woonewoone unu arajiiye mu‑rwire. Nawe anye Omwana wa Omuunu, naanye ꞉neejire okusooka mu‑rwire.

Yowana 3:14

“Omwanya gunu Abhayisirayeeri bhaariga bhari mw‑ibhara, Muusa ꞉aakonjere risusano rya injoka ya isyabha na okurisunga kw‑iti, korereki bhawone. Nyabhuriko na anye Omwana wa Omuunu niryendwa okusungwa,

Yowana 3:16

Nyamuwanga eendere muno abhaanu bhoone bha ku‑chaaro kunu. Nikwo okukora ꞉aatumire Omwana waaye wenyere aaje ku‑chaaro kunu, korereki bhuri muunu unu keekirisya Omwana oyo aasiga okusimagira, tari abhe na obhuwanga bhwa akajaanende koone.

Yowana 3:36

Omuunu woonewoone unu keekirisya Omwana wa Nyamuwanga, oyo ari na obhuwanga bhwa akajaanende koone. Nawe woonewoone unu kaarema okumwikirisya, atari na obhuwanga obhwo, ka wone risungu rya Nyamuwanga erigenderera okubha inguru yaaye.

Yowana 5:24

“Ni chimari enibhabhwira ati, omuunu woonewoone unu kaategeresya emisango jaani na okwikirisya Nyamuwanga unu ꞉aantumire, oyo ari na obhuwanga bhwa akajaanende koone. Omuunu oyo atariramurwa, tari aambukire okusooka mu‑kufwa na okwingira mu‑bhuwanga bhwa kajaanende koone.

Yowana 6:33

Ebhiryo bhya Nyamuwanga ni bhinu bhiikire okusooka mu‑rwire, korereki bhiyaane abhaanu bhoone ku‑chaaro kunu obhuwanga bhwa akajaanende koone.”

Yowana 6:35

Yeesu ˆnaabhasubhya ati, “Anye naanye ebhiryo bhinu ebhiyaana abhaanu obhuwanga bhwa akajaanende koone. Omuunu woonewoone unu kaaja kw‑anye na okunyikirisya, atarirumwa omweko rindi, noorwo okuungwa rindi obhwiro bhwa amanji.

Yowana 6:41

Mbe, Abhayawudi bheenda‑wo, nibhaamba okutongʼanira Yeesu, kwa okubha ꞉eeyayikire ati, “Anye naanye ebhiryo bhinu bhiikire okusooka mu‑rwire.”

Yowana 6:47

“Ni chimari enibhabhwira ati, omuunu woonewoone unu kaanyikirisya, oyo ari na obhuwanga bhwa akajaanende koone.

Yowana 6:48

Anye naanye ebhiryo bhinu ebhiyaana abhaanu obhuwanga obhwo.

Yowana 6:50

Nawe anu bhiri‑wo ebhiryo bhinu bhiikire okusooka mu‑rwire. Araabha omuunu woonewoone akaarya ebhiryo ebhyo, atakufwa.

Yowana 7:38

Jikaamirwe mu‑Bhikaame Ebhyeru ati, omuunu woonewoone unu kaanyikirisya, ‘emimiro ja amanji ganu agasoosya obhuwanga jiriwurura okusooka mu‑mwene.’”

2 Bakorinto 5:19

Nikwo okwayika ati, okutura ku‑Kirisito, Nyamuwanga aariga ˆnaagwatanya abhaanu ku‑mwene okubhabharira ebhibhiibhi bhyebhwe wuri. Eswe wone chiyaaywe emirimu ja okuraasisya abhaanu emisango ja obhugwatanyi obhwo.

2 Bakorinto 5:21

Kirisito aariga atari na echibhiibhi choonechoone, nawe Nyamuwanga ꞉aamubharire rwa owa ebhibhiibhi inguru yeeswe, korereki eswe chibharwe okubha abharengeresi imbere ya Nyamuwanga okutura ku‑Kirisito.

Baefeso 5:2

Murame mwendeene, nimuruubhaga echijekekanyo cha Kirisito. Okubha omwene ꞉aacheendere na okwisoosya inguru ya ebhibhiibhi bhyeswe, ˆnaabha echiyaanwa na echoogo echa ebhirange ku‑Nyamuwanga.

Baefeso 5:25

Emwe abharume, mwendega abhagasi bheemwe, rwa kutyo Kirisito wone ꞉eendere rikanisa, ˆnaasoosya obhuwanga bhwaye inguru yaaryo.

Tiito 2:14

Omwene ꞉aasoosiisye obhurame bhwaye inguru yeeswe, korereki acheerure okusooka mu‑bhibhiibhi bhyone. ꞉Aacheesiisye, korereki chibhe abhaanu bhaaye omwene, bhanu echiigomba okukora ebhikorwa bhya ekisi.

Baeburania 10:20

Ku‑njira ya orufu rwaye, omwene ꞉aachiiguriiye injira inyaaya inu eyichitangasya okuja ku‑bhuwanga, korereki chiture okufogera imbere ya Nyamuwanga. Chiri wuti echiyitingʼana mw‑ipajiya na okwingira Ayeeru a Ayeeru.

1 Petero 2:4

Mbe, mufogere ku‑Yeesu, omwene ari rwa ribhuyi riwanga rya okuumbakira. Ribhuyi eryo, abhaanu ꞉bhaariremere, nawe niryo Nyamuwanga ꞉aasorere, ka wone riri na obhurambu obhunene mu‑meeso gaaye.

1 Yoana 2:2

Yeesu niwe echoogo cha okusoosya‑wo ebhibhiibhi bhyeswe na okuchigwatanya na Nyamuwanga. Ka wone ꞉ataasoosisye‑wo ebhibhiibhi bhyeswe era, tari na ebhibhiibhi bhya abhaanu bhoone bha ku‑chaaro choone.

1 Yoana 4:10

Rinu niryo eryenda, jitari ati, eswe ꞉chaatangatire okwenda Nyamuwanga. Tari omwene niwe ꞉aatangatire okucheenda eswe. Nikwo okukora ˆnaatuma Omwana waaye, abhe echoogo cha okusoosya‑wo ebhibhiibhi bhyeswe na okuchigwatanya na Nyamuwanga.

1 Yoana 4:14

Eswe chibhuganganyiisye ameeso na Omwana wa Nyamuwanga. Woori, echibhwira abhaanu abhandi echimari ati, oyo niwe Raata Nyamuwanga ꞉aatumire mu‑chaaro okubha Omuchungusi wa abhaanu bhoone.