Yowana 6:2 - Indagano Inyaaya mu-Chijita

² Echise echinene cha abhaanu chaariga nichiruubha Yeesu, kwa okubha chaariga chaarorere ebhibharikisyo bhya okuwosya abharwaye bhinu aariga ˆnaakora.

INDAGANO INYA:YA

² Ecise cinene nicimuru:ba okuba barorere ebibarikisyo binu akorere ku barwae.

Yowana 6:2 ပူးပေါင်းရင်းမြစ်များ

Matayo 12:15

Yeesu ejire aamenya obhutinge bhwa Abhafarisaayo abho, ˆnaasooka awo. Abhaanu bhaafu nibhamuruubha, ˆnaawosya bhoone bhanu bhaariga bharwaye.

Matayo 13:2

Ebhise bhyafu bhya abhaanu nibhiija, nibhiikofyanya anu Yeesu aariga ari. Neeya, ˆnaariinya mu‑ngama, ˆneenyanja omwo, abhaanu bheemereeguuyuga ku‑njekekera ya inyanja eyo.

Matayo 14:14

Mbe, ejire aakinga, ˆneeka okusooka mu‑ngama, ˆnaarora echise chinene cha abhaanu. ˆNaabhafwira echigongo ˆnaawosya abharwaye bheebhwe.

Matayo 8:1

Yeesu ejire aasooka ku‑chiima, ebhise bhyafu bhya bhaanu nibhimuruubha.

Mariko 1:45

Nawe, omwanya gunu omuunu oyo ꞉aasookere awo, ˆnaamba okuraasya abhwerubhweru bhuri rubhaara emisango ja okuwosibhwa kwaye. Okuruubhana na ejo, Yeesu ˆnaataamibhwa okwingira abhwerubhweru mu‑musi gwonegwone gurya. ˆNeenyanja eenyere anja ya emisi anu abhaanu bhaariga bhatari, noorwo kutyo abhaanu bhaamujaaga‑ko okusooka bhuri rubhaara.

Mariko 6:33

Nawe omwanya gunu bhaariga nibhagenda, abhaanu bhaafu nibhabharora na okusombookerwa ati ni bhaaga. Abhaanu bharya aamwi na abhandi okusooka mu‑misi myafu nibhabhabhirimira, nibhabhatangatira okukinga anu bhaariga nibhaja.

Yowana 11:47

Mbe, abhakuru bha abhagabhisi na Abhafarisaayo nibhabhirikirana okwinyanja echinyanjo cha ribharaja rikuru rya Abhayawudi, nibhabhuusyanya ati, “Chikore kutiki? Okubha omuunu unu kaakora ebhibharikisyo bhyafu.

Yowana 12:18

Kurwa ejo, abhaanu bhaafu ꞉bhoonguuwe emisango ja echibharikisyo chinu ꞉aakorere, nikwo okukora ꞉bhaasookere Yerusareemu nibhagenda okumuramira.

Yowana 12:37

Noorwo kutyo Yeesu ꞉aakorere ebhibharikisyo bhyafu imbere yeebhwe, nawe abhaanu bhaafu ꞉bhataamwikirisiisye.

Yowana 2:11

Yeesu ꞉aakorere echibharikisyo echo mu‑musi gwa Kaana mu‑mukoowa gwa Gariraaya. Echo nicho echibharikisyo cha okwamba chinu ꞉aakorere okweresya rikusyo ryaye, na abheeyigisibhwa bhaaye nibhamwikirisya.

Yowana 2:23

Omwanya gunu Yeesu aariga ari Yerusareemu mu‑chikukuru ya Okwambuka, abhaanu bhaafu ꞉bhaamwikirisiisye, kwa okubha ꞉bhaarorere ebhibharikisyo bhinu aariga ˆnaakora.

Yowana 20:30

Yeesu ꞉aakorere ebhibharikisyo ebhindi bhyafu bhinu abheeyigisibhwa bhaaye ꞉bhaarorere, na bhitakaamirwe mu‑chitabho chinu.

Yowana 3:2

Rusuku rumwi mu‑ngeta, Nikodeemu ˆnaagenda ku‑Yeesu, ˆnaamubhwira ati, “Omwiyigisya, chimenyere ati awe ni mwiyigisya unu utumirwe na Nyamuwanga, kwa okubha atari‑wo omuunu unu kaatura okukora ebhibharikisyo bhinu owukora, araabha Nyamuwanga atari aamwi nage.”

Yowana 6:14

Abhaanu abho bhejire bhaarora echibharikisyo chinu Yeesu ꞉aakorere, nibhaayika ati, “Chimari omuunu unu ni muragi wa Nyamuwanga unu chaariga nichiiyikanya ati ariija ku‑chaaro kunu.”

Yowana 6:22

Mwejo yende‑ko, echise cha abhaanu bhanu ꞉bhaasigaaye ku‑ngego eyindi ya inyanja, nibhamenya ati rigoro yaariga iri‑wo ingama imwi era awo. Ka wone, ꞉bhaamenyere ati Yeesu ꞉ataagendere orugendo rumwi na abheeyigisibhwa bhaaye, tari bheeyigisibhwa bhaaye ꞉bhaagendere bheenyere.

Yowana 6:26

Yeesu ˆnaabhasubhya ati, “Ni chimari enibhabhwira ati, omunyenja kwa okubha ꞉naabhayaaye emikaate, nimurya na okwiguta, jitari ku‑songa ya okwenda okusombookerwa obhugajuro bhwa ebhibharikisyo bhinu ꞉naakorere.

Yowana 6:30

Abheene nibhamubhuusya ati, “Owuja okukora echibharikisyo ki, korereki chichirore na okukwikirisya? Owuja okukora chiinu ki?