Yowana 6:14 - Indagano Inyaaya mu-Chijita

¹⁴ Abhaanu abho bhejire bhaarora echibharikisyo chinu Yeesu ꞉aakorere, nibhaayika ati, “Chimari omuunu unu ni muragi wa Nyamuwanga unu chaariga nichiiyikanya ati ariija ku‑chaaro kunu.”

INDAGANO INYA:YA

¹⁴ Mbe aba:nu wejire barora ecibarikisyo cinu akorere, niba:ika ati, Ni cimari unu niwe omuragi unu ka:ja mu:si.

Yowana 6:14 ပူးပေါင်းရင်းမြစ်များ

Matayo 11:3

“Angu, naawe unu kaaja, tere chirindirire owundi?”

Matayo 21:11

Abhaanu abhandi mu‑chise echo nibhabhasubhya ati, “Unu ni Yeesu! Ni muragi urya wa Najareeti wa mu‑mukoowa gwa Gariraaya!”

Ruuka 24:19

Omwene ˆnaabhuusya ati, “Misango ki ejo?” Nibhamusubhya ati, “Eswe echisimura emisango jinu jaamaakorekana ku‑Yeesu wa Najareeti. Abhaanu bhoone noorwo Nyamuwanga, bhaamaarora ati Yeesu ni muragi owa obhuturo, kwa okubha emisango jinu aariga ˆnaakora na ameeyigisyo gaaye bhyariga bhiri na obhuturo muno.

Ruuka 7:16

Abhaanu abho bhoone, nibharuguura muno, nibhaamba okukusya Nyamuwanga, nibhaayikaga ati, “Omuragi omukuru unu eebhuka okusooka mw‑iswe!” Nibhaayika rindi ati, “Nyamuwanga aaja okusakira eswe abhaanu bhaaye!”

Yowana 1:21

Nibhamubhuusya rindi ati, “Woori naawe ga? Angu, naawe omuragi Yeeriya?” Omwene ˆnaabhasubhya rindi ati, “Wuri, anye nitari muragi Yeeriya.” Abheene nibhamubhuusya rindi ati, “Angu, naawe omuragi unu echirindirira okusooka ku‑Nyamuwanga?” Yowana ˆnaabhasubhya ati, “Wuri, nitari anye.”

Yowana 11:27

Maarita ˆnaamusubhya ati, “Raatabhugenyi, eniikirisya chimari ati naawe Kirisito, Omwana wa Nyamuwanga, unu eenderwe aaje ku‑chaaro kunu.”

Yowana 2:11

Yeesu ꞉aakorere echibharikisyo echo mu‑musi gwa Kaana mu‑mukoowa gwa Gariraaya. Echo nicho echibharikisyo cha okwamba chinu ꞉aakorere okweresya rikusyo ryaye, na abheeyigisibhwa bhaaye nibhamwikirisya.

Yowana 4:19

Omugasi oyo, ˆnaamubhwira ati, “Mwami, enirora ati, awe uri muragi.

Yowana 4:25

Omugasi oyo ˆnaabhwira Yeesu ati, “Nimenyere ati Masiya kaaja, unu kaatogwa ati Kirisito. Ka wone nimenyere ati, omwanya gunu ariija, arichibhwira emisango joone.”

Yowana 4:42

Nibhabhwira omugasi oyo ati, “Woori cheekirisya omuunu unu jitari ku‑misango jinu waachibhwira. Tari kwa okubha eswe abheene cheeyungwirwa emisango jinu kaayika. Woori chimenyere chimari ati, omuunu unu niwe Omuchungusi wa echaaro.”

Yowana 6:2

Echise echinene cha abhaanu chaariga nichiruubha Yeesu, kwa okubha chaariga chaarorere ebhibharikisyo bhya okuwosya abharwaye bhinu aariga ˆnaakora.

Yowana 6:26

Yeesu ˆnaabhasubhya ati, “Ni chimari enibhabhwira ati, omunyenja kwa okubha ꞉naabhayaaye emikaate, nimurya na okwiguta, jitari ku‑songa ya okwenda okusombookerwa obhugajuro bhwa ebhibharikisyo bhinu ꞉naakorere.

Yowana 6:30

Abheene nibhamubhuusya ati, “Owuja okukora echibharikisyo ki, korereki chichirore na okukwikirisya? Owuja okukora chiinu ki?

Yowana 7:40

Abhaanu abhandi mu‑chise omwo bhejire bhoongwa emisango ejo, nibhaayika ati, “Chimari, omuunu unu niwe omuragi unu echirindirira okusooka ku‑Nyamuwanga.”

Ebikorwa 7:37

Muusa niwe uryaurya ꞉aabhwiriiye Abhayisirayeeri abho ati, ‘Okusooka mu‑bhayiri bheemwe Nyamuwanga aribheenamusisya omuragi rwa anye.’