Yowana 5:39 - Indagano Inyaaya mu-Chijita

³⁹ “Omwikomeesya okuyenjeresya mu‑Bhikaame Ebhyeru, kwa okubha omwitogera ati omutura okubhona‑mo obhuwanga bhwa kajaanende koone. Mbe woori, Ebhikaame ebhyo nibhyo ebhimbambaarira anye!

INDAGANO INYA:YA

³⁹ Omuyenja mu binu byandikirwe, okuba omwiganirisya ati, mwibyo muri na obuanga bunu butakuwao. Ebyo nibyo ebinyimako anye.

Yowana 5:39 ပူးပေါင်းရင်းမြစ်များ

Matayo 22:29

Yeesu ˆnaabhasubhya ati, “Emwe omubhura muno, kwa okubha mutakumenya jinu jikaamirwe mu‑Bhikaame Ebhyeru, ka wone mutakumenya obhuturo bhwa Nyamuwanga kutyo bhuri.

Mariko 10:3

Yeesu ˆnaabhasubhya ati, “Muusa ꞉aaragiriiye echiraagiro ki?”

Mariko 12:10

Kasi, muchaariga okusoma jinu jikaamirwe mu‑Bhikaame Ebhyeru bhinu? Jikaamirwe ati, ‘Ribhuyi rinu abhoombaki ꞉bhaaremere, niryo ryabha ribhuyi rinene rya orufuka.

Ruuka 16:29

“Bhurayimu ˆnaamusubhya ati, ‘Abhamura bhaanyu, bhari na ebhikaame bhinu bhikaamirwe na Muusa na abharagi. Bhategeresye ebhikaame ebhyo!’

Ruuka 16:31

Bhurayimu ˆnaamusubhya ati, ‘Araabha abhamura bhaanyu abho, bhaakarema okuungwa emisango jinu jikaamirwe na Muusa na abharagi abhandi, bhatakuja okuungwa omuunu noorwo akasuuruka okusooka mu‑bhafuuwe.’”

Ruuka 24:25

Yeesu ˆnaabhabhwira ati, “Abhataamutaamu emwe! Kurwa ki emyoyo jeemwe ni mikomeeye okwikirisya emisango jinu ꞉jaayikirwe na abharagi?

Ruuka 24:27

Niwo, Yeesu ˆnaabhatondera emisango joone jinu jikaamirwe inguru yaaye, okwambira mu‑bhikaame bhya Muusa okukingira mu‑bhikaame bhya abharagi bhoone.

Ruuka 24:44

Ejire aamara okurya, ˆnaabhabhwira ati, “Emisango jinu nijo ꞉naabhabhwiriiye omwanya gunu naariga niri aamwi na emwe. ꞉Naabhabhwiriiye ati, ni bhusibhusi jikuumire joone jinu jikaamirwe inguru yaani mu‑bhiraagiro bhya Muusa, ku‑bharagi na mu‑Jabhuri.”

Yowana 1:45

Mbe, Firipo ˆnaabhona Natanayeri, ˆnaamubhwira ati, “Eswe chaarora omuunu unu Muusa ꞉aakaamire emisango jaaye mu‑chitabho cha ebhiraagiro. Abharagi wone ꞉bhaakaamire emisango inguru ya omuunu oyo. Risiina ryaye ni Yeesu wa Najareeti, omwana wa Jejefu.”

Yowana 5:32

Nawe ari‑wo omubhambaasi owundi unu kaasoosya kw‑imwe obhubhambaasi inguru yaani, niwe Raata. Anye nimenyere ati, obhubhambaasi bhwaye ni bhwa chimari.

Yowana 5:36

Nawe obhubhambaasi bhunu anye niri nabhwo ni bhunene okukira bhwa Yowana bhurya, kwa okubha emirimu jinu Raata ꞉aanaaye okukuumisya, nijo ejeeresya ati, Raata niwe ꞉aantumire.

Yowana 5:40

Nawe mutakwenda okuuja kw‑anye, korereki mubhone obhuwanga bhwa kajaanende koone.

Yowana 5:46

Araabha chimari mukeekirisiisye emisango ja Muusa, mbe anye wone mwakanyiikirisiisye, kwa okubha Muusa ꞉aakaamire emisango inguru yaani.

Yowana 7:52

Abheene nibhasubhya Nikodeemu ati, “Si, noorwo awe wone usookere Gariraaya? Genda utatirisye kisi mu‑Bhikaame Ebhyeru, owuja okusombookerwa ati, atari‑wo omuragi unu kaasookerera mu‑mukoowa gwa Gariraaya.”

Ebikorwa 13:27

Okubha abhaanu bha Yerusareemu na abhakuru bheebhwe ꞉bhataamenyere ati Yeesu niwe Omuchungusi, nibhamuramura eetwe. Kwa okukora kutyo, ꞉bhaakuumisiisye emisango jinu jikaamirwe inguru yaaye mu‑bhitabho bhya abharagi, na nijo jaasomwaga bhuri rusuku rwa Isabhaato.

Ebikorwa 17:11

Abhaanu bha Bherooya awo, bhaariga bhari na obhutinge bhwa kisi okukira abha Tesaroonike. Nibhakora Pawuro, abharaasisye omusango gwa Nyamuwanga, nibhaguramira kwa amanaga goone. Bhaaringiraga mu‑Bhikaame Ebhyeru bhuri rusuku, korereki bhamenye ati ejo aayikaga Pawuro ni ja echimari.

Ebikorwa 26:27

Mukama Agiriipa awe, owujiikirisya jinu ꞉jaayikirwe na abharagi? Anye enimenya ati owujiikirisya.”

Barumi 1:2

Emisango ja Ekisi ejo, nijo jinu Nyamuwanga ꞉aaragire okwambira kara, okutura ku‑bharagi bhaaye bhanu ꞉bhaakaamire Ebhikaame Ebhyeru.

Barumi 3:2

Ni chimari ati, okubha Omuyawudi kuri‑mo omuriiro mwafu. Omusango gwa okwamba ni ati, Nyamuwanga ꞉aayaaye Abhayawudi emisango jaaye.

Bakolosai 3:16

Omusango gwa Kirisito gwikare kwa obhwafu mu‑myoyo jeemwe, keenu nimwiyigisyanya na okukengyanya mu‑bhwengeeso bhwone. Mwimbire Nyamuwanga kwa emyoyo jeemwe na okumusiima, okutura mu‑jabhuri, mu‑nyimbo na jinyimbo ja echinyamwoyo.

Baeburania 11:16

Nawe abhaanu abho bhaariga nibheesigomba echaaro cha ekisi muno, nikwo okwayika ati echaaro cha mu‑rwire. Niyo isonga Nyamuwanga atakurora jiswaro okubhirikirwa ati Nyamuwanga weebhwe, okubha abheeraabhiiye omusi.

Baeburania 11:35

Eriikirisya niryo ꞉ryakorere abhagasi abharebhe nibharamira rindi abhayiri bheebhwe bhanu bhaariga bhaafuuwe, nawe nibhasuuruka. Abhandi bhawutaasiibhwe muno na okwitwa. ꞉Bhateekirisiisye okusuruumurwa, kwa okubha bhaariga nibheeyikanya ati Nyamuwanga aakabhasuuruuye, korereki bhabhone obhurame bhwa ekisi muno.

Obhusweruro 19:10

Niwo ningwa bhwifumbike ku‑maguru ga maraayika oyo, korereki nimuramye. Nawe omwene, ˆnaambwira ati, “Siga okukora kutyo! Anye niri omukosi weejaanyu aamwi na abhayiri bhaanyu mu‑riikirisya, bhanu abhasoosya obhubhambaasi bhwa emisango ja Yeesu. Ramya Nyamuwanga omwene era! Okubha okusoosya obhubhambaasi bhwa emisango ja Yeesu nibhwo obhwambiro bhwa obhuragi.”