Yowana 5:26 - Indagano Inyaaya mu-Chijita

²⁶ Rwa kutyo Raata ari bhusimukwa bhwa obhuwanga bhwa akajaanende koone, nikwo kutyo wone akorere Omwana waaye okubha obhusimukwa bhwa obhuwanga obhwo.

INDAGANO INYA:YA

²⁶ Okuba rwa Rata kutyo arimo buanga, nikwo kutyo amuyae Omwana one okubamo obuanga.

Yowana 5:26 ပူးပေါင်းရင်းမြစ်များ

Yowana 1:4

Musango oyo niwe obhusimukwa bhwa obhuwanga bhwone, na obhuwanga obhwo obhureeta obhweru ku‑bhaanu.

Yowana 10:18

Atari‑wo omuunu unu kaatura okunsoosisya‑wo obhuwanga bhwani. Anye omwene naanye enibhusoosya‑wo. Niri na obhuturo bhwa okubhusoosya‑wo, ka wone niri na obhuturo bhwa okubhuramira rindi. Nikwo kutyo Raata waani ꞉aandagiriiye okukora.”

Yowana 11:25

Yeesu ˆnaamusubhya ati, “Anye naanye obhusuuruko, ka wone naanye obhuwanga. Omuunu unu kaanyikirisya anye, noorwo araabha aakafwa, aribha omuwanga.

Yowana 11:26

Ka wone omuunu woonewoone unu ari muwanga na kaanyikirisya anye, atarifwa wuri noorwo na akatyari. Angu, owikirisya emisango ejo?”

Yowana 14:19

Guchaari mwanya mufuyi era abhaanu bha ku‑chaaro kunu bhatarindora. Nawe emwe murindora kwa okubha anye enirama, emwe wone murirama.

Yowana 14:6

Yeesu ˆnaamusubhya ati, “Anye naanye injira, echimari, na obhuwanga. Atari‑wo omuunu woonewoone unu kaatura okuuja ku‑Raata araabha ataturire kw‑anye.

Yowana 4:10

Yeesu ˆnaamusubhya ati, “Araabha ukabheeye nuumenya echiyaanwa cha Nyamuwanga, na unu kaakusabhwa amanji ga okunywa, waakamusabhirwe, na omwene aakakuyaaye amanji ganu agasoosya obhuwanga.”

Yowana 6:57

Raata omuwanga ꞉aantumire, anye wone enibhona obhuwanga okusooka ku‑mwene. Nyabhuriko, omuunu woonewoone unu kaandya, kaabhona obhuwanga okusooka kw‑anye.

Yowana 8:51

Ni chimari enibhabhwira ati, omuunu woonewoone unu kaagayuka ameeyigisyo gaani, atarifwa wuri.”

Ebikorwa 17:25

Niwe kaayaana abhaanu bhoone obhurame, obhuwanga na ebhiinu ebhindi bhyone. Atakukorerwa na amabhoko ga abhaanu, wuti keenda choonechoone.

1 Bakorinto 15:45

Mu‑Bhikaame Ebhyeru jikaamirwe ati, “Omuunu wa okwamba, Adaamu, ꞉aabhumbirwe ˆnaabha omuunu omuwanga,” nawe Adaamu wa obhuteero, Kirisito, niwe Mwoyo unu kaayaana abhaanu obhuwanga.

1 Timoteo 1:17

Nyamuwanga niwe omukama unu atari na obhuteero, atakufwa na atakubhonekana, atari‑wo owundi rwa omwene. Omwene ayaanwe echibharo na rikusyo akajaanende koone. Jibhe kutyo.

1 Timoteo 6:16

Nyamuwanga era, niwe atakufwa, eenyanjire mu‑bhweru bhunu omuunu woonewoone atakutura okubhufogera‑ko. Ka wone, atari‑wo omuunu unu aramurorere, noorwo unu kaatura okumurora. Echibharo na obhuturo ari nabhyo omwene, akajaanende koone. Jibhe kutyo.

Baeburania 1:2

Nawe mu‑siku jinu ja obhuteero, Nyamuwanga aayika na eswe okutura ku‑Mwana waaye. Nyamuwanga ꞉aamuteeye‑wo abhe omwanjusi wa ebhiinu bhyone, ka wone okutura ku‑mwene oyo, Nyamuwanga ꞉aabhumbire echaaro choone.

Obhusweruro 21:6

ˆNaambwira rindi ati, “Jakuumiiye! Anye naanye Obhwambiro na Obhuteero, anye naanye unu enaambisya emisango joone na okujikuumisya. Bhuri muunu unu ari na obhwiro bhwa amanji, nirimuyaana amanji ga okunywa okusooka mu‑mimiro ja amanji ganu agasoosya obhuwanga, atagurire wuri.

Obhusweruro 22:1

Neeya maraayika urya ˆnaanyeeresya omusima gwa amanji ganu agasoosya obhuwanga. Omusima ogwo gwariga nigubharangirya rwa rirore na gwariga niguwurura okusooka mw‑ifuufu rya echitebhe cha ingʼoma cha Nyamuwanga na Omwana wa Inaama.

Obhusweruro 22:17

Mwoyo wa Nyamuwanga na omwenga wa Omwana wa Inaama abhabhirikira Raatabhugenyi Yeesu, nibhaayika ati, “Iija!” Abhaanu bhoone wone bhanu bharyungwa emisango ejo bhaayike ati, “Iija!” Woonewoone unu ari na obhwiro, aaje anywe amanji ganu agasoosya obhuwanga, atagurire wuri.

Obhusweruro 7:17

Okubha, Omwana wa Inaama unu ari yeeyi na echitebhe cha ingʼoma aribha omureefi weebhwe. Aribhatangasya bhoone okuja ku‑mimiro ja amanji ganu agasoosya obhuwanga akajaanende koone. Nyamuwanga omwene aribheeya amasiga geebhwe goone.”