Yowana 5:25 - Indagano Inyaaya mu-Chijita

²⁵ Ni chimari enibhabhwira ati, omwanya oguuja, ka wone gwakingire, gunu abhafuuwe bharyungwa obhuraka bhwa Omwana wa Nyamuwanga. Niwo abhaanu bhanu bharibhaga nibhamutegeresya, bharibhaga na obhuwanga bhwa akajaanende koone.

INDAGANO INYA:YA

²⁵ Ni cimari cimari enibabwira ati, Omwanya ogu:ja na wori one gurio runu abafu:ye runu baryungwa riraka ryo Mwana wa Nyamuanga, na banu bariryungwa bariba baanga.

Yowana 5:25 ပူးပေါင်းရင်းမြစ်များ

Ruuka 15:24

kwa okubha omwana waani unu, aariga afuuwe, woori anu aasuuruka. Aariga abhurire, woori anu aabhonekana rindi!’ Mbe, bhoone nibhaamba okusandabha.

Ruuka 15:32

Nawe omutooto waawo unu, jeenderwe chimukorere obhugenyi, chikonderwe na okusandabha aamwi. Okubha aariga ari wuti afuuwe, woori anu aasuuruka. Aariga abhurire, woori anu, aabhonekana rindi!’”

Ruuka 9:60

Nawe Yeesu ˆnaamusubhya ati, “Siga bhanu bhafuuwe echinyamwoyo bhasiike abhafuuwe bheebhwe. Nawe awe, genda uraasisye abhaanu emisango inguru ya obhukama bhwa Nyamuwanga.”

Yowana 13:1

Mbe bhunu ichikukuru ya Okwambuka yaariga ichaari kukinga, Yeesu ꞉aasombookeeywe ati, omwanya gwaye gwa okusooka ku‑chaaro kunu okusubha kw‑Isemwene gwakinga. Yeesu aariga eendere abhaanu bhaaye bha ku‑chaaro kunu, ka wone ꞉aabheendere muno okukingira okufwa kwaye.

Yowana 17:1

Yeesu ejire aamara okwayika ejo joone, ˆnaaragamira ku‑rwire, ˆnaasabhwa ati, “Raata, omwanya gwakinga. Yeeresya abhaanu rikusyo ryani anye Omwana waawo, korereki anye wone nibheeresye rikusyo ryawo kutyo riri.

Yowana 4:21

Yeesu ˆnaamusubhya ati, “Maayi, nuunyiikirisye, omwanya guriija gunu mutariramya Raata Nyamuwanga ku‑chiima chinu amwi mu‑Yerusareemu erya.

Yowana 4:23

Omwanya oguuja, ka wone, gwakingire, gunu abhaanu bhanu abheenda okuramya Raata Nyamuwanga mu‑chimari, bharimuramyaga kwa Mwoyo na echimari. Raata Nyamuwanga keenda abhaanu rwa abho, nibho bhabhega nibhamuramya.

Yowana 5:21

Rwa kutyo Raata kaasuurura abhafuuwe na okubhayaana obhuwanga, nikwo kutyo Omwana wone kaayaana obhuwanga bhwa akajaanende koone abhaanu bhanu omwene keenda ayaane.

Yowana 5:28

Mwasiga okuruguura inguru ya emisango ejo! Omwanya oguuja gunu abhafuuwe bhoone bharyungwa obhuraka bhwa Omwana wa Omuunu,

Yowana 6:60

Abhaanu bhaafu mu‑bheeyigisibhwa bhaaye bhejire bhoongwa emisango ejo, nibhaayika ati, “Emisango jinu ni mikomeeye turuturu! Niga unu kaatura okujiikirisya?”

Yowana 8:43

Kurwa ki mutakusombookerwa jinu enaayika? Mutakutura okujisombookerwa kwa okubha mutakwenda okutegeresya emisango jinu enibhabhwira.

Yowana 8:47

Omuunu woonewoone wa Nyamuwanga, oyo kaategeresya emisango jaaye. Emwe mutakutegeresya jinu Nyamuwanga kaayika, kwa okubha mutari bhaanu bhaaye.”

Yowana 9:27

Omwene ˆnaabhasubhya ati, “Naabhabhwiriiye emisango ejo, nawe mutaantegeresya. Kurwa ki woori omwenda nibhabhwire rindi? Angu, emwe wone omwenda okubha abheeyigisibhwa bhaaye?”

Barumi 6:4

Omwanya gunu ꞉chaabhatiijiibhwe, chaariga wuti chifuuwe na okusiikwa aamwi nage, korereki rwa kutyo Kirisito ꞉aasuuruuywe okusooka mu‑bhafuuwe ku‑managa maafu ga Raata Nyamuwanga, nyabhuriko, noorwo eswe chiture okurama obhurame obhuyaaya.

Baefeso 2:1

Emwe mwariga mufuuwe echinyamwoyo, inguru ya bhunyatagayuka bhwemwe na ebhibhiibhi bhyemwe.

Baefeso 2:5

꞉aachiyaaye obhuwanga aamwi na Kirisito. ꞉Aakorere kutyo, noorwo kutyo chaariga chifuuwe echinyamwoyo inguru ya ebhibhiibhi bhyeswe. Nikwo kutyo chichunguuywe kwa obhwitiriranya bhwaye.

Baefeso 5:14

Nikwo okukora ejaayikwa ati, “Rafya awe, unu uwongeeye. Usuuruke okusooka mu‑bhafuuwe, Kirisito arikungʼarabhisya obhweru.”

Bakolosai 2:13

Muchaari okwikirisya Kirisito, mwariga mufuuwe inguru ya ebhibhiibhi bhyemwe, ka wone ꞉mutatenderwe bhumuunu bhwemwe bhwa ebhibhiibhi. Nawe Nyamuwanga ꞉aabhayaaye obhuwanga aamwi na Kirisito na ꞉aachifwiriiye echigongo ebhibhiibhi bhyeswe bhyone.

Obhusweruro 3:1

Niwo omuunu oyo ˆnaagenderera okwayika, ˆnaambwiraga ati, “Ukaamire maraayika wa mw‑ikanisa rya Sariidi kutya, Anye, naanye nitungire emyoyo etaanu na ebhiri ja Nyamuwanga na niri na jinjota etaanu na ebhiri jirya. Mutegeresye jinu enibhabhwira! Enimenya ebhikorwa bhyemwe. Muri na jikuma ja okubha abhaanga echinyamwoyo, keenu mufuuwe.