Yowana 5:23 - Indagano Inyaaya mu-Chijita

²³ Raata ꞉aakorere kutyo, korereki abhaanu bhoone bhayaane Omwana echibharo rwa kutyo abhayaana Esemwene echibharo. Omuunu woonewoone unu atakuyaana Omwana echibharo, oyo atakuyaana echibharo Raata unu ꞉aamutumire.

INDAGANO INYA:YA

²³ Korereki bo:ne bayanega Omwana ecibaro, rwa kutyo abayana Rata ecibaro. Unu atakuyana Omwana ecibaro, atakuyana ecibaro Rata unu amutumire.

Yowana 5:23 ပူးပေါင်းရင်းမြစ်များ

Matayo 10:37

Omuunu woonewoone unu keenda esemwene amwi nyiramwene okukira anye, oyo ateeyire okubha omwiyigisibhwa waani. Ka wone, omuunu woonewoone unu keenda omwana waaye amwi omuyaasya waaye okukira anye, oyo wone ateeyire okubha omwiyigisibhwa waani.

Matayo 11:27

Neeya Yeesu ˆnaabhwira abhaanu ati, “Raata waani anaaye bhyone. Atari‑wo omuunu unu kaamenya kutyo anye Omwana wa Nyamuwanga niri, tari Raata wenyere. Ka wone, atari‑wo omuunu unu kaamenya Raata kutyo ari, tari anye Omwana waaye era, na bhuri muunu unu Omwana waaye keenda okumuswerurira.

Matayo 12:21

Ka wone, abhaanu bha amaanga goone, bharimwiyikanya omwene era.”

Matayo 15:8

‘Nyamuwanga kaayika ati, Abhaanu bhanu abhanaana echibharo kwa emisango era, nawe emyoyo jeebhwe jiri kura na anye.

Matayo 28:19

Mbe, mugende ku‑bhaanu bha amaanga goone mubhakore okubha abheeyigisibhwa bhaani. Mugende mukore kutyo kwa okubhabhatiija kw‑isiina rya Raata, na erya Omwana na erya Mwoyo Mweru,

Ruuka 10:16

Niwo, Yeesu ˆnaabhabhwira abharuubhirisya bharya ati, “Omuunu unu kaabhategeresya emwe, kaategeresya anye. Omuunu unu kaabharema emwe, noorwo anye wone kaandema. Omuunu unu kaandema anye, kaarema noorwo unu ꞉aantumire.”

Yowana 14:1

Yeesu ˆnaagenderera okwiyigisya ˆnaayika ati, “Musige okusurumbara mu‑myoyo jeemwe, mwikirisye Nyamuwanga, ka wone munyiikirisye na anye.

Yowana 16:14

Mwoyo oyo aribhaga ˆnaabheeresya rikusyo ryani, kwa okubha aribhabhwira joone jinu aryungwaga okusooka kw‑anye.

Yowana 17:10

Abhaanu bhaani bhoone ni bhaawo, ka wone abhaanu bhaawo bhoone ni bhaani. Rikusyo ryani risweruuywe okutura ku‑bheene.

Barumi 1:7

Enibhakaamira emwe abheekirisya bhoone bhanu muri Ruumi eyo. Nyamuwanga kaabheenda muno, na abhabhirikiiye, korereki mubhe abhaanu bhaaye abheeru. Obhwitiriranya na omurembe okusooka ku‑Nyamuwanga Raata weeswe, na ku‑Raatabhugenyi Yeesu Kirisito, bhibhe aamwi na emwe.

Barumi 15:12

Noorwo omuragi Iisaya wone ꞉aayikire ati, “Omuunu umwi okusooka mu‑rwibhuro rwa Yeese ariija, aritunga amaanga goone. Abhaanu bha amaanga goone, bhariiyikanya ati, omwene aribhachungura.”

Barumi 6:22

Woori musuruumuuywe na Nyamuwanga okusooka mu‑bhugaya bhwemwe bhwa echibhiibhi. Ka wone, abhakorere okubha abhakosi bhaaye, na okuruubhana na ejo mubhwene omuriiro. Omuriiro ogwo ni kukorera emirimu Nyamuwanga kwa omwoyo gwone na ku‑bhuteero ni kuramira obhuwanga bhwa akajaanende koone.

Barumi 8:9

Nawe emwe woori, mutakutangasibhwa na obhusimukwa bhwemwe bhwa echibhiibhi, tari mutangasibhwa na Mwoyo wa Nyamuwanga, kwa okubha eekaaye mu‑myoyo jeemwe. Omuunu woonewoone unu atari na Mwoyo wa Kirisito, oyo atari muunu wa Kirisito.

1 Bakorinto 1:3

Obhwitiriranya na omurembe okusooka ku‑Nyamuwanga Raata weeswe, na ku‑Raatabhugenyi Yeesu Kirisito, bhibhe aamwi na emwe.

1 Bakorinto 10:31

Mbe woori, gwonegwone gunu omukora, kubhe ni kurya, kubhe ni kunywa, amwi noorwo omusango ogundi, mugukorega inguru ya okukusya Nyamuwanga.

1 Bakorinto 16:22

Omuunu woonewoone unu atakwenda Raatabhugenyi Yeesu, eeyiimwe. Raatabhugenyi weeswe iija!

1 Bakorinto 6:19

Mutakumenya ati, emibhiri jeemwe nijo riyekaru rya Mwoyo Mweru unu Nyamuwanga ꞉aabhayaaye, ka wone Mwoyo Mweru eekaaye mu‑myoyo jeemwe? Kutyo, emibhiri ejo jitari jeemwe, tari ni ja Nyamuwanga,

2 Bakorinto 1:9

Chimari ꞉cheeyunguuwe wuti chiramuuywe okwitwa. Ogwo ꞉gwakorekeene, korereki chaasiga okwiyikanya amanaga geeswe, tari chiiyikanye Nyamuwanga, unu kaasuurura abhafuuwe.

2 Bakorinto 5:14

Eryenda rya Kirisito erichisinyiirisya, okubha chimenyere ati omuunu umwi ꞉aafuuwe inguru ya abhaanu bhoone, obhugajuro bhwagwo ni ati, abhaanu bhoone ꞉bhaafuuwe.

2 Bakorinto 5:19

Nikwo okwayika ati, okutura ku‑Kirisito, Nyamuwanga aariga ˆnaagwatanya abhaanu ku‑mwene okubhabharira ebhibhiibhi bhyebhwe wuri. Eswe wone chiyaaywe emirimu ja okuraasisya abhaanu emisango ja obhugwatanyi obhwo.

Baefeso 6:24

Obhwitiriranya bhubhe na abhaanu bhoone bhanu abheenda Raatabhugenyi weeswe Yeesu Kirisito mu‑ryenda rinu ritari na obhuteero.

2 Timoteo 1:12

Anye eninyaaka inguru ya ejo. Nawe nitakwiswara, okubha enimumenya unu niikirisiisye. Ka wone enimenya ati, echimari chinu ꞉aanaaye, kaachibhiika kisi okukingira orusuku rwa okusubha kwaye.

Baeburania 1:6

Ka wone, omwanya gunu Nyamuwanga ꞉aatumire Omwana waaye wenyere ku‑chaaro anu, ꞉aayikire ati, “Bhamaraayika bhoone bha Nyamuwanga bharamye Omwana oyo.”

2 Petero 1:1

Inyarubha inu niikaamire anye Simooni Peetero, omukosi na itumwa ya Yeesu Kirisito. Enikaamira emwe bhanu muyaaywe eriikirisya riryarirya rya obhurambu rinu eswe wone chibhwene, okutura rirenga rya Nyamuwanga na Omuchungusi weeswe Yeesu Kirisito.

2 Petero 3:18

Tari mugenderere okukura mu‑bhwitiriranya bhwa Raatabhugenyi na Omuchungusi weeswe Yeesu Kirisito, na mu‑kumumenya. Omwene akusibhwe, woori na akajaanende koone. Jibhe kutyo.

1 Yoana 2:23

Omuunu woonewoone unu kaarema Omwana wa Nyamuwanga, atari na obhumwi na Raata Nyamuwanga. Nawe, unu keekirisya Omwana, imbere ya abhaanu, kaabha na obhumwi na Raata Nyamuwanga wone.

2 Yoana 1:9

Omuunu woonewoone unu atakugenderera okuruubha ameeyigisyo ga Kirisito, ka wone kaagayindura, oyo atari na obhumwi na Nyamuwanga. Nawe, unu kaagenderera okugaruubha, oyo ari na obhumwi na Raata Nyamuwanga na Omwana waaye wone.