Yowana 5:22 - Indagano Inyaaya mu-Chijita

²² Raata atakuramura omuunu woonewoone, tari ayaaye Omwana waaye obhuturo bhwone bhwa okuramura abhaanu.

INDAGANO INYA:YA

²² Okuba Rata atakuramura omu:nu nawe ayae Omwana okuramura kwone,

Yowana 5:22 ပူးပေါင်းရင်းမြစ်များ

Matayo 11:27

Neeya Yeesu ˆnaabhwira abhaanu ati, “Raata waani anaaye bhyone. Atari‑wo omuunu unu kaamenya kutyo anye Omwana wa Nyamuwanga niri, tari Raata wenyere. Ka wone, atari‑wo omuunu unu kaamenya Raata kutyo ari, tari anye Omwana waaye era, na bhuri muunu unu Omwana waaye keenda okumuswerurira.

Matayo 16:27

Okubha anye Omwana wa Omuunu, niriija aamwi na bhamaraayika bhaani mw‑ikusyo rya Raata waani. Niwo niririya bhuri muunu okuruubhana na ebhikorwa bhyaye.

Matayo 28:18

Mbe, Yeesu ˆnaabhafogera‑ko, ˆnaabhabhwira ati, “Nyamuwanga anaaye obhuturo bhwone bhwa mu‑rwire na obhwa ku‑chaaro.

Yowana 17:2

Unaaye obhuturo bhwa okutangasya abhaanu bhoone, korereki nibhayaane obhuwanga bhwa akajaanende bhoone bhanu unaaye.

Yowana 3:35

Raata Nyamuwanga eendere Omwana waaye, ka wone amuyaaye obhuturo inguru ya ebhiinu bhyone.

Yowana 5:27

Ka wone, ayaaye Omwana waaye obhuturo bhwa okuramura abhaanu, kwa okubha niwe Omwana wa Omuunu.

Yowana 9:39

Mbe, Yeesu ˆnaayika ati, “Anye ꞉neejire ku‑chaaro anu okuramura, korereki abhawofu bharore, na bhanu abharora, bhabhe abhawofu.”

Ebikorwa 10:42

ˆNaachiragirira okwiyigisya abhaanu Emisango ja Ekisi, na okusoosya obhubhambaasi ati omwene niwe ꞉aasorerwe na Nyamuwanga, aramure bhoone, abhaanga na abhafuuwe.

Ebikorwa 17:31

Kurwa ejo ꞉aateeye‑wo orusuku runu ariramura abhaanu bhoone kwa echimari, ku‑njira ya omusorwa waaye. ꞉Eeresiisye abhaanu bhoone echimari cha ejo kwa okumusuurura omuunu oyo okusooka mu‑bhafuuwe.”

Barumi 2:16

Nikwo kutyo jiribha ku‑rusuku rwa indamu. Nyamuwanga ariramura abhaanu okutura ku‑Kirisito Yeesu, noorwo emisango jeebhwe ja imbisike, rwa kutyo ejaayika Emisango ja Ekisi jinu eniraasya.

2 Bakorinto 5:10

Nikwo kutyo, kwa okubha eswe bhoone chiriimereeguru imbere ya echitebhe cha indamu cha Kirisito, korereki bhuri umwi, ayaanwe omuyeero okuruubhana na kutyo ꞉aakorere ku‑chaaro kunu, jibhe ja kisi amwi mibhiibhi.

2 Timoteo 4:1

Enikuragirira jinu imbere ya Nyamuwanga na imbere ya Kirisito Yeesu, unu ariramura abhaanga na abhafuuwe. Kirisito arikora kutyo aribha aasubha rindi na bhuri muunu arimurora. Ka wone, ariija okutunga rwa omukama.

1 Petero 4:5

Nawe, abheene bharikenwa bheebhagire ku‑Nyamuwanga. Omwene atengeejere okuramura abhaanu bhoone abhaanga na abhafuuwe.