Yowana 5:16 - Indagano Inyaaya mu-Chijita

¹⁶ Niwo abhatangasya bha Abhayawudi nibhaamba okunyaasya Yeesu, kwa okubha aawosyaga abhaanu ku‑rusuku rwa Isabhaato.

INDAGANO INYA:YA

¹⁶ Mbe Abayaudi nikwo bakorere nibamunya:sya Yesu, okuba akoree ebyo ku sabato.

Yowana 5:16 ပူးပေါင်းရင်းမြစ်များ

Matayo 12:13

Neeya Yeesu ˆnaabhwira omuunu unu okubhoko kwaye kwariga kufuuwe ati, “Gorora okubhoko kwawo.” Omuunu oyo, ˆnaakugorora, awoawo ˆnaawora, nikubha rwa okundi kurya.

Mariko 3:6

Abhafarisaayo bhejire bhaawuruka anja, awoawo nibhakora echinyanjo na abharuubhirisya bha omukama Yeroode Atipaasi, cha okwikirisyanya nabho kutyo abhaja okwita Yeesu.

Ruuka 6:11

Abhafarisaayo abho, nibhabhiyirwa muno. Nibhaamba okwayikana kutyo abhaja okukorera Yeesu amabhiibhi.

Yowana 1:19

Rusuku rumwi, abhatangasya bha Abhayawudi ꞉bhaatumire abhagabhisi na Abharaawi okusooka Yerusareemu, okuja ku‑Yowana. Bhejire bhaakinga nibhamubhuusya ati, “Naawe ga?” Yowana ˆnaasoosya obhubhambaasi,

Yowana 10:39

Abhayawudi bhejire bhoongwa emisango ejo, nibheenda okumugwata rindi, nawe Yeesu ˆnaawugunyuka okusooka mu‑mabhoko geebhwe.

Yowana 15:20

Mwasiga okurabhirwa omusango gunu ꞉naabhabhwiriiye ati, ‘Omugaya atakutura okubha omukuru okukira omwami waaye.’ Mbe, araabha ꞉bhaanyaasiisye anye, emwe wone bharibhanyaasya. Nawe araabha ꞉bheekirisiisye ameeyigisyo gaani, ageemwe wone abhaja okugeekirisya.

Yowana 5:10

Kurwa ejo, abhatangasya bha Abhayawudi nibhabhwira omuunu unu ꞉aawosiibhwe ati, “Reero ni rusuku rwa Isabhaato. Ebhiraagiro bhyeswe bhitakuchiikirisisya okugega riraro.”

Yowana 5:13

Nawe omuunu oyo ꞉ataamenyere unu ꞉aamuwosiisye, kwa okubha Yeesu aariga atakubhonekana rindi okuruubhana na echise echinene cha abhaanu bhanu bhaariga bhari awo.

Yowana 5:15

Awoawo, omuunu oyo ˆnaagenda ku‑bhatangasya bha Abhayawudi, ˆnaabhabhwira ati, Yeesu niwe ꞉aamuwosiisye.

Yowana 5:17

Nawe Yeesu ˆnaabhabhwira ati, “Raata waani kaakora emirimu siku joone, ogwo nigwo ogukora anye wone nikore rwa omwene.”

Yowana 5:18

Mbe, okuruubhana na ejo, abhatangasya bha Abhayawudi nibhaamba okuyenjeresya muno injira ya okwita Yeesu. Jitari ku‑songa ya okunyamura orusuku rwa Isabhaato era, tari kwa okubha wone ꞉aayikire ati, Nyamuwanga ni Semwene. Mu‑kwayika kutyo, aariga ˆneeringʼaanya na Nyamuwanga.

Yowana 7:21

Yeesu ˆnaabhasubhya ati, “꞉Naakorere echiruguusyo chimwi anu orusuku rwa Isabhaato, emwe bhoone nimuruguura.

Yowana 7:25

Mbe, abhaanu abhandi bha Yerusareemu awo, nibhabhuusyanyaga ati, “Angu, omuunu oyo atari unu abhatangasya bheeswe abhayenja, korereki bhamwite?