Yowana 4:9 - Indagano Inyaaya mu-Chijita

⁹ Mbe, omugasi oyo ˆnaamusubhya ati, “Awe uri Muyawudi, anye niri Musamaariya. Ejibha kutiki unsabhwe nikuyaane amanji ga okunywa?” ꞉Aayikire kutyo, kwa okubha Abhayawudi bhaariga bhatakusaasikana aamwi na Abhasamaariya.

INDAGANO INYA:YA

⁹ Mbe Omusamariagasi namubu:sya ati, Awe uri Muyaudi, ?Ka okukora nusabwa amanji kwanye niki, nanye ndi Musamariagasi? Okuba Bayaudi batakusasikana na Basamaria.

Yowana 4:9 ပူးပေါင်းရင်းမြစ်များ

Matayo 10:5

Mbe, Yeesu ˆnaatuma jitumwa ekumi na bhabhiri abho, ˆnaabharagirira, ˆnaabhabhwiraga ati, “Mwasiga okuja mu‑bhyaro bhya abhaanu bhanu bhatari Bhayawudi, ka wone, mwasiga okwingira mu‑musi gwonegwone gwa Abhasamaariya.

Ruuka 10:33

“Katungu katooto okutura, ˆnaaja Omusamaariya umwi unu aariga ˆnaagenda orugendo. Omwene wone ˆnaatura ku‑njira okwo. Ejire aakinga ku‑muunu oyo, ˆnaafwira echigongo omuunu oyo.

Yowana 4:27

Mbe, omwanya ogwo, abheeyigisibhwa bhaaye nibhasubha okusooka mu‑ruguuyo. Nibharuguura muno okurora ati Yeesu aariga ˆnaasimura na omugasi. Nawe atari‑wo omuunu noorwo umwi unu ꞉aabhuusiisye Yeesu ati, “Owumwenda‑ko ki?” amwi ati, “Kurwa ki owuroma nage?”

Yowana 8:48

Abhayawudi nibhabhuusya Yeesu ati, “Chitakwayika echimari ati, awe uri Musamaariya, ka wone uri na risambwa?”

Ebikorwa 1:8

Nawe muriramira amanaga omwanya gunu Mwoyo Mweru ariija kw‑imwe, muribha abhabhambaasi bhaani mu‑Yerusareemu na mu‑mbaara ejindi joone ja echaaro cha Yuudeya na echa Samaariya, na okukingira ku‑bhuteero bhwa echaaro choone.”

Ebikorwa 10:28

Peetero ˆnaabhabhwira ati, “Emwe mumenyere kisi ati eswe Abhayawudi, ebhiraagiro bhyeswe ebhichigaanya okusaasikana na abhaanu bha amaanga. Noorwo okubharibhatira wone, chigaanyiibhwe. Nawe Nyamuwanga aanyeresya ati, nisige okwiganirisya omuunu woonewoone okubha omujabhi.

Ebikorwa 10:32

Kurwa ejo, woori bhwira abhaanu bhagende mu‑musi gwa Yoopa, bhabhirikire Simooni unu kaatogwa Peetero. Eekaaye iika ewa Simooni, omubhambi wa jinjayi. Inju yaaye iri ku‑mbarimbari ya inyanja.’