Yowana 4:48 - Indagano Inyaaya mu-Chijita

⁴⁸ Yeesu ˆnaamusubhya ati, “Emwe, mukarema okurora echibharikisyo na ebhiruguusyo, mutakunyikirisya chimwi!”

INDAGANO INYA:YA

⁴⁸ Mbe Yesu namubwira ati, Ariba mutarorere ebibarikisyo ne birugu:ro mutari:kirisya na katyari.

Yowana 4:48 ပူးပေါင်းရင်းမြစ်များ

Matayo 16:1

Niwo Abhafarisaayo na Abhasadukaayo nibhaaja ku‑Yeesu okumuregeeja. Nibhamusabhwa akore echibharikisyo cha okweresya ati, asookere ku‑Nyamuwanga.

Matayo 24:24

Bhariibhuka abharagi abhabheeyi na abhaanu bhanu bharibhaga nibheetoga ati ni Kirisito. Bharibhaga nibhakora ebhibharikisyo bhyafu na ebhiruguusyo. Kutyo, bhariregeeja okujiga abhaanu na araabha ikaturikeene, bhakaregeejere na abhasorwa bha Nyamuwanga.

Matayo 27:42

Araabha chimari ni mukama wa Abhayisirayeeri, mbe neeke okusooka ku‑musarabha, niwo eswe wone echija okumwikirisya.

Mariko 13:22

Bhariibhuka abharagi abhabheeyi na abhaanu bhanu bharibhaga nibheetoga ati ni Kirisito. Bharibhaga nibhakora ebhibharikisyo na ebhiruguusyo, korereki bhajige abhaanu na araabha ikaturikeene, bharegeeje okujiga na abhasorwa bha Nyamuwanga.

Ruuka 10:18

Yeesu ˆnaabhasubhya ati, “꞉Naarorere Syetaani ˆneeka rwa orurabhyo okusooka mu‑rwire.

Ruuka 16:31

Bhurayimu ˆnaamusubhya ati, ‘Araabha abhamura bhaanyu abho, bhaakarema okuungwa emisango jinu jikaamirwe na Muusa na abharagi abhandi, bhatakuja okuungwa omuunu noorwo akasuuruka okusooka mu‑bhafuuwe.’”

Yowana 12:37

Noorwo kutyo Yeesu ꞉aakorere ebhibharikisyo bhyafu imbere yeebhwe, nawe abhaanu bhaafu ꞉bhataamwikirisiisye.

Yowana 15:24

Nikorere ebhiruguusyo ebhinene bhinu omuunu owundi achaariga okukora. Araabha bhakabheeye bhatabhirorere, bhatakabheeye na echibhiibhi. Nawe woori, bharorere joone jinu ꞉naakorere, noorwo kutyo bhachaansokere na Raata waani wone bhamusokere.

Yowana 2:18

Abhatangasya bha Abhayawudi bhejire bhaarora jinu Yeesu aakora, nibhamubhuusya ati, “Owuja okukora echibharikisyo ki okweresya ati uri na obhuturo bhwa okukora emisango ejo?”

Yowana 20:29

Yeesu ˆnaamusubhya ati, “Weekirisya kwa okubha wandora. Bhari na amabhando bhanu bhanyikirisiisye noorwo bhachaari okundora.”

Yowana 4:49

Omusakisi oyo ˆnaamusubhya ati, “Mwami, enikusabhwa, chigende ku‑mumura waani, achaari okufwa.”

Ebikorwa 14:3

Pawuro na Bharinaabha nibhagenderera okurama siku nyafu Yikoniya awo, nibhabhwira abhaanu kwa ribhaasi inguru ya Raatabhugenyi Yeesu. Raatabhugenyi Yeesu omwene wone, ꞉eeresiisye ati, omusango gwaye gwa obhwitiriranya ni gwa echimari, kwa okubhayaana obhuturo bhwa okukora ebhibharikisyo na ebhiruguusyo bhyafu.

Ebikorwa 15:12

Awo, abhaanu bhoone nibhajibhira jibhi, Bharinaabha na Pawuro nibhabhabhwiraga kutyo Nyamuwanga aariga ˆneeresya ebhibharikisyo na ebhiruguusyo bhyafu ku‑bhaanu bhanu bhatari Bhayawudi kwa okutura ku‑bheene.

Ebikorwa 2:19

Nirikora ebhiruguusyo ku‑rutumba inguru, na ebhibharikisyo ku‑chaaro emwaro anu. Bharirora ebhibharikisyo rwa bhinu, isagama, omuriro, na ingesi sito muno.

Ebikorwa 2:22

Peetero ˆnaagenderera okwayika ati, “Emwe abhaanu bha Yisirayeeri, muntegeresye kisi! Nyamuwanga ꞉eeresiisye abhweru kw‑imwe ati Yeesu Omunajareeti ni wa echimari. ꞉Aakorere kutyo, ku‑njira ya ebhikorwa bhya obhuturo, ebhiruguusyo na ebhibharikisyo bhya mbaga nyafunyafu bhinu Nyamuwanga ꞉aamuyaaye amanaga okukora agati yeemwe. Ejo emwe abheene mujimenyere.

Ebikorwa 2:43

Jitumwa ejo bhaariga nibhakora ebhiruguusyo na ebhibharikisyo bhyafu, okukingira abhaanu bhoone nibhayaya.

Ebikorwa 4:30

Ramburura okubhoko kwawo okuwosya abhaanu, okukora ebhibharikisyo na ebhiruguusyo ku‑njira ya risiina rya Yeesu, omukosi waawo omweru!”

Ebikorwa 5:12

Jitumwa ja Yeesu bhaariga nibhakora ebhibharikisyo na ebhiruguusyo bhyafu mu‑bhaanu. Abheekirisya bhoone bha Yeesu bhaariga nibheekofyanya aamwi mu‑rubhuga rwa Riyekaru mw‑Igaragariro rya Seremaani.

Ebikorwa 6:8

Tefwano oyo, Nyamuwanga aariga amuyaaye ribhando enene, na amanaga maafu. Nikwo okukora aakoraga ebhiruguusyo na ebhibharikisyo mu‑bhaanu.

Ebikorwa 7:36

Ejire eeya, Muusa ˆnaabhatangasya bhasooke Miisiri, ku‑njira ya okukora ebhiruguusyo na ebhibharikisyo bhyafu mu‑chaaro cha Miisiri, mu‑nyanja ya Syamu, na mw‑ibhara kwa omwanya gwa emiguuga makumi gana.

Barumi 15:19

꞉Bhaakongiibhwe okumugayuka, kwa okubha okutura kw‑anye ꞉bhaarorere amanaga ga Kirisito mu‑bhibharikisyo na ebhiruguusyo. ꞉Naabhikorere ku‑managa ga Mwoyo wa Nyamuwanga. Mbe, ꞉neeyindire bhuri rubhaara nindaasyaga Emisango ja Ekisi inguru ya Kirisito, okwambira mu‑musi gwa Yerusareemu okukingira mu‑mukoowa gwa Yiruriko.

1 Bakorinto 1:22

Abhayawudi abheenda ebhibharikisyo korereki bheekirisye, Abhayunaani abhayenja obhwengeeso.

2 Bakorinto 12:12

Omwanya gunu naariga niri kw‑imwe, ꞉neebhurisiisye okubha itumwa, kwa okubha ꞉naakorere ebhibharikisyo, ebhiruguusyo na ebhikorwa bhya amanaga kwa obhwigumiirisya bhwone.

2 Batesalonika 2:9

Mbe, Omunyamusi oyo omwanya gwa okutuurwa abhweru kwaye, ariija na obhuturo bhwone bhwa Syetaani. Niwo, ku‑bhuturo obhwo arikora ebhibharikisyo na ebhiruguusyo bhya orubheeyi.

Baeburania 2:4

Nyamuwanga wone aariga ˆnaasoosya obhubhambaasi inguru ya obhuchungusi obhwo, ku‑njira ya okukora ebhibharikisyo, ebhiruguusyo na ebhikorwa bhya amanaga bhya mbaga nyafunyafu. Ka wone ꞉aagabhiiye abhaanu ebhiyaanwa bhya Mwoyo Mweru okuruubhana na okwenda kwaye.