Yowana 4:11 - Indagano Inyaaya mu-Chijita

¹¹ Omugasi oyo, ˆnaasubhya Yeesu ati, “Mwami, awe utari na echiinu cha okutayira amanji, ka wone, rijibha rinu ni reera. Woori owuja okubhona aaki amanji ganu agasoosya obhuwanga?

INDAGANO INYA:YA

¹¹ Omugasi uyo namubwira ati, Mukaruka, utari na ca kutaira ne cinyo ci:rimire muno. ?Kambe ougaso:sya a:ki amanji ago go buanga?

Yowana 4:11 ပူးပေါင်းရင်းမြစ်များ

Yowana 3:4

Nikodeemu ˆnaabhuusya Yeesu ati, “Omuunu kaatura kutiki okwibhurwa rwa kabhiri keenu aakokoowe? Angu, kaatura okwingira rindi mu‑nda ya nyiramwene korereki eebhurwe rindi?”

Yowana 4:14

Nawe omuunu unu kaanywa amanji ganu anye enimuyaana, atakuja okuungwa obhwiro noorwo na akatyari kajaanende koone. Amanji ganu enija okumuyaana, agaja okubha rwa omumiro gwa amanji mu‑mwoyo gwaye ganu agabhogomera obhuwanga bhwa akajaanende koone.”

Yowana 7:37

Orusuku rwa obhuteero rwa ichikukuru ya ebhiwuuna, rwariga ruri rusuku orukuru muno. Mbe, Yeesu ˆneemereeguru mu‑rubhuga rwa Riyekaru, ˆnaamura obhuraka ˆnaayika ati, “Omuunu akoongwa obhwiro bhwa amanji, aaje kw‑anye, anywe!

Ebikorwa 10:14

Peetero ˆnaamubhwira ati, “Wuri, Raatabhugenyi! Nichaariga okurya sirisiri, echiryo choonechoone echijabhi!”

1 Bakorinto 2:14

Nawe omuunu unu atari na Mwoyo wa Nyamuwanga, atakuramira jinu ejisooka ku‑Mwoyo wa Nyamuwanga, isonga iri ati ku‑muunu oyo ejo ni ja chimuumu. Ka wone atakutura okujisombookerwa, kwa okubha ejimenyekana era ku‑bhusakisi bhwa Mwoyo wa Nyamuwanga.

Obhusweruro 21:6

ˆNaambwira rindi ati, “Jakuumiiye! Anye naanye Obhwambiro na Obhuteero, anye naanye unu enaambisya emisango joone na okujikuumisya. Bhuri muunu unu ari na obhwiro bhwa amanji, nirimuyaana amanji ga okunywa okusooka mu‑mimiro ja amanji ganu agasoosya obhuwanga, atagurire wuri.

Obhusweruro 22:1

Neeya maraayika urya ˆnaanyeeresya omusima gwa amanji ganu agasoosya obhuwanga. Omusima ogwo gwariga nigubharangirya rwa rirore na gwariga niguwurura okusooka mw‑ifuufu rya echitebhe cha ingʼoma cha Nyamuwanga na Omwana wa Inaama.

Obhusweruro 22:17

Mwoyo wa Nyamuwanga na omwenga wa Omwana wa Inaama abhabhirikira Raatabhugenyi Yeesu, nibhaayika ati, “Iija!” Abhaanu bhoone wone bhanu bharyungwa emisango ejo bhaayike ati, “Iija!” Woonewoone unu ari na obhwiro, aaje anywe amanji ganu agasoosya obhuwanga, atagurire wuri.

Obhusweruro 7:17

Okubha, Omwana wa Inaama unu ari yeeyi na echitebhe cha ingʼoma aribha omureefi weebhwe. Aribhatangasya bhoone okuja ku‑mimiro ja amanji ganu agasoosya obhuwanga akajaanende koone. Nyamuwanga omwene aribheeya amasiga geebhwe goone.”